တက္ကသိုလ်ဝင်တန်းအင်္ဂလိပ်စာဖြေဆိုနည်းလမ်းညွှန်နှင့်ပတ်သက်ပြီး အထောက်အကူပြုစေရေး ပို့ချ - တက္ကသိုလ်ဝင်တန်းအင်္ဂလိပ်စာဖြေဆိုနည်းလမ်းညွှန်နှင့်ပတ်သက်ပြီး အထောက်အကူပြုစေရေး ပို့ချ

တက္ကသိုလ်ဝင်တန်းအင်္ဂလိပ်စာဖြေဆိုနည်းလမ်းညွှန်နှင့်ပတ်သက်ပြီး အထောက်အကူပြုစေရေး ပို့ချ

ကရင်ပြည်နယ်အစိုးရအဖွဲ့/ ကရင်ပြည်နယ်အစိုးရအဖွဲ့ / January 11, 2019


ဘားအံ ဇန်နဝါရီ(၉)
 ကရင်ပြည်နယ်၊ ဘားအံမြို့တွင် ၂၀၁၈-၂၀၁၉ပညာသင်နှစ် တက္ကသိုလ်ဝင်တန်းစာမေးပွဲတွင် ဖြေဆိုရမည့် ကျောင်းသား/ကျောင်းသူများ အထောက်အကူပြုဖြေဆိုနိုင်ရေးအတွက် ပြည်နယ်အစိုးရအဖွဲ့၏ အစီအစဉ်ဖြင့် တက္ကသိုလ်ဝင်တန်းအင်္ဂလိပ်စာဖြေဆိုနည်းလမ်းညွှန်များအား ပို့ချသင်ကြားခြင်းကို ဇန်နဝါရီလ(၉)ရက်နေ့၊ နေ့လည်(၂)နာရီက ဘားအံမြို့ အမှတ်(၁)အခြေခံပညာအထက်တန်းကျောင်း မြသံလွင်ခန်းမတွင် ပြုလုပ်ရာ သင်ကြားပို့ချရာသို့ ပြည်နယ်အစိုးရအဖွဲ့ လူမှုရေးဝန်ကြီး ဒေါက်တာတင်ဝင်းကျော် တက်ရောက်အားပေးခဲ့ကြောင်း သိရသည်။
 ၂၀၁၈-၂၀၁၉ပညာသင်နှစ် တက္ကသိုလ်ဝင်တန်းအင်္ဂလိပ်စာဖြေဆိုနည်းလမ်းညွှန်များနှင့်ပတ်သက်ပြီး ကျောင်းသား/ကျောင်းသူများ အခက်အခဲမရှိစေရေး ကြိုတင်သိထားနိုင်ရေးအတွက် ဆရာကြီးဦးနေအုပ်(စိန်ပေါလ်)(အင်္ဂလိပ်စာပါမောက္ခငြိမ်း)၊ သင်္ဃန်းကျွန်းမှ လာရောက်ပို့ချရာ ဘားအံမြို့ပေါ်ရှိ အခြေခံပညာအထက်တန်းကျောင်း (၅)ကျောင်း အင်္ဂလိပ်စာပြဆရာ/ ဆရာမများ၊ တက္ကသိုလ်ဝင်တန်း ဖြေဆိုမည့် ကျောင်းသား/ကျောင်းသူများ တက်ရောက်ပြီး ၂၀၁၈-၂၀၁၉ ပညာသင်နှစ် တက္ကသိုလ်ဝင်တန်းစာမေးပွဲတွင်ဖြေဆိုရမည့် အင်္ဂလိပ်စာမေးခွန်း ပုံစံသစ်နှင့်ပတ်သက်၍ မေးခွန်းနာလည်ရန် ဖတ်ရှုလေ့လာနည်း၊ အမှတ်ရရှိအောင် ဖြေဆိုနည်းများကို တက္ကသိုလ်ဝင်တန်း အောင်ချက်မြင့်မားရေးအတွက် ပို့ချသင်ကြားခဲ့ကြောင်း သိရသည်။

 

အထူးသတင်း
  • ၂၀၁၈ -၂၀၁၉ ဘဏ္ဍာနှစ် (အောက်တိုဘာလမှ ဒီဇင်ဘာလထိ) (ယာယီ) မြန်မာနိုင်ငံ၏ ပြည်ပကုန်သွယ်မှု အမေရိကန် ဒေါ်လာ ၈၁၄၃ သန်း ဆောင်ရွက်နိုင်၊ ယခင်ဘဏ္ဍာနှစ်ကာလ တူထက် အမေရိကန်ဒေါ်လာ ၁၂၆ သန်း ပိုမို ဆောင်ရွက်နိုင်ခဲ့
  •           
  • နေပြည်တော်စည်ပင်သာယာရေးကော်မတီ၊အင်ဂျင်နီယာဌာန(ရေနှင့်သန့်ရှင်းမှု)၏ ရေပေးဝေရေးလုပ်ငန်းမှ စီးပွားရေးလုပ်ငန်းသုံးရေမီတာများအား ရေဖိုးရေခပြောင်းလဲကောက်ခံမည်
  •           
  • ၂၀၁၉ ခုနှစ် ဇန်နဝါရီ ၆ ရက်မှ ၁၂ ရက်အထိ မူးယစ်ဆေးဝါးအမှု ၂၁၉ မှု ဖမ်းဆီးရမိခဲ့ကြောင်း နိုင်ငံတော်သမ္မတရုံးက သတင်းထုတ်ပြန်ထားသည်။
  •           
  • လေရှီးမြို့၌ ၂ဝ၁၉ ခုနှစ် နာဂရိုးရာနှစ်သစ်ကူးပွဲတော် စည်ကားသိုက်မြိုက်စွာ ကျင်းပမည်
  •