ပြည်ထောင်စုဝန်ကြီး နိုင်သက်လွင် ကိုးကန့်နှစ်သစ်ကူး အထိမ်းအမှတ် ပွဲတော်နှင့် တိုင်းရင်းသား ကုန်စည်ပြပွဲတော် တက်ရောက် - ပြည်ထောင်စုဝန်ကြီး နိုင်သက်လွင် ကိုးကန့်နှစ်သစ်ကူး အထိမ်းအမှတ် ပွဲတော်နှင့် တိုင်းရင်းသား ကုန်စည်ပြပွဲတော် တက်ရောက်

ပြည်ထောင်စုဝန်ကြီး နိုင်သက်လွင် ကိုးကန့်နှစ်သစ်ကူး အထိမ်းအမှတ် ပွဲတော်နှင့် တိုင်းရင်းသား ကုန်စည်ပြပွဲတော် တက်ရောက်

Ministry of Information/ မန္တလေး / February 11, 2019
image_latest


နေပြည်တော် ဖေဖော်ဝါရီ ၁၀

ကိုးကန့် တိုင်းရင်းသားလူမျိုးများ၏ နှစ်သစ်ကူးအထိမ်းအမှတ်ပွဲတော်ကို ယမန်နေ့ ညပိုင်းတွင် မန္တလေးမြို့ ဗုဒ္ဓဘာသာ ကိုးကန့်ဓမ္မာရုံ၌ ကျင်းပသည်။

အခမ်းအနားတွင် ပြည်ထောင်စုဝန်ကြီး နိုင်သက်လွင်က မိမိတို့နိုင်ငံသည် တိုင်းရင်း သား လူမျိုးစုပေါင်း(၁၀၀)ကျော်ဖြင့် ဖွဲ့စည်းထားသော နိုင်ငံဖြစ်၍ တိုင်းရင်းသားများ၏ အခွင့်အရေးများကို ကာကွယ်စောင့်ရှောက်ခြင်းသည် အရေးကြီးကြောင်း၊ ထို့ကြောင့် တိုင်းရင်းသား အခွင့်အရေးများ ကာကွယ်စောင့်ရှောက်သည့် ဥပဒေကို ပြဌာန်းပြီး ဥပဒေအရ တိုင်းရင်းသား များအနေဖြင့် မိမိတို့၏ ဓလေ့ထုံးတမ်းအစဉ်အလာအရ ဆောင်ရွက်သည့် အခမ်းအနားများနှင့် နေ့ထူးနေ့မြတ်များကို လွတ်လပ်စွာ ကျင်းပခွင့် ရှိလာသည်နှင့်အညီ တိုင်းရင်းသားများ၏ ရိုးရာ ဓလေ့ပွဲတော်များအား နိုင်ငံအဝှမ်းတွင် ကျင်းပဆောင်ရွက် နေကြပြီ ဖြစ်ပါကြောင်း၊ ထိုသို့ ကျင်းပနိုင်ခြင်းဖြင့် တိုင်းရင်းသားအချင်းချင်း ချစ်ကြည်ရင်းနှီး၍ စည်းလုံးညီညွှတ်လာပြီး ငြိမ်းချမ်းရေးလုပ်ငန်းစဉ်များ ပိုမိုမြန်ဆန်လာကာ ပြည်သူများ လိုလား တောင့်တနေသည့် ဒီမိုကရေစီဖက်ဒရယ် ပြည်ထောင်စုကြီးကို လျင်မြန်စွာ အကောင်အထည်ဖော် နိုင်မည်ဖြစ် ကြောင်း ပြောကြားသည်။

ထို့နောက် တိုင်းဒေသကြီး ဝန်ကြီးချုပ် ဒေါက်တာဇော်မြင့်မောင်က နှုတ်ခွန်းဆက်စကား ပြောကြားပြီး ကိုးကန့် တိုင်းရင်းသား လူမျိုးများ ကိုယ်စား ဦးအောင်ဝင်းခိုင်မှ ကျေးဇူးတင်စကား ပြောကြားသည်။

ယင်းနောက် တိုင်းရင်းသား ရိုးရာအကများဖြင့် ဖျော်ဖြေတင်ဆက်၍ ကိုးကန့် ရိုးရာအစား အစာများဖြင့် တည်ခင်း ဧည့်ခံသည်။

(သတင်းစဉ်)

အထူးသတင်း
  • ရာသီတုပ်ကွေးရောဂါ (Seasonal Influenza)ဖြစ်ပွားမှုနှင့်ပတ်သက်၍ ရောဂါစောင့်ကြပ်ကြည့်ရှုခြင်း၊ ကြိုတင်ကာ ကွယ်ခြင်းနှင့် တုံ့ပြန်ဆောင် ရွက်ခြင်းလုပ်ငန်းများ အားဖြည့်ဆောင်ရွက်လျက်ရှိကြောင်း ထုတ်ပြန် ချက် (၁/၂၀၁၉)
  •