၁၃၈၀ခုနှစ်၊ တနင်္သာရီတိုင်းဒေသကြီး၊ မြန်မာရိုးရာယဉ်ကျေးမှု မဟာသင်္ကြန် ဖွင့်ပွဲအခမ်းအနား ကျင်းပခြင်း - ၁၃၈၀ခုနှစ်၊ တနင်္သာရီတိုင်းဒေသကြီး၊ မြန်မာရိုးရာယဉ်ကျေးမှု မဟာသင်္ကြန် ဖွင့်ပွဲအခမ်းအနား ကျင်းပခြင်း

၁၃၈၀ခုနှစ်၊ တနင်္သာရီတိုင်းဒေသကြီး၊ မြန်မာရိုးရာယဉ်ကျေးမှု မဟာသင်္ကြန် ဖွင့်ပွဲအခမ်းအနား ကျင်းပခြင်း

Tanintaryi Region Government/ တနင်္သာရီတိုင်းဒေသကြီး၊ ထားဝယ်မြို့နယ် / April 13, 2019


မြန်မာ့ရိုးရာယဉ်ကျေးမှုပွဲတော်ဖြစ်သော ၁၃၈၀ ခုနှစ်၊ မဟာသင်္ကြန်ဖွင့်ပွဲအခမ်းအနားကို တနင်္သာရီတိုင်းဒေသကြီး၏ မြို့တော်ဖြစ်သော ထားဝယ်မြို့၊ မြို့တော်ခန်းမရှေ့၊ ဗဟိုမဏ္ဍပ်၌ ယနေ့ ညနေ ၁၇၀၀ နာရီတွင် ကျင်းပခဲ့ပြီး ပြိုင်ပွဲဝင်သင်္ကြန်ယိမ်းအဖွဲ့များ၊ ဖျော်ဖြေရေးယိမ်းအဖွဲ့များ၊ ဖိတ်ကြားထားသော ဧည့်သည်တော်များ နေရာယူပြီးနောက် တိုင်းဒေသကြီးအစိုးရအဖွဲ့ ဝန်ကြီးချုပ် ဦးမြင့်မောင် က ၁၃၈၀ ခုနှစ်၊ မြန်မာ့ရိုးရာယဉ်ကျေးမှုမဟာသင်္ကြန်ဖွင့်ပွဲ မင်္ဂလာအခါတော်ကြား စာတမ်းအား ဖတ်ကြားခဲ့ပါသည်။

ဆက်လက်၍ တိုင်းဒေသကြီးအစိုးရအဖွဲ့ ဝန်ကြီးချုပ် ဦးမြင့်မောင်၊ တိုင်းဒေသကြီးလွှတ်တော် ဥက္ကဋ္ဌ ဦးခင်မောင်အေး၊ တိုင်းဒေသကြီးအစိုးရအဖွဲ့ လူမှုရေးနှင့်စည်ပင်သာယာရေးဝန်ကြီး ဦဟိုပင် တို့က ၁၃၈၀ ခုနှစ်၊ မြန်မာ့ရိုးရာယဉ်ကျေးမှုပွဲတော် မဟာသင်္ကြန်ဖွင့်ပွဲအခမ်းအနားအား ဗဟိုမဏ္ဍပ်၌ ဖဲကြိုးဖြတ် ဖွင့်လှစ်ပေးပြီး Universal တေးဂီတအဖွဲ့က “ရွှေဝယ်မြေမှ နွေအလှသင်္ကြန်”သီချင်းဖြင့် သီဆိုကပြ ဖျော်ဖြေနေစဉ် တနင်္သာရီတိုင်းဒေသကြီးအစိုးရအဖွဲ့ဝန်ကြီးချုပ်၊ လွှတ်တော်ဥက္ကဋ္ဌ၊ အစိုးရအဖွဲ့ဝင်ဝန်ကြီးများ၊ လွှတ်တော်ဒုတိယဥက္ကဋ္ဌတို့က တက်ရောက်လာကြသော ဧည့်သည်တော် များနှင့် သင်္ကြန်ယိမ်းအကဖွဲ့များအား အတာရေကိုသပြေခက်ဖြင့် ရိုးရာမပျက် ရေပက်ဖြန်းကြပါ သည်။ 

၎င်းနောက် တိုင်းဒေသကြီးအစိုးရအဖွဲ့ ဝန်ကြီးချုပ်နှင့် ဧည့်သည်တော်များ၊ ဒေသခံပြည်သူ များအား ထားဝယ်ရိုးရာယဉ်ကျေးမှုအကအဖွဲ့က “ကန်းဗွန်းဒဒ်” သီချင်းဖြင့်လည်းကောင်း၊ အထက ညောင်ဇင်ကျောင်းသူများက  “ရေအိုးရွက်” အကဖြင့်လည်းကောင်း၊ ရတနာရင်သွေးမူကြို ကျောင်းသူလေးများမှ “ဘယ်လိုလူကြီးလဲ” နှင့် “ဟော့တော့” သီချင်းဖြင့်လည်းကောင်း၊ တနင်္သာရီ တိုင်းဒေသကြီး ထားဝယ်ယဉ်ကျေးမှုအကအဖွဲ့မှ  “မြူမှောင်ဝေကင်း”နှင့် “ရွှေဧည့်သည်” သီချင်းဖြင့် လည်းကောင်း သီဆိုကပြဖျော်ဖြေကြပြီး ဖွင့်ပွဲအခမ်းအနားကို ရုပ်သိမ်းလိုက်သည်။

မဟာသင်္ကြန်အကြိုနေ့၊ အကျနေ့နှင့် အကြတ်နေ့များတွင် ဗဟိုမဏ္ဍပ်၌ ပြိုင်ပွဲဝင် သင်္ကြန်ယိမ်းအဖွဲ့များဖြစ်သော ဌာနဆိုင်ရာ၊ တက္ကသိုလ်၊ သင်တန်းကျောင်းကိုယ်စားပြု ယိမ်းအဖွဲ့ (၆)ဖွဲ့နှင့် မြို့နယ်ကိုယ်စားပြု ရပ်ကွက်/ကျေးရွာအုပ်စု ယိမ်းအဖွဲ့(၁၀)ဖွဲ့တို့က ပါဝင်ယှဉ်ပြိုင်ကြမည် ဖြစ်ပြီး အတက်နေ့ ၁၆.၄.၂၀၁၉ ညနေ ၁၇၀၀ နာရီတွင် ယိမ်းပြိုင်ပွဲဆုချီးမြှင့်သွားမည်ဖြစ်ကြောင်း သတင်းရရှိခဲ့ပါသည်။

 

 

 

 

အထူးသတင်း
  • ဂျပန်နိုင်ငံ Lion Club အဖွဲ့မှ ဖလင်ပိဋကတ်တိုက်သို့ ရုပ်ရှင်ဖလင်ဘူးများလှူဒါန်း
  •           
  • ဒုတိယဝန်ကြီး ဦးကျော်လင်း ရန်ကုန် - မန္တလေး အမြန်လမ်း ဆွာချောင်းတံတား၏ ရေလယ်တိုင်များ နိမ့်ကျနေမှုအား ပြန်လည်မြှင့်တင်မှုလုပ်ငန်း ကြည့်ရှုစစ်ဆေး
  •           
  • အရှေ့တောင်အာရှ ကာယဗလနှင့်ကာယကြံ့ခိုင်မှုပြိုင်ပွဲ ယှဉ်ပြိုင်ရန် အာဆီယံနိုင်ငံများမှ အားကစားသမားများ ရောက်ရှိ
  •           
  • ခင်ဦးမြို့နယ်တရားသူကြီး ဒေါ်ရည်ရည်မွန် (တ/၂၈၇၃) ၊ ရှေ့နေ ဒေါ်ဇာခြည်ဝင်း၊ ရုံးစောင့်/သန့်ရှင်းရေး ဦးရဲဝဏ္ဏ တို့အပေါ် အဂတိလိုက်စားမှုတိုက်ဖျက်ရေးဥပဒေဖြင့် အမှုဖွင့်လှစ် အရေးယူ
  •