ရွှေသံလွင်ကုမ္ပဏီလီမီတက် Sky Net မိသားစု၏ မြန်မာ့ရိုးရာမဟာသင်္ကြန်ရေကစားမဏ္ဍပ် ဖွင့်ပွဲ အခမ်းအနားကျင်းပ - ရွှေသံလွင်ကုမ္ပဏီလီမီတက် Sky Net မိသားစု၏ မြန်မာ့ရိုးရာမဟာသင်္ကြန်ရေကစားမဏ္ဍပ် ဖွင့်ပွဲ အခမ်းအနားကျင်းပ

ရွှေသံလွင်ကုမ္ပဏီလီမီတက် Sky Net မိသားစု၏ မြန်မာ့ရိုးရာမဟာသင်္ကြန်ရေကစားမဏ္ဍပ် ဖွင့်ပွဲ အခမ်းအနားကျင်းပ

Ministry of Information/ ​နေပြည်တော် / April 13, 2019
image_latest


နေပြည်တော် ဧပြီ ၁၃

ရွှေသံလွင်ကုမ္ပဏီလီမီတက် Sky Net မိသားစု၏ မြန်မာသက္ကရာဇ် ၁၃၈၀ ပြည့်နှစ်မှ ၁၃၈၁ ခုနှစ်သို့ ကူးပြောင်းမည့် နှစ်သစ်ကူး မြန်မာ့ရိုးရာယဉ်ကျေးမှုမဟာသင်္ကြန် ရေကစား မဏ္ဍပ် ဖွင့်ပွဲအခမ်းအနားကို ယနေ့နံနက် ၉ နာရီတွင် နေပြည်တော်ဟိုတယ်ဇုန်ရှိ Sky Net ရေကစားမဏ္ဍပ်၌ ကျင်းပသည်။

ဖွင့်ပွဲအခမ်းအနားသို့ ပြန်ကြားရေးဝန်ကြီးဌာန ပြည်ထောင်စုဝန်ကြီး ဒေါက်တာ ဖေမြင့် နှင့် ဇနီး၊ သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရ ဦးအောင်ကို၊ နေပြည်တော်ကောင်စီ ဥက္ကဋ္ဌ ဒေါက်တာမျိုးအောင်နှင့်ဇနီး၊ ဌာနဆိုင်ရာ တာဝန်ရှိသူများ၊ အနုပညာရှင်များ၊ တိုင်းရင်းသားရိုးရာယဉ်ကျေးမှု အကအဖွဲ့များနှင့် သင်္ကြန်ချစ်သူပြည် သူများ တက်ရောက်ကြသည်။

ရှေးဦးစွာ ပြည်ထောင်စုဝန်ကြီး ဒေါက်တာဖေမြင့်နှင့် သူရဦးအောင်ကို၊ နေပြည်တော် ကောင်စီဥက္ကဋ္ဌ ဒေါက်တာမျိုးအောင်၊ ရွှေသံလွင်ကုမ္ပဏီလီမီတက်  နာယက ဒေါက်တာ ဒေါ်နီနီနှင့် ဥက္ကဋ္ဌ ဒေါ်မြင့်မြင့်ဝင်း တို့က မြန်မာ့ရိုးရာမဟာသင်္ကြန် ရေကစားမဏ္ဍပ်ကို ဖဲကြိုးဖြတ်၍ ဖွင့်လှစ်ပေးကြသည်။

ထို့နောက် ပြည်ထောင်စုဝန်ကြီးများ၊ နေပြည်တော်ကောင်စီဥက္ကဋ္ဌ တို့သည် တိုင်းရင်းသား ရိုးရာအကအဖွဲ့များနှင့် အနုပညာရှင်များကို အတာရေများဖြင့် ပက်ဖြန်းပေး ကြပြီး တေးသံရှင်များနှင့် ယိမ်းအကအဖွဲ့များ၏ သီဆိုဖျော်ဖြေမှုများကို ကြည့်ရှုအားပေး ကြသည်။

ယင်းနောက် ပြည်ထောင်စုဝန်ကြီး ဒေါက်တာဖေမြင့်သည် ရွှေသံလွင်ကုမ္ပဏီ လီမိတက် SkyNet မိသားစု၏ စတုဒီသာမဏ္ဍပ်၌ အစားအသောက်များ ချက်ပြုတ်နေမှုနှင့် ပြည်သူများလာရောက် စားသုံးနေမှုများကို လှည့်လည်ကြည့်ရှုအားပေးသည်။

နေပြည်တော်ဟိုတယ်ဇုန်ရှိ Sky Net ရေကစားမဏ္ဍပ်တွင် နိုင်ငံကျော် အနုပညာရှင်များနှင့် တေးသံရှင်များ၏ တေးသီချင်းသီဆိုမှုများနှင့်အတူ တိုင်းရင်းသား ရိုးရာယဉ်ကျေးမှုအကအဖွဲ့များ၊ ယိမ်းအဖွဲ့များ၏ ကပြဖျော်ဖြေမှုများကို ကြည့်ရှုအားပေးကြသည့် သင်္ကြန် ချစ်သူပြည်သူများနှင့် စည်ကားလျက်ရှိသည်။

သတင်း - မျိုးသူဟိန်း၊
ဓာတ်ပုံ - ကိုကိုလေး၊ ကျော်ရဲဆွေ။

 

အထူးသတင်း
  • ဂျပန်နိုင်ငံ Lion Club အဖွဲ့မှ ဖလင်ပိဋကတ်တိုက်သို့ ရုပ်ရှင်ဖလင်ဘူးများလှူဒါန်း
  •           
  • ဒုတိယဝန်ကြီး ဦးကျော်လင်း ရန်ကုန် - မန္တလေး အမြန်လမ်း ဆွာချောင်းတံတား၏ ရေလယ်တိုင်များ နိမ့်ကျနေမှုအား ပြန်လည်မြှင့်တင်မှုလုပ်ငန်း ကြည့်ရှုစစ်ဆေး
  •           
  • အရှေ့တောင်အာရှ ကာယဗလနှင့်ကာယကြံ့ခိုင်မှုပြိုင်ပွဲ ယှဉ်ပြိုင်ရန် အာဆီယံနိုင်ငံများမှ အားကစားသမားများ ရောက်ရှိ
  •           
  • ခင်ဦးမြို့နယ်တရားသူကြီး ဒေါ်ရည်ရည်မွန် (တ/၂၈၇၃) ၊ ရှေ့နေ ဒေါ်ဇာခြည်ဝင်း၊ ရုံးစောင့်/သန့်ရှင်းရေး ဦးရဲဝဏ္ဏ တို့အပေါ် အဂတိလိုက်စားမှုတိုက်ဖျက်ရေးဥပဒေဖြင့် အမှုဖွင့်လှစ် အရေးယူ
  •