ထိုင်ဝမ်(တရုတ်-တိုင်ပေ)၌ အခက်အခဲကြုံတွေ့နေရသည့် မြန်မာနိုင်ငံသားများအား မြန်မာနိုင်ငံသို့ ပြန်လည်ခေါ်ဆောင်ခဲ့

ထိုင်ဝမ်(တရုတ်-တိုင်ပေ)၌ အခက်အခဲကြုံတွေ့နေရသည့် မြန်မာနိုင်ငံသားများအား မြန်မာနိုင်ငံသို့ ပြန်လည်ခေါ်ဆောင်ခဲ့

Ministry of Information/ ​နေပြည်တော် / July 09, 2020


နေပြည်တော် ဇူလိုင် ၉

ပြည်ပမှ COVID-19 ရောဂါ ကူးစက်ပြန့်ပွားမှုအန္တရာယ်မှ ကာကွယ်စောင့်ရှောက်နိုင်ရေး အတွက် အစီအမံများကို ဆက်လက်ချမှတ်ဆောင်ရွက်လျက်ရှိရာ မြန်မာနိုင်ငံသို့ ပျံသန်းပြေးဆွဲသည့် လေကြောင်းခရီးစဉ်များ ယာယီရပ်ဆိုင်းမှုကြောင့် ထိုင်ဝမ်(တရုတ်-တိုင်ပေ)တွင် ရောက်ရှိနေပြီး မြန်မာနိုင်ငံသို့ပြန်ရန် အခက်အခဲကြုံတွေ့နေရသည့် မြန်မာနိုင်ငံသား (၅၅)ဦးအား China Airline  Cargo လေယာဉ်ဖြင့် မြန်မာနိုင်ငံသို့ ပြန်လည်ပို့ဆောင်ပေးခဲ့ရာ ယနေ့နံနက် ၉နာရီ ၂၅ မိနစ်တွင် ရန်ကုန်အပြည်ပြည်ဆိုင်ရာလေဆိပ်သို့ အဆင်ပြေချောမွေ့စွာ ပြန်လည်ရောက်ရှိခဲ့ကြသည်။ 

ယင်း မြန်မာနိုင်ငံသားများ ရန်ကုန်အပြည်ပြည်ဆိုင်ရာလေဆိပ်သို့ ရောက်ရှိချိန်တွင် လူဝင်မှုကြီးကြပ်ရေး၊ ကျန်းမာရေးစိစစ်ရေးနှင့်(၂၁)ရက်တာ အသွားအလာကန့်သတ်နေထိုင်ရေး တို့ကို အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ ကျန်းမာရေးနှင့် အားကစားဝန်ကြီးဌာနနှင့် ရန်ကုန်တိုင်းဒေသကြီးအစိုးရအဖွဲ့တို့မှ သက်ဆိုင်ရာအခန်းကဏ္ဍ အလိုက် တာဝန်ယူဆောင်ရွက်ပေးခဲ့သည်။

နိုင်ငံတကာခရီးသည်တင် လေယာဉ်များပျံသန်းမှု ယာယီရပ်ဆိုင်းထားခြင်းကြောင့် ပြည်ပ နိုင်ငံအသီးသီးတွင် ပိတ်မိ၍ အခက်အခဲကြုံတွေ့နေကြသည့် မြန်မာနိုင်ငံသားများအား ပြန်လည် ခေါ်ဆောင်နိုင်ရေးအတွက် ကိုဗစ်-၁၉ ကာကွယ်၊ ထိန်းချုပ်၊ ကုသရေးအမျိုးသားအဆင့် ဗဟို ကော်မတီ၏ လမ်းညွှန်ချက်နှင့်အညီ နိုင်ငံခြားရေးဝန်ကြီးဌာနအနေဖြင့် သက်ဆိုင်ရာမြန်မာသံရုံး/ ကောင်စစ်ဝန်ချုပ်ရုံးများနှင့် မြန်မာနိုင်ငံရှိ သက်ဆိုင်ရာဝန်ကြီးဌာနတို့နှင့် ပူးပေါင်းညှိနှိုင်း၍ ဆောင်ရွက်ပေးလျက်ရှိရာ ယနေ့အချိန်ထိ မြန်မာနိုင်ငံသားဦးရေ စုစုပေါင်း(၇၁၄၂)ဦးအား မြန်မာနိုင်ငံသို့ ပြန်လည်ခေါ်ဆောင်ပေးခဲ့ပြီးဖြစ်ကြောင်း သိရသည်။

(သတင်းစဉ်)

Newspaper

Vol.VII, No. 111, Wednesday, 5 August 2020


Posted on Aug 05, 2020 Download

Vol. VII, No.110, Tuesday, 4 August 2020


Posted on Aug 04, 2020 Download

Vol. VII, No.109, Monday, 3 August 2020


Posted on Aug 03, 2020 Download

Vol. VII, No.107, Saturday, 1 August 2020


Posted on Aug 01, 2020 Download

Annoucements

နေပြည်တော်စည်ပင်သာယာရေးကော်မတီမှ ၂၀၁၉-၂၀၂၀ ဘဏ္ဍာရေးနှစ်မှစ၍ ယာဉ်ဖြင့်လှည့်လည်ရောင်းချခွင့်လုပ်ငန်းလိုင်စင်အား သက်ဆိုင်ရာမြို့နယ်စည်ပင်သာယာအုပ်ချုပ်ရေးမှူးရုံးများတွင် လက်ခံဆောင်ရွက်ပေးနေပြီဖြစ်ကြောင်း အသိပေးအကြောင်းကြားခြင်း


Posted on Aug 7, 2020

နေပြည်တော်စည်ပင်သာယာရေးကော်မတီမှ ၂၀၁၉-၂၀၂၀ ဘဏ္ဍာရေးနှစ်မှစ၍ ယာဉ်ဖြင့်လှည့်လည်ရောင်းချခွင့်လုပ်ငန်းလိုင်စင်အား သက်ဆိုင်ရာမြို့နယ်စည်ပင်သာယာအုပ်ချုပ်ရေးမှူးရုံးများတွင် လက်ခံဆောင်ရွက်ပေးနေပြီဖြစ်ကြောင်း အသိပေးအကြောင်းကြားခြင်း

Read more

နေပြည်တော်စည်ပင်သာယာရေးကော်မတီမှ အစားအသောက်လုပ်ငန်းလိုင်စင်နှင့် အထွေထွေလုပ်ငန်းလိုင်စင်အသစ်များအား (၁.၈.၂၀၂၀)ရက်နေ့မှစ၍ online မှတစ်ဆင့် လျှောက်ထားဆောင်ရွက်နိုင်ပြီဖြစ်ကြောင်း အသိပေးကြေညာခြင်း


Posted on Aug 7, 2020

နေပြည်တော်စည်ပင်သာယာရေးကော်မတီမှ အစားအသောက်လုပ်ငန်းလိုင်စင်နှင့် အထွေထွေလုပ်ငန်းလိုင်စင်အသစ်များအား (၁.၈.၂၀၂၀)ရက်နေ့မှစ၍ online မှတစ်ဆင့် လျှောက်ထားဆောင်ရွက်နိုင်ပြီဖြစ်ကြောင်း အသိပေးကြေညာခြင်း

Read more