နိုင်ငံတစ်ဝန်းမှုခင်းစီမံခန့်ခွဲမှုအစီအစဉ်အရ မှုခင်းစီမံခန့်ခွဲမှုအစီအစဉ် တရားရုံးများ၏ အခြေခံမျဉ်းအချက်အလက်များဆွေးနွေးခြင်း၊ စောင့်ကြည့်စစ်ဆေး အကဲဖြတ်ခြင်းနှင့် အစီရင်ခံစာရေးသားခြင်း၊ နည်းပညာသုံး မှုခင်းစီမံခန့်ခွဲရေးစနစ်နှင့် စပ်လျဉ်းသည့် အလုပ်ရုံဆွေးနွေးပွဲ ကျင်းပပြုလုပ်
နိုင်ငံတစ်ဝန်းမှုခင်းစီမံခန့်ခွဲမှုအစီအစဉ်အရ မှုခင်းစီမံခန့်ခွဲမှုအစီအစဉ် တရားရုံးများ၏ အခြေခံမျဉ်းအချက်အလက်များဆွေးနွေးခြင်း၊ စောင့်ကြည့်စစ်ဆေး အကဲဖြတ်ခြင်းနှင့် အစီရင်ခံစာရေးသားခြင်း၊ နည်းပညာသုံး မှုခင်းစီမံခန့်ခွဲရေးစနစ်နှင့် စပ်လျဉ်းသည့် အလုပ်ရုံဆွေးနွေးပွဲ ကျင်းပပြုလုပ်
The Supreme Court of the Union/ နေပြည်တော် / July 26, 2019
ပြည်ထောင်စုတရားလွှတ်တော်ချုပ်နှင့် USAID-PRLM တို့ပူးပေါင်း၍ နိုင်ငံတစ်ဝန်း မှုခင်းစီမံခန့်ခွဲမှုအစီအစဉ်အရ မှုခင်းစီမံခန့်ခွဲမှုအစီအစဉ်တရားရုံးများ၏ အခြေခံမျဉ်းအချက် အလက်များ ဆွေးနွေးတင်ပြခြင်း၊ စောင့်ကြည့်စစ်ဆေး အကဲဖြတ်ခြင်းနှင့် အစီရင်ခံစာ ရေးသားခြင်း၊ နည်းပညာသုံး မှုခင်းစီမံခန့်ခွဲရေး စနစ်နှင့် စပ်လျဉ်းသည့် အလုပ်ရုံဆွေးနွေးပွဲကို ယနေ့နံနက် (၀၉:၀၀) နာရီတွင် နေပြည်တော်၊ Kempinski ဟိုတယ်၌ ကျင်းပသည်။
အဆိုပါ အလုပ်ရုံဆွေးနွေးပွဲ၌ ၂၀၁၉ ခုနှစ်၊ ဇူလိုင်လ (၁) ရက်နေ့တွင် အကောင်အထည် ဖော်ဆောင်ရွက်ခဲ့သည့် မှုခင်းစီမံခန့်ခွဲမှုအစီအစဉ် တရားရုံးများက ကောက်ယူခဲ့သော စစ်ဆေးပြီးအမှု၊ စစ်ဆေးဆဲအမှု၊ တရားရုံးအသုံးပြုသူများ ကျေနပ်မှုစစ်တမ်းများ၏ အခြေခံ မျဉ်းများကို သုံးသပ်တင်ပြခြင်း၊ ယခင်မှုခင်းစီမံခန့်ခွဲမှု တရားရုံးများ၏ စစ်ဆေးပြီးအမှုနှင့် စစ်ဆေးဆဲအမှုများ၏ ၁-၁-၂၀၁၉ ရက်နေ့မှ ၃၀-၆-၂၀၁၉ ရက်နေ့ထိ ရလာဒ်များကို အခြေခံမျဉ်းနှင့် မဟာဗျူဟာစီမံကိန်းပါ လျာထားသတ်မှတ်ချက်များနှင့် နှိုင်းယှဉ်ဆွေးနွေး သုံးသပ်ခြင်း၊ မှုခင်းစီမံခန့်ခွဲမှုအစီအစဉ် တရားရုံးများအား စောင့်ကြည့်စစ်ဆေး အကဲဖြတ်ခြင်းနှင့် အစီရင်ခံစာရေးသားခြင်း၊ နည်းပညာသုံး မှုခင်းစီမံခန့်ခွဲရေးစနစ် အသုံးပြုခြင်း စသည့်အကြောင်းအရာများနှင့် စပ်လျဉ်း၍ ဆွေးနွေးကြမည်ဖြစ်သည်။
အဆိုပါ အလုပ်ရုံဆွေးနွေးပွဲသို့ ပြည်ထောင်စုတရား လွှတ်တော်ချုပ်၊ မှုခင်းစီမံခန့်ခွဲမှု ကော်မတီဥက္ကဌ၊ ပြည်ထောင်စု တရားစီရင်ရေးကြီးကြပ်မှုရုံး၊ ညွှန်ကြားရေးမှူးချုပ်၊ ဒေါ်တင်နွယ်စိုး နှင့် ကော်မတီဝင်များ၊ လေ့ကျင့်သင်ကြားရေးလုပ်ငန်းအဖွဲ့ဝင်များ၊ နည်းပညာ သုံး မှုခင်းစီမံခန့်ခွဲရေးစနစ် လုပ်ငန်းအဖွဲ့ဝင်များ၊ တိုင်းဒေသကြီး/ပြည်နယ်များမှ မှုခင်းစီမံခန့်ခွဲမှုအစီအစဉ် ညှိနှိုင်းရေးမှူးများ၊ တိုင်းဒေသကြီး/ ပြည်နယ်အသီးသီးရှိ မှုခင်းစီမံခန့်ခွဲမှု အစီအစဉ် အကောင်အထည်ဖော်ဆောင်ရွက်နေသည့် ခရိုင်တရားရုံးများမှ ခရိုင်တရားသူကြီးများ စုစုပေါင်း (၅၅) ဦး တက်ရောက်ကြသည်။ အလုပ်ရုံဆွေးနွေးပွဲအား ၂၆-၇-၂၀၁၉ ရက်နေ့ မှ ၂၉-၇-၂၀၁၉ ရက်နေ့ထိ (၄) ရက်ကြာ ကျင်းပပြုလုပ်သွားမည် ဖြစ်သည်။