Government Private Cloud (Hosting) ဝန်ဆောင်မှုများ

Government Private Cloud (Hosting) ဝန်ဆောင်မှုများ


Ministry of Transport and Communications / September 25, 2020

ပို့ဆောင်ရေးနှင့်ဆက်သွယ်ရေးဝန်ကြီးဌာန၊သတင်းအချက်အလက်နည်းပညာနှင့် ဆိုက်ဘာလုံခြုံရေးဦးစီးဌာနသည် မြန်မာနိုင်ငံ e-Government လုပ်ငန်းများဖွံ့ဖြိုးတိုးတက်လာစေရန် ရည်ရွယ်၍ နိုင်ငံတစ်ဝှမ်းရှိ အစိုးရအဖွဲ့အစည်းများအသီးသီးမှ Website၊ Application၊ Online Service အစရှိသည့် ဝန်ဆောင်မှုများပေးရာတွင် လိုအပ်သည့် Data Center များတည်ဆောက်ရန်နှင့် စက်ပစ္စည်းများဝယ်ယူတပ်ဆင်ရန်မလိုဘဲ ဤဌာနရှိ e-Government Data Center တွင် လာရောက်ထားရှိနိုင်ရန်အတွက် Government Private Cloud (Hosting) ဝန်ဆောင်မှုကို ပေးလျက်ရှိပါသည်။

Cloud (Hosting) လာရောက်ထားရှိသော Virtual Machine (VM) ၌ အချက်အလက်များ သိမ်းဆည်းသည့် Storage အတွက် HDD များသာမက SSD များပါ အသုံးပြုနိုင်မည်ဖြစ်ပြီး အစိုးရဌာနများအနေဖြင့် မိမိတို့၏စနစ်များအား ပိုမိုလုံခြုံစွာအသုံးပြုနိုင်ရန် Virtual Firewall များနှင့် မိမိတို့ကိုယ်ပိုင်သီးသန့် Virtual Private Network (VPN) ဝန်ဆောင်မှုတို့ကိုလည်း ဝန်ဆောင်မှု ပေးလျက်ရှိပါသည်။

SSD Storage အသုံးပြုခြင်းဖြင့် HDD Storage များထက် Performance ကောင်းခြင်း၊ Input/ Output Operation per second (IOPs) မြင့်မားခြင်း၊ လျင်လျင်မြန်မြန် Manage ပြုလုပ် နိုင်ခြင်းစသည့်အကျိုးကျေးဇူးများကို ရရှိနိုင်မည်ဖြစ်ပါသည်။ ထို့ကြောင့် Application၊ Database နှင့် အခြား Performance မြင့်မားစွာလိုအပ်သည့် Application များတွင် ယုံကြည်စိတ်ချစွာ သုံးစွဲနိုင် မည်ဖြစ်ပါသည်။

VM Firewall စနစ်ဝန်ဆောင်မှုကို ရယူအသုံးပြုသည့် အစိုးရဌာနများအနေဖြင့် Physical Firewall များကို ဝယ်ယူတပ်ဆင်ရန် မလိုအပ်တော့ဘဲ ၎င်းတို့၏ Server များအတွက် မိမိတို့၏ လုပ်ငန်းလိုအပ်ချက်အတိုင်း Security Policy and Rule များအား မိမိတို့ စိတ်ကြိုက်စီမံခန့်ခွဲနိုင် သည့် အကျိုးကျေးဇူးများကို ရရှိနိုင်မည်ဖြစ်ပါသည်။

VPN ဝန်ဆောင်မှုကို ရယူအသုံးပြုသည့် အစိုးရဌာနများအနေဖြင့် Physical Firewall, Virtual Firewall များ သီးခြားဝယ်ယူတပ်ဆင်ရန် မလိုအပ်တော့ဘဲ VPN တည်ဆောက်ရန်အတွက် အချိန်နှင့်ငွေကြေးကုန်ကျမှု သက်သာခြင်းအကျိုးကျေးဇူးများကို ရရှိနိုင်မည်ဖြစ်ပါသည်။

ပြည်ထောင်စုအဆင့်အဖွဲ့အစည်းများ၊ ပြည်ထောင်စုဝန်ကြီးဌာနများ၊ တိုင်းဒေသကြီးနှင့် ပြည်နယ်အစိုးရအဖွဲ့တို့မှ ဖော်ပြပါ ဝန်ဆောင်မှုများအား ရယူအသုံးပြုလိုပါက အောက်ပါ ဝန်ဆောင်ခနှုန်းထားများအတိုင်း သတင်းအချက်အလက်နည်းပညာနှင့်ဆိုက်ဘာလုံခြုံရေးဦးစီးဌာန၊ email: infowebhosting@e-motc.gov.mm သို့လိပ်မူ၍ ပေးပို့လျှောက် ထားနိုင်ပါသည်။

 

Government Private Cloud (Hosting) ဝန်ဆောင်မှု၏ ကောက်ခံမည့် ဝန်ဆောင်ခ(လစဉ်ကြေး)

Number of CPU(Core) Memory(GB) ကျသင့်ငွေ(ကျပ်)
2 4 45,000
2 8 85,000
2 16 120,000
4 8 100,000
4 16 170,000
4 32 260,000
8 16 220,000
8 32 350,000
8 64 500,000
16 32 450,000
16 64 800,000
16 128 1,000,000
32 64 1,300,000
32 128 1,600,000
32 256 2,000,000

 

Solid State Storage (SSD), Virtual Machine (VM) Firewall နှင့် Virtual Private Network (VPN) ဝန်ဆောင်မှု၏ ကောက်ခံမည့် ဝန်ဆောင်ခ(လစဉ်ကြေး)

 

စဉ် အကြောင်းအရာ ကျသင့်ငွေ(ကျပ်)
Hard Disk Drive (HDD)- 1GB 25
Solid State Storage (SSD)- 1GB 100
Virtual Machine Firewall (Small) 362,000
Virtual Machine Firewall (Medium) 875,000
Virtual Machine Firewall (Large) 1,749,000
Virtual Private Network (VPN) 3,400

 

မှတ်ချက်။ အသုံးပြုလိုသည့် Storage ပမာဏ အပေါ်မူတည်၍ 1GB လျှင် (HDD- ၂၅ ကျပ် နှင့် SSD- ၁၀၀ ကျပ်) နှုန်းထားများအား ပေါင်းထည့်၍ ကောက်ခံသွားမည် ဖြစ်ပါသည်။

 

Government Private Cloud Service Request Form



FAQs

Services (Online) - 9 items Explore more
HOT NEWS
January 4,