အကျဉ်းထောင်/စခန်းအသီးသီးတွင် ပြင်ပကျန်းမာရေးအဖွဲ့များမှ ကျန်းမာရေးစစ်ဆေးကုသစောင့်ရှောက် ပေးမှုနှင့် အကျဉ်းထောင်ကျန်းမာရေးမှူးများမှ ကျန်းမာရေးအသိပညာပေးဟောပြောပွဲများ ကျင်းပ

အကျဉ်းထောင်/စခန်းအသီးသီးတွင် ပြင်ပကျန်းမာရေးအဖွဲ့များမှ ကျန်းမာရေးစစ်ဆေးကုသစောင့်ရှောက် ပေးမှုနှင့် အကျဉ်းထောင်ကျန်းမာရေးမှူးများမှ ကျန်းမာရေးအသိပညာပေးဟောပြောပွဲများ ကျင်းပ

     အကျဉ်းဦးစီးဌာနကွပ်ကဲမှုအောက်ရှိ အကျဉ်းထောင်/စခန်းအသီးသီးတွင် ကျန်းမာရေးဦးစီးဌာနနှင့် ပြင်ပကျန်းမာရေးအဖွဲ့များပူးပေါင်း၍ လစဉ် ကျန်းမာရေးစစ်ဆေးကုသပေးလျက်ရှိရာ ၂၀၂၅ ခုနှစ်၊ အောက်တိုဘာ ၂၀ ရက်တွင် မန္တလေးတိုင်းဒေသကြီး၊ ရမည်းသင်းမြို့နယ်ရှိ ရမည်းသင်းအကျဉ်းထောင်မှ ဝန်ထမ်းနှင့်မိသားစုဝင် ၂၅ ဦးနှင့် အကျဉ်းသား ၆၁ ဦးတို့အား တီဘီရောဂါတိုက်ဖျက်ရေးအဖွဲ့ (Mobile Team)မှ ဒေါက်တာ အေးငြိမ်းဖြူ ဦးဆောင်သောအဖွဲ့ဝင် ၉ ဦးနှင့် ခရိုင်ပြည်သူ့ကျန်းမာရေး ဦးစီးဌာနမှ ဒေါက်တာ နီနီဝင်း ဦးဆောင်သော အဖွဲ့ဝင် ၅ ဦးတို့သည် တီဘီသံသယလူနာများ ရှာဖွေဖော်ထုတ်ခြင်း၊ သလိပ်စစ်ဆေးခြင်းနှင့် Digital Portable X-ray စက်ဖြင့် ရင်ခေါင်းဓာတ်မှန်ရိုက်၍ တီဘီရောဂါရှာဖွေခြင်းလုပ်ငန်းများ ဆောင်ရွက်ပေးခဲ့ပါသည်။

     အလားတူ အောက်တိုဘာ ၂၃ ရက်တွင် ရှမ်းပြည်နယ်၊ တောင်ကြီးမြို့နယ်ရှိ တောင်ကြီးအချုပ်ထောင်မှ အကျဉ်းသား/သူ ၁၄၀ ဦး၊ အချုပ်သား/သူ ၆၀ ဦး၊ စုစုပေါင်း ၂၀၀ တို့အား ရှမ်းပြည်နယ် တီဘီရောဂါ တိုက်ဖျက်ရေးဌာန၊ တောင်ကြီးမြို့မှ လက်ထောက်ညွှန်ကြားရေးမှူး ဒေါက်တာ အိအိချော ဦးဆောင်သော အဖွဲ့ဝင် ၅ ဦးတို့သည် တီဘီသံသယလူနာများ ရှာဖွေဖော်ထုတ်ခြင်း၊ သလိပ်စစ်ဆေးခြင်းနှင့် Digital Portable X-ray စက်ဖြင့် ရင်ခေါင်းဓာတ်မှန်ရိုက်၍ တီဘီရောဂါရှာဖွေခြင်းလုပ်ငန်းများ ဆောင်ရွက် ပေးခဲ့ပါသည်။ 

     အလားတူ ကလေးအကျဉ်းထောင်တွင် ကျန်းမာရေးမှူး-၁ ဦးဗန်ဘွဲ့ထီးရမ်းမှ အကျဉ်းသား/သူ ၈၅ ဦးတို့အား ဆီးချိုနှင့် သွေးတိုးရောဂါ ကြိုတင်ကာကွယ်ခြင်းခေါင်းစဉ်ဖြင့် ကျန်းမာရေးဟောပြောပွဲ ဆောင်ရွက်ပေးခဲ့ကြောင်း သတင်းရရှိပါသည်