၉-၉-၂၀၂၄ ရက်နေ့တွင် အလယ်အလတ်အဆင့်/အဆင့်မြင့်စာရင်းကိုင်နှင့် ရုံးလုပ်ငန်းကျွမ်းကျင်မှုသင်တန်း အမှတ်စဉ် (၁၀၂) သင်တန်းဖွင့်ပွဲအခမ်းအနားကျင်းပခြင်း

၉-၉-၂၀၂၄ ရက်နေ့တွင် အလယ်အလတ်အဆင့်/အဆင့်မြင့်စာရင်းကိုင်နှင့် ရုံးလုပ်ငန်းကျွမ်းကျင်မှုသင်တန်း အမှတ်စဉ် (၁၀၂) သင်တန်းဖွင့်ပွဲအခမ်းအနားကျင်းပခြင်း

အလယ်အလတ်အဆင့်/အဆင့်မြင့်စာရင်းကိုင်နှင့် ရုံးလုပ်ငန်းကျွမ်းကျင်မှုသင်တန်း အမှတ်စဉ်(၁၀၂) သင်တန်းဖွင့်ပွဲ အခမ်းအနားကို ၉-၉-၂၀၂၄ ရက်နေ့ နံနက် ၁၀ နာရီတွင် နေပြည်တော်ရှိ ပြည်ထောင်စုစာရင်းစစ်ချုပ်ရုံး၊ နဝရတ်ခန်းမ၌ ကျင်းပခဲ့သည်။

သင်တန်းဖွင့်ပွဲတွင် ပြည်ထောင်စုစာရင်းစစ်ချုပ် ဒေါက်တာခင်နိုင်ဦး က သင်တန်းဖွင့် အမှာစကားပြောကြားရာတွင် နိုင်ငံ့ဝန်ထမ်းသင်တန်းသားများအတွက် ပြည်သူ့အကျိုးစီးပွားကိုဖော်ဆောင်ရာတွင် ထိရောက်မှုရှိစေရေး၊ အလုပ်တာဝန်များကို လုပ်ရည်ကိုင်ရည် ပြည့်ဝ စွာဆောင်ရွက်နိုင်‌‌စေရေး၊ နိုင်ငံတော်မှ ချမှတ်ဆောင်ရွက်လျက်ရှိသည့် မူဝါဒများ အကောင်အထည်ဖော်ရာတွင် အထောက် အကူပြုစေရေးနှင့် လုပ်ငန်းခွင်တွင် လက်တွေ့အသုံးချနိုင်စေရေးတို့အတွက် ရည်ရွယ်ပြီး ယခုသင်တန်းကို ဖွင့်လှစ်ရခြင်းဖြစ်ပါကြောင်း၊ သင်တန်းတွင်လည်း စာရင်းပညာနားလည်တတ်ကျွမ်းပြီး စည်းမျဉ်း၊ စည်းကမ်းများနှင့်အညီ စာရင်းမှတ်တမ်းများကို အမှားအယွင်းမရှိ တိကျမှန်ကန်စွာ ရေးဆွဲဆောင်ရွက်နိုင်စေရန်နှင့် ရုံးလုပ်ငန်းများကို စွမ်းဆောင်ရည်ပြည့်ဝစွာ ဆောင်ရွက်နိုင်စေရန်တို့အတွက် လုပ်ငန်းခွင်တွင် အမှန်တကယ် အထောက်အကူပြုနိုင်မည့် ဘာသာရပ်များကို ပို့ချသွားမည် ဖြစ်ပါကြောင်း၊ သင်တန်းသားများ အနေဖြင့် သင်တန်းမှသင်ယူမှုများကို လက်တွေ့ပြန်လည်အသုံးချနိုင်ရန်အတွက် အလေးထား လေ့လာမှတ်သားကြရန်နှင့် သင်တန်းစည်းကမ်းများကို လေးစားလိုက်နာပြီး နိုင်ငံနှင့်ဌာနမှ အားထားရသည့် ကျင့်ဝတ်သိက္ခာနှင့်ပြည့်စုံသော ဝန်ထမ်းကောင်း များဖြစ်စေရန် ကြိုးစားကြ စေလိုပါကြောင်း တိုက်တွန်းပြောကြားခဲ့သည်။

ဆက်လက်၍ ပြည်ထောင်စုစာရင်းစစ်ချုပ်ရုံး၊ အဆင့်မြင့်စာရင်းကိုင်နှင့် စာရင်းစစ် သင်တန်းကျောင်း၊ နေပြည်တော်သင်တန်းကျောင်းတာဝန်ခံက သင်တန်းဆိုင်ရာအချက် အလက်များကို ရှင်းလင်းပြောကြားခဲ့သည်။

အဆိုပါသင်တန်းကို ပြည်ထောင်စုစာရင်းစစ်ချုပ်ရုံး၏ကြီးကြပ်မှုဖြင့် အဆင့်မြင့်စာရင်းကိုင်နှင့်စာရင်းစစ်သင်တန်းကျောင်း၊ နေပြည်တော်နှင့် ရန်ကုန်မြို့တို့တွင် ၉-၉-၂၀၂၄ ရက်နေ့မှ ၂၁-၁၁-၂၀၂၄ ရက်နေ့အထိ တစ်ပြိုင်တည်း ဖွင့်လှစ်သင်ကြားပို့ချသွားမည်ဖြစ်ပြီး ဝန်ကြီးဌာန၊ အဖွဲ့အစည်းများမှ အလယ်အလတ်အဆင့်သင်တန်းတွင် သင်တန်းသား ၃၁၄ ဦး၊ အဆင့်မြင့်သင်တန်းတွင် သင်တန်းသား ၁၅၄ ဦး စုစုပေါင်း ၄၆၈ ဦးတို့ တက်ရောက်ကြသည်။

အဆိုပါသင်တန်းဖွင့်ပွဲသို့ ဒုတိယစာရင်းစစ်ချုပ်၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဒုတိယအမြဲတမ်းအတွင်းဝန်၊ သစ်တောဦးစီးဌာနနှင့် ဤရုံးမှဒုတိယညွှန်ကြားရေးမှူးချုပ်များနှင့် တာဝန်ရှိသူများ၊ သင်တန်းကထိကများနှင့် သင်တန်းသားများတက်ရောက်ကြပြီး ရန်ကုန်တိုင်းဒေသကြီးစာရင်းစစ်ချုပ်ရုံးမှတာဝန်ရှိသူများ၊ သင်တန်းကထိကများနှင့် သင်တန်း သားများက Online ဖြင့် တက်ရောက်ခဲ့ကြသည်။