ပုသိမ်မြို့၌ ဟိုတယ်ဆိုင်ရာဝန်ဆောင်မှု (အခြေခံ) သင်တန်းဖွင့်ပွဲကျင်းပ

ပုသိမ်မြို့၌ ဟိုတယ်ဆိုင်ရာဝန်ဆောင်မှု (အခြေခံ) သင်တန်းဖွင့်ပွဲကျင်းပ

နေပြည်တော်၊ စက်တင်ဘာလ (၁၈) ရက် ဟိုတယ်နှင့်ခရီးသွားလာရေးဝန်ကြီးဌာန၊ ဟိုတယ်နှင့်ခရီးသွားညွှန်ကြားမှုဦးစီးဌာန၊ ပုသိမ် ရုံးခွဲ၏ စီစဉ်ကြီးကြပ်မှု ဟိုတယ်ဆို်ငရာလုပ်ငန်းရှင်များအသင်း ငွေဆောင်ဟိုတယ်ဇုန်၏ ပူးပေါင်း ကူညီမှုဖြင့် ငွေဆောင်ကမ်းခြေဒေသရှိ ဟိုတယ်/ တည်းခိုရိပ်သာများတွင် တာဝန်ထမ်းဆောင် နေကြသော ဝန်ထမ်းများ လူ့စွမ်းအားအရင်းအမြစ် ဖွံ့ဖြိုးတိုးတက်စေရန်ရည်ရွယ်၍ ဟိုတယ်ဆိုင်ရာ ဝန်ဆောင်မှု (အခြေခံ) သင်တန်း (၃) မျိုး ဖွင့်ပွဲအခမ်းအနားကို ငွေဆောင်ကမ်းခြေဒေသရှိ Yamonnar Oo Hotel တွင် ၁၆-၉-၂၀၂၄ ရက်နေ့ နံနက်ပိုင်း၌ ကျင်းပပြုလုပ်ခဲ့ပါသည်။ သင်တန်းဖွင့်ပွဲအခမ်းအနားတွင် ဧရာဝတီတိုင်းဒေသကြီးအစိုးရအဖွဲ့ စီးပွားရေးရာဝန်ကြီးမှ သင်တန်းဖွင့် အမှာစကားပြောကြားခဲ့ပြီး ဟိုတယ်နှင့်ခရီးသွားညွှန်ကြားမှုဦးစီးဌာန၊ ဧရာဝတီတိုင်း ဒေသကြီး၊ ပုသိမ်ရုံးခွဲမှ ညွှန်ကြားရေးမှူးနှင့် တာဝန်ရှိသူများ၊ မြို့နယ်အဆင့် ခရီးစဉ်ဒေသစီမံ ခန့်ခွဲရေးအဖွဲ့ (DMO) အဖွဲ့ဝင်များ၊ သင်တန်းနည်းပြ ဆရာ/ ဆရာမများ၊ ဟိုတယ် တည်းခိုရိပ်သာ များမှ လုပ်ငန်းရှင်များနှင့် တာဝန်ရှိသူများ၊ စားသောက်ဆိုင်လုပ်ငန်းရှင်များ တက်ရောက်ကြပြီး အဆိုပါသင်တန်းသို့ သင်တန်းသား/ သူ (၈၇) ဦး တက်ရောက်ဖြစ်ကာ သင်တန်းကာလမှာ (၁၆-၉-၂၀၂၄) ရက်နေ့မှ (၁၁-၁၀-၂၀၂၄) ရက်နေ့အထိ ဖြစ်ပါကြောင်း သတင်းရရှိပါသည်။