မကွေးတိုင်းဒေသကြီး၊ မင်းဘူးမြို့နယ်၊ ကျောက်စံကျေးရွာ၌ သစ်ပင်လဲကျသဖြင့် ရှင်းလင်းရေးလုပ်ငန်းများ ဆောင်ရွက်မှု

မကွေးတိုင်းဒေသကြီး၊ မင်းဘူးမြို့နယ်၊ ကျောက်စံကျေးရွာ၌ သစ်ပင်လဲကျသဖြင့် ရှင်းလင်းရေးလုပ်ငန်းများ ဆောင်ရွက်မှု

     ၂၀၂၆ ခုနှစ်၊ မေ ၂၃ ရက် နံနက် ၆ နာရီ ၄၉ မိနစ်ခန့်က မကွေးတိုင်းဒေသကြီး၊ မင်းဘူးမြို့နယ်၊ ကျောက်စံကျေးရွာ၌ မိုးရွာသွန်းပြီး လေပြင်းတိုက်ခတ်ခဲ့မှုကြောင့် လုံးပတ် ၁၀ ပေ၊ အမြင့် ၈၀ ပေခန့်ရှိ မန်ကျည်းပင်သည် အမြစ်လန်၍ လဲကျပြီး ပိုင်ရှင် ဒေါ်ခင်လှိုင်(၇၆)နှစ်၏ မီးဖိုဆောင်ပေါ်သို့ ပိမိနေကြောင်း သတင်းရရှိသဖြင့် မင်းဘူးမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် တစ်စီးဖြင့် ရှင်းလင်းရေးလုပ်ငန်းများဆောင်ရွက်ခဲ့ရာ နံနက် ၉ နာရီ ၄၅ မိနစ်တွင် ပြီးစီးခဲ့ပါသည်။

     အဆိုပါဖြစ်စဉ်ကြောင့် ပိုင်ရှင် ဒေါ်ခင်လှိုင် ထိခိုက်ဒဏ်ရာ(စိုးရိမ်ရ)နှင့် မောင်ဝေဖြိုးအောင် ထိခိုက်ဒဏ်ရာ(မစိုးရိမ်ရ)တို့အား မင်းဘူးခရိုင်ပြည်သူ့ဆေးရုံသို့ ကူညီပို့ဆောင်ပေးခဲ့ကြောင်းနှင့် ၈ x ၂၄ ပေ၊ သွပ်မိုး၊ ထရံကာ၊ ဝါးကြမ်းခင်း နှစ်ထပ် မီးဖိုဆောင် တစ်လုံး ပျက်စီးဆုံးရှုံးခဲ့ကြောင်း သတင်းရရှိပါသည်။