အမျိုးသမီးများအပေါ်အကြမ်းဖက်မှုပပျောက်ရေး(၁၆)ရက်တာလှုပ်ရှားမှုအထိမ်းအမှတ်အခမ်းအနားကျင်းပ

အမျိုးသမီးများအပေါ်အကြမ်းဖက်မှုပပျောက်ရေး(၁၆)ရက်တာလှုပ်ရှားမှုအထိမ်းအမှတ်အခမ်းအနားကျင်းပ

ဘားအံ  -  နိုဝင်ဘာ  (၂၅)

       “အမျိုးသမီးများအပေါ် အကြမ်းဖက်မှု အဆုံးသတ်ရေး အားလုံးပေါင်းစု လှုပ်ရှားပေး” ဆောင်ပုဒ်ဖြင့် အမျိုးသမီးများအပေါ်အကြမ်းဖက်မှုပပျောက်ရေး(၁၆)ရက်တာလှုပ်ရှားမှုအထိမ်းအမှတ်အခမ်းအနားကို နိုဝင်ဘာလ ၂၅ ရက်နေ့ မွန်းလွဲ ၁ နာရီခန့်က ဘားအံမြို့၊ ဇွဲကပင်ခန်းမ၌ ကျင်းပသည်။

         အခမ်းအနားတွင် ကရင်ပြည်နယ်ဝန်ကြီးချုပ်ဦးစောမြင့်ဦးက ပြည်နယ်အတွင်းအမျိုးသမီးများအပေါ် အကြမ်း ဖက်ခြင်းဆိုင်ရာကိစ္စရပ်များကို ကြိုတင်ကာကွယ်ခြင်း၊ တားဆီးခြင်း၊ တုံ့ပြန်မှုပေးခြင်း တို့ကို သက်ဆိုင်ရာဌာန/အဖွဲ့ အစည်းများနှင့်ပူးပေါင်းဆောင်ရွက်လျက်ရှိပြီး အကြမ်းဖက်ခံရသူများအား တရားရင်ဆိုင်ခရီးစရိတ်နှင့်အသက်မွေး ဝမ်းကျောင်းစရိတ်များကို လူမှုဝန်ထမ်းဦးစီးဌာနမှထောက်ပံ့ပေးခြင်း၊ လုံခြုံရေးအတွက် နားခိုရာနေရာများစီစဉ်ပေး ခြင်း၊ အခြားသောဝန်ဆောင်မှုများရရှိနိုင်ရေး ညွှန်းပို့ချတ်ဆက်ပေးခြင်းများကို ဆောင်ရွက်ပေးလျက်ရှိကြောင်း၊ အကြမ်းဖက်ခံရသည့်အမျိုးသမီးများကို ယာယီလက်ခံစောင့်ရှောက်ပေးနိုင်ရေးအတွက် One Stop Women Support Center (OSWSC) များဖွင့်လှစ်နိုင်ရေး မြေနေရာချထားပေးပြီး မကြာမီဝန်ဆောင်မှုများပေးနိုင်တော့မည်ဖြစ်ကြောင်း၊ အမျိုးသမီးများအပေါ်နည်းမျိုးစုံဖြင့်အကြမ်းဖက်မှုများအဆုံးသတ်ပပျောက်ရေးအတွက် ပြည်သူတစ်ဦး တစ်ယောက် ချင်းမှအစပြု၍ အားလုံးအတူတကွပူးပေါင်းဆောင်ရွက်ကြစေလိုကြောင်း ပြောကြားသည်။

       ထို့နောက် ပြည်နယ်ဝန်ကြီးချုပ်၊ ပြည်နယ်တရားလွှတ်တော်တရားသူကြီးချုပ်၊ ပြည်နယ်အစိုးရအဖွဲ့ဝင်များ၊ ပြည်နယ်အဆင့်ဌာနဆိုင်ရာအကြီးအကဲများ၊ အမျိုးသမီးများအရေးကိုတက်ကြွစွာဆောင်ရွက်လျက်ရှိသော အရပ်ဖက် လူမှုရေးအဖွဲ့အစည်းများမှ ကိုယ်စားလှယ်များ၊ အမျိုးသမီးရေးရာကော်မတီဝင်များနှင့် အခမ်းအနားသို့ တက်ရောက် လာသူများက အမျိုးသမီးများအပေါ် အကြမ်းဖက်မှုအသိပညာပေးဆိုင်ရာ Video Clip ကို အတူတကွကြည့်ရှုအားပေး ခဲ့ကြပြီး အမျိုးသမီးငယ်လေးများက Fiftness Dance ဖြင့် ကပြဖျော်ဖြေတင်ဆက်ခဲ့ကြပါသည်။