ကော့ကရိတ်မြို့နယ်၌ အကြမ်းဖက်သမားများက ကော့ကရိတ်-မြဝတီအာရှလမ်းမကြီးအား ကန့်လန့်ဖြတ် သွယ်တန်းထားသည့် ကွန်ကရစ်ပိုက်အား မိုင်းထောင်ဖောက်ခွဲဖျက်ဆီး

ကော့ကရိတ်မြို့နယ်၌ အကြမ်းဖက်သမားများက ကော့ကရိတ်-မြဝတီအာရှလမ်းမကြီးအား ကန့်လန့်ဖြတ် သွယ်တန်းထားသည့် ကွန်ကရစ်ပိုက်အား မိုင်းထောင်ဖောက်ခွဲဖျက်ဆီး

     ကရင်ပြည်နယ်၊ ကော့ကရိတ်မြို့နယ်၌ အကြမ်းဖက်သမားများက ကော့ကရိတ်-မြဝတီအာရှ လမ်းမကြီးအား ကန့်လန့်ဖြတ်သွယ်တန်းထားသည့် ကွန်ကရစ်ပိုက်အား မိုင်းထောင်ဖောက်ခွဲ ဖျက်ဆီးခဲ့သည်။
    ဖြစ်စဉ်မှာ မတ်လ ၂၅ ရက်နေ့ နံနက် ၆ နာရီခွဲတွင် ကရင်ပြည်နယ်၊ ကော့ကရိတ်မြို့နယ်၊ ကော့ကရိတ်-မြဝတီအာရှကားလမ်းမကြီး၊ နတ်စင်ကုန်းနှင့် ဘုရားလေးကွေ့အနီး ကီလိုမီတာအမှတ် ၁၅၄ နှင့် ၁၅၄.၅ ကြား လမ်းမကြီးအား ကန့်လန့်ဖြတ်၍ သွယ်တန်းထားသည့် အချင်း ၄ ပေ၊ အရှည် ၄၀ ပေခန့်ရှိ ကွန်ကရစ်ပိုက်အား အကြမ်းဖက်အဖွဲ့(စိစစ်ဆဲ)က မိုင်းထောင်ဖောက်ခွဲဖျက်ဆီးသွားခဲ့သဖြင့် ပေါက်ကွဲမှုကြောင့် ကွန်ကရစ်ပိုက် အချင်း ၄ ပေ၊ အရှည် ၂၀ ပေခန့်ပျက်စီးသွားခဲ့ပြီး မော်တော်ယာဉ်များ တစ်စီးချင်းသာ ဖြတ်သန်းသွားလာ၍ရကြောင်း သိရသည်။
    အထက်ပါဖြစ်စဉ်မှ အကြမ်းဖက်သမားများ၏ ဖောက်ခွဲမှုကြောင့် ပျက်စီးသွားသည့် လမ်းအား ပြန်လည်ပြုပြင်နိုင်ရေး တာဝန်ရှိသူများက ဆောင်ရွက်လျက်ရှိကြောင်းနှင့် နယ်မြေဒေသတည်ငြိမ် အေးချမ်းရေးကို ပျက်ပြားစေရန် ရည်ရွယ်၍ အကြမ်းဖက်ဖောက်ခွဲရေးလုပ်ငန်းများ လုပ်ဆောင်နေ သည့် အကြမ်းဖက်သမားများအား ဖမ်းဆီးရမိနိုင်ရေး လုံခြုံရေးတပ်ဖွဲ့ဝင်များက လုံခြုံရေးလုပ်ငန်း စဉ်များနှင့်အညီ ဆက်လက်ဆောင်ရွက်လျက်ရှိကြောင်း သတင်းရရှိသည်။