မိုးစပါးစံပြကွက်(၁၅၀)ဧကအတွင်း သဘာဝမြေဩဇာနှင့်ဓာတ်မြေဩဇာများ အချိုးကျရောစပ်ကြဲပက်

မိုးစပါးစံပြကွက်(၁၅၀)ဧကအတွင်း သဘာဝမြေဩဇာနှင့်ဓာတ်မြေဩဇာများ အချိုးကျရောစပ်ကြဲပက်

ဘားအံ - စက်တင်ဘာ (၁၉)

ကရင်ပြည်နယ်စိုက်ပျိုးရေးဦးစီးဌာနမှ မိုးစပါးစံပြကွက်(၁၅၀)ဧကအတွင်း သဘာဝမြေဩဇာနှင့်ဓာတ်မြေ ဩဇာရောစပ်ကြဲပက်ခြင်း၊ ကြားပေါင်းလိုက်ခြင်းကွင်းသရုပ်ပြပွဲနှင့် မိုးစပါးစိုက်တောင်သူများအား မြေဩဇာများ ထောက်ပံ့ပေးအပ်သည့်အခမ်းအနားကို စက်တင်ဘာလ ၁၉ ရက်နေ့ နံနက် ၈ နာရီခန့်က လှိုင်းဘွဲမြို့နယ်၊ ထီလုံကျေး ရွာ၊ ကွင်းအမှတ်- ၁၄၂၄(ခ)၊ ထီလုံအလယ်ကွင်း၊ တောင်သူဦးရာမူးပါ ၂၅ ဦး၏မိုးစပါးစိုက်ခင်း၌ ကျင်းပသည်။

ဦးစွာ ပြည်နယ်ဝန်ကြီးချုပ်ဦးစောမြင့်ဦးက ယခုအချိန်သည် မိမိတို့စိုက်ပျိုးထားသော စိုက်ခင်းများတွင် အပင် ဖြစ်ထွန်းကြီးထွားရန် အထွက်နှုန်းကောင်းရန် အစေ့အဆံများပြည့်တင်းရန် အာဟာရဓာတ်များလိုအပ်နေသည့်ကာလ ဖြစ်ပြီး သဘာဝမြေဩဇာနှင့်ဓာတ်မြေဩဇာရောစပ်အသုံးပြုခြင်းဖြင့် အထွက်ကောင်း၊ အရည်အသွေးကောင်း ထုတ်ကုန်များကို ထုတ်လုပ်လာနိုင်မည်ဖြစ်သကဲ့သို့ မြေဆီလွှာပျက်ဆီးဆုံးရှုံးမှုကိုလည်း တပြိုင်တည်းကာကွယ်နိုင် မည်ဖြစ်ကြောင်း၊ ထည့်သွင်းလိုက်သည့်အာဟာရဓာတ်များကို အပင်မှ အပြည့်အဝသုံးစွဲနိုင်ရန်၊ အမြစ်အားရှင်သန် ကောင်းမွန်ရန်နှင့် လေဝင်လေထွက်ကောင်းစေရန် ကြားပေါင်းလိုက်ခြင်းကိုလည်းတပါတည်းပြုလုပ်ပေးဖို့လိုအပ်မည် ဖြစ်ကြောင်း၊ ပြည်နယ်အစိုးရအဖွဲ့အနေဖြင့် တောင်သူများအကျိုးအမြတ်ရရှိစေရန်နှင့် စိုက်ပျိုးထုတ်လုပ်မှုကုန်ကျ စရိတ် သက်သာစေရန်အတွက် သွင်းအားစုများကို အဖက်ဖက်မှ ကူညီပံ့ပိုးပေးလျက်ရှိသကဲ့သို့ တောင်သူများအနေဖြင့် လည်း လယ်ယာကဏ္ဍတိုးမြှင့်ရေးနှင့်စားရေရိက္ခာဖူလုံရေးအတွက် အားသွန်ခွန်စိုက်ကြိုးစားဆောင်ရွက်ပေးကြစေလို ကြောင်း ပြောကြားသည်။

ထို့နောက် ပြည်နယ်ဝန်ကြီးချုပ်၊ ပြည်နယ်အစိုးရအဖွဲ့ဝင်ဝန်ကြီးများက ထီလုံ၊ သပုထို၊ ကျုံကော်၊ သမ္ဗာန် ကျေးရွာများမှ မိုးစပါးစိုက်တောင်သူများအား ၂၅ ကီလိုဂရမ် သဘာဝမြေဩဇာ ၂၅ အိတ်နှင့် ၅၀ ကီလိုဂရမ်ယူရီးယား ဓာတ်မြေဩဇာ ၂၅ အိတ်တို့ကို ထောက်ပံ့ပေးအပ်ရာ တောင်သူဦးကြီးများက လက်ခံရယူခဲ့ကြပြီး တောင်သူကိုယ်စား လှယ်တစ်ဦးကကျေးဇူးတင်စကားပြန်လည်ပြောကြားသည်။

ယင်းနောက် ပြည်နယ်ဝန်ကြီးချုပ်နှင့်အဖွဲ့သည် သိပ္ပံနည်းကျစိုက်ပျိုးနည်းစနစ်ဖြင့်စိုက်ပျိုးခြင်း ဧက(၁၅၀) စံပြကွက်အတွင်း တောင်သူများ၏ စုပေါင်းမြေဩဇာကြဲပက်ခြင်းနှင့်ကြားပေါင်းလိုက်ခြင်း ကွင်းသရုပ်ပြပွဲကို ကြည့်ရှု အားပေးခဲ့ကြပြီး လှိုင်းဘွဲမြို့နယ်တွင် မိုးစပါး ၁၂၀၈၄၃ ဧက စိုက်ပျိုးရန်လျာထားပြီး ယနေ့ထိ ဧကပေါင်း ၁၁၀၀၁၈ ကျော် စိုက်ပျိုးပြီးစီးပြီးဖြစ်ပါသည်။