ဒုတိယစာရင်းစစ်ချုပ် ဒေါ်နိုင်သက်ဦး ငလျင်ကြောင့် ထိခိုက်ပျက်စီးခဲ့သည့် ပြည်ထောင်စုစာရင်းစစ်ချုပ်ရုံး၊ ဝန်ထမ်းများနေထိုင်သည့် နိုင်ငံ‌တော်ပိုင်အိမ်ရာ/ အဆောင်များ ကြည့်ရှုစစ်ဆေးခြင်း

ဒုတိယစာရင်းစစ်ချုပ် ဒေါ်နိုင်သက်ဦး ငလျင်ကြောင့် ထိခိုက်ပျက်စီးခဲ့သည့် ပြည်ထောင်စုစာရင်းစစ်ချုပ်ရုံး၊ ဝန်ထမ်းများနေထိုင်သည့် နိုင်ငံ‌တော်ပိုင်အိမ်ရာ/ အဆောင်များ ကြည့်ရှုစစ်ဆေးခြင်း

ပြည်ထောင်စုစာရင်းစစ်ချုပ်ရုံး၊ ဒုတိယစာရင်းစစ်ချုပ် ဒေါ်နိုင်သက်ဦးသည် စီမံရေးရာ ဦးစီးဌာန ညွှန်ကြားရေးမှူး ချုပ်နှင့် တာဝန်ရှိသူများနှင့်အတူ ၂၀၂၅ ခုနှစ်၊ သြဂုတ်လ ၃၁ နေ့ တွင် မန္တလေးငလျင်ဒဏ်ကြောင့် ထိခိုက်ပျက်စီးခဲ့သော နေပြည်တော်ကောင်စီနယ်မြေအတွင်းရှိ ပြည်ထောင်စုစာရင်းစစ်ချုပ်ရုံး၊ ဝန်ထမ်းများနေထိုင်သည့် နိုင်ငံ‌တော်ပိုင်အိမ်ရာ/ အဆောင်များသို့ လိုက်လံကြည့်ရူစစ်ဆေးခဲ့သည်။

ရှေးဦးစွာ ဇမ္ဗူသီရိမြို့နယ်၊ ဝဏ္ဏသိဒ္ဓိရပ်ကွက်ရှိ တိုက်အမှတ်(၅၃၇၉၊ ၅၃၈၀၊ ၅၃၅၆)၊ ဓနသိဒ္ဓိရပ်ကွက်ရှိ တိုက်အမှတ် (၁၃၃၃၊ ၁၃၃၄၊ ၁၃၅၁၊ ၁၃၅၂) အိမ်ရာများကိုလည်းကောင်း၊ ဆက်လက်၍ ဘောဂသိဒ္ဓိရပ်ကွက်ရှိ သပြေ ၁ အဆောင် ၁၃၊ သဇင် ၂ အဆောင် ၁၊ ၂၊ ၅၊ ၆ နှင့်သဇင် ၅ အဆောင် ၁၊ တိုက်အမှတ် ( ၇၆၃၊ ၇၆၄၊ ၈၁၀၊ ၈၁၁၊ ၈၁၄ ) အိမ်ရာများကိုလည်းကောင်း သွားရောက်၍ အပြာရောင်အဆင့် ပြင်ဆင်ပြီးစီးသည့်အဆောင်များ၊ လိမ္မော်ရောင်အဆင့် ပြင်ဆင်ပြီးစီးခြင်း မရှိသေးသော ဝန်ထမ်းအိမ်ရာများ၊ လူနေထိုင်ရန်မသင့်သည့် အနီရောင်အဆင့် ဝန်ထမ်းအိမ်ရာများတွင် ဝန်ထမ်းများနေထိုင်မှုမရှိစေရေးနှင့် အဆောက်အဦများ၏ ပတ်ဝန်းကျင်သန့်ရှင်းသပ်ရပ်မှုရှိစေရေး စီမံဆောင်ရွက်ထားမှုများကို ကြည့်ရှုစစ်ဆေးခဲ့သည်။

ထိုသို့ ကြည့်ရှုစစ်ဆေးစဉ် ဒုတိယစာရင်းစစ်ချုပ်က ဝန်ထမ်းအိမ်ရာစည်းကမ်းများအတိုင်း လိုက်နာဆောင်ရွက်စေရေး၊ အဆောင်နှင့်အိမ်ရာများကို သန့်ရှင်း၊ သပ်ရပ်၊ သာယာလှပစေရန် ဆောင်ရွက်ကြစေရေး၊ လျှပ်စစ်မီးကို စနစ်တကျသုံးစွဲစေရေးနှင့် ရေအရင်းအမြစ် ချွေတာသုံးစွဲစေရေး၊ လုံခြုံရေးဂရုစိုက်ရန်နှင့် ဝန်ထမ်းများစည်းစည်းလုံးလုံးနေထိုင်ကြရန် အဆောင်မှူးများနှင့် ဝန်ထမ်းများပူးပေါင်းဆောင်ရွက်သွားကြရန် လိုအပ်ကြောင်း လမ်းညွှန်မှာကြားခဲ့သည်။