ဖိလစ်ပိုင်နိုင်ငံရောက် မြန်မာနိုင်ငံသား ၁၂၂ ဦး MAI ကယ်ဆယ်ရေးအထူးလေယာဉ်ဖြင့် မြန်မာနိုင်ငံသို့ ပြန်လည်ထွက်ခွာ

ဖိလစ်ပိုင်နိုင်ငံရောက် မြန်မာနိုင်ငံသား ၁၂၂ ဦး MAI ကယ်ဆယ်ရေးအထူးလေယာဉ်ဖြင့် မြန်မာနိုင်ငံသို့ ပြန်လည်ထွက်ခွာ


Ministry of Information/ ​နေပြည်တော် / July 05, 2020


 ဇူလိုင် ၅

အသက်ရှူလမ်းကြောင်းဆိုင်ရာ ကူးစက်ရောဂါ (COVID-19) ကူးစက်ပြန့်ပွားမှု ထိန်းချုပ်ကာကွယ်ရေး စီမံချက်များကြောင့် မြန်မာနိုင်ငံသို့ အချိန်မီပြန်လည် ထွက်ခွာနိုင်ခြင်းမရှိဘဲ ဖိလစ်ပိုင်နိုင်ငံတွင် ဆက်လက်နေထိုင်ရန် အခက်အခဲများကြုံတွေ့နေရသည့် မြန်မာနိုင်ငံသား ၁၂၂ ဦးသည် Carnival Cruises Ltd. (CCL)နှင့် မြန်မာသံရုံး၊ မနီလာမြို့တို့ ပူးပေါင်းစီစဉ်သည့် အပြည်ပြည်ဆိုင်ရာ မြန်မာလေကြောင်းလိုင်း MAI ၏ ကယ်ဆယ်ရေး အထူးလေယာဉ် (Relief Flight)၊ ခရီးစဉ်အမှတ် (8M 4002) ဖြင့် ယနေ့ ဒေသစံတော်ချိန် ညနေ ၄ နာရီ ၁၅ မိနစ်တွင် မနီလာမြို့၊ NAIA အပြည်ပြည်ဆိုင်ရာ လေဆိပ်မှ ရန်ကုန်အပြည်ပြည်ဆိုင်ရာလေဆိပ်သို့ ထွက်ခွာခဲ့ကြောင်း သိရသည်။

 ကယ်ဆယ်ရေးအထူးလေယာဉ်တွင် Carnival Conquest၊ Carnival Dream နှင့် Holland America Cruises တို့မှ မြန်မာသင်္ဘောသား အမှုထမ်း ၁၀၇ ဦး၊ တက္ကသိုလ်အသီးသီးမှ ပညာတော်သင် ကျောင်းသား/ ကျောင်းသူ ကိုးဦးနှင့် အခြားမြန်မာနိုင်ငံသား ခြောက်ဦး၊ စုစုပေါင်း ၁၂၂ ဦး လိုက်ပါလာခဲ့ကြောင်း သိရသည်။

 အဆိုပါ ကယ်ဆယ်ရေး အထူးလေယာဉ် (Relief Flight) ဖြင့် လိုက်ပါကြသည့် မြန်မာနိုင်ငံသားများ လေဆိပ်တွင် အဆင်ပြေချောမွေ့စေရေးအတွက် မြန်မာသံရုံး၊ မနီလာမြို့မှ မြန်မာသံအမတ်ကြီးနှင့် သံရုံးဝန်ထမ်းများနှင့် ဖိလစ်ပိုင်နိုင်ငံ၊ လူဝင်မှုကြီးကြပ်ရေးဌာနမှ တာဝန်ရှိသူများမှ ကူညီဆောင်ရွက် ပေးခဲ့ကြောင်း နိုင်ငံခြားရေးဝန်ကြီးဌာနမှ သိရသည်။

#နိုင်ငံခြားရေးဝန်ကြီးဌာန

HOT NEWS
January 4,