ဒုတိယဝန်ကြီး ဦးအောင်ထူး တရုတ်-မြန်မာ နယ်စပ်ကုန်သွယ်ရေး ပူးပေါင်းဆောင်ရွက်မှု မြှင့်တင်ရေးဆွေးနွေး

ဒုတိယဝန်ကြီး ဦးအောင်ထူး တရုတ်-မြန်မာ နယ်စပ်ကုန်သွယ်ရေး ပူးပေါင်းဆောင်ရွက်မှု မြှင့်တင်ရေးဆွေးနွေး

ပြန်ကြားရေးဝန်ကြီးဌာန/ China / April 06, 2018
ဒုတိယဝန်ကြီး ဦးအောင်ထူး တရုတ်-မြန်မာ နယ်စပ်ကုန်သွယ်ရေး ပူးပေါင်းဆောင်ရွက်မှု မြှင့်တင်ရေးဆွေးနွေး


စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ဒုတိယဝန်ကြီး ဦးအောင်ထူးနှင့်အဖွဲ့သည် ဧပြီ လ၂ ရက်မှ ၁၀ ရက်အထိ တရုတ်ပြည်သူ့ သမ္မတနိုင်ငံ၊ ရှင်းကျန်းပြည်နယ်သို့ တရုတ်-မြန်မာ နယ်စပ်စီးပွားရေး ပူးပေါင်း ဆောင်ရွက်မှုဆိုင်ရာ လေ့လာရေးခရီး သွားရောက်လျက်ရှိသည်။

ဒုတိယဝန်ကြီးနှင့်အဖွဲ့သည် ဧပြီ ၄ ရက်တွင် မြန်မာ-တရုတ် နယ်စပ်စီးပွားရေး ပူးပေါင်းဆောင်ရွက်မှု ဒေသ တည်ဆောက်မှုအား လက်တွေ့ကျကျ အကောင်အထည်ဖော်နိုင်ရန်အတွက် ရှင်းကျန်းပြည်နယ်၊ ဟော်ကိုစစ် Khorgos နယ်စပ်ကုန်သွယ်ရေးဇုန်တွင် ပထမအကြိမ် တွေ့ဆုံဆွေးနွေးခဲ့ကြသည်။ ဆွေးနွေးပွဲတွင် တရုတ်-ကာဇက်စတန် နှစ်နိုင်ငံ စီးပွားရေး ဇုန်ထူထောင်မှုနှင့် လုပ်ငန်းဆောင်ရွက်မှု အခြေအနေများ၊ မြန်မာ-တရုတ်နယ်စပ် စီးပွားရေးဇုန် စီမံကိန်း တည်ဆောက်ရေးဆိုင်ရာ ဆက်လက်ဆောင်ရွက်သွားမည့် အစီအစဉ် များကို ဆွေးနွေးခဲ့ကြသည်။

မြန်မာ-တရုတ်နယ်စပ်ဒေသ စီးပွားရေးဇုန် တိုးမြှင့် ထူထောင်ရေးအတွက် တရုတ်-ကာဇက်စတန် နယ်စပ် စီးပွားရေးဇုန် စီမံကိန်း လုပ်ငန်းများကို ပထမဆုံးအကြိမ် သွားရောက် လေ့လာခြင်းဖြစ်ပြီး မြန်မာ ကိုယ်စားလှယ်အဖွဲ့တွင် စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ ဒုတိယဝန်ကြီး ဦးဆောင် သည့် အစိုးရအဆင့်မြင့်အရာရှိကြီးများ၊ ပြည်ထောင်စုသမ္မတ မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်း ရှင်များအသင်းချုပ်မှ တာဝန်ရှိသူများနှင့် ပုဂ္ဂလိကကဏ္ဍ အဖွဲ့အစည်းများမှ တာဝန်ရှိသူများ လိုက်ပါခဲ့ကြောင်း သတင်းရရှိသည်။ 

(သတင်းစဉ်)

အထူးသတင်း
  • အဂတိလိုက်စားမှု တိုက်ဖျက်ရေးကော်မရှင် ရန်ကုန်ရုံးခွဲ ဖွင့်လှစ်
  •           
  • ပြည်ထောင်စုဝန်ကြီး ဒေါက်တာမျိုးသိမ်းကြီး ပူတာအိုမြို့ရှိ အစိုးရစက်မှုလက်မှုသိပ္ပံနှင့် အစိုးရနည်းပညာ အထက်တန်းကျောင်းများမှ ကျောင်းအုပ်ကြီး၊ ဌာနမှူးများ၊ ဆရာ၊ ဆရာမများနှင့် တွေ့ဆုံ
  •           
  • စတုတ္ထအကြိမ် Animation Workshop သို့ လူငယ် ၅၀ ကျော် စိတ်ဝင်စားစွာတက်ရောက်ခဲ့
  •           
  • အရပ်ဘက်ပစ်မှတ်များကို ပစ်မှတ်ထားတိုက်ခိုက်ခြင်းဖြင့် အကြမ်းဖက်လုပ်ရပ်များ AA အဖွဲ့ လုပ်ဆောင်လာ
  •