၆၈ ကြိမ်မြောက် မြန်မာနိုင်ငံ ပြက္ခဒိန်အကြံပေးအဖွဲ့၏ ပညာရှင်များ ပါဝင်သော ညှိနှိုင်းအစည်းအဝေးကျင်းပ

၆၈ ကြိမ်မြောက် မြန်မာနိုင်ငံ ပြက္ခဒိန်အကြံပေးအဖွဲ့၏ ပညာရှင်များ ပါဝင်သော ညှိနှိုင်းအစည်းအဝေးကျင်းပ

သာသနာရေးနှင့်ယဉ်ကျေးမှုဝန်ကြီးဌာန/ မန္တလေး၊ ဇန်နဝါရီလ ၁၀ ရက် / January 11, 2019


၆၈ ကြိမ်မြောက် မြန်မာနိုင်ငံ ပြက္ခဒိန်အကြံပေးအဖွဲ့၏ ပညာရှင်များပါဝင်သော မျက်နှာစုံညီ ညှိနှိုင်းအစည်းအဝေးကို သာသနာတော်နှစ်

၂၅၆၂၊ မြန်မာသက္ကရာဇ် ၁၃၈၀ ခုနှစ်၊ ပြာသိုလ်လဆန်း ၅ ရက်၊ ခရစ်နှစ် ၂၀၁၉ ခုနှစ် ဇန်နဝါရီလ ၁၀ ရက်၊ ၀၉၀၀ နာရီတွင် မန္တလေးမြို့၊ ၆၆

လမ်း၊ ၂၀ လမ်း × ၂၂ လမ်းကြား၊ အောင်မြေသာဇံမြို့နယ်ရှိ အမျိုးသား ဇာတ်ရုံ(မန္တလေး)၌ ကျင်းပပြုလုပ်ခဲ့ရာ

သာသနာရေးနှင့်ယဉ်ကျေးမှုဝန်ကြီးဌာန ဒုတိယ ဝန်ကြီး ဦးကြည်မင်းတက်ရောက်၍ အဖွင့်အမှာစကားပြောကြားခဲ့ပါသည်။


    အစည်းအဝေးသို့ မြန်မာနိုင်ငံ ပြက္ခဒိန်အကြံပေးအဖွဲ့ ဥက္ကဋ္ဌ ဆရာတော် ဒေါက်တာ ဘဒ္ဒန္တပညိန္ဒ၊ ဒုတိယဥက္ကဋ္ဌ ဒေါက်တာ အောင်ချစ်၊

အတွင်းရေးမှူး ဆရာကြီး ဦးပြေငြိမ်း၊ တွဲဖက်အတွင်းရေးမှူး ဦးဇော်မြင့်နှင့် ပြက္ခဒိန်အကြံပေးအဖွဲ့ဝင်များ၊ အရန်အဖွဲ့ဝင်များ၊

သာသနာရေးနှင့်ယဉ်ကျေးမှုဝန်ကြီးဌာနမှ အမြဲတမ်းအတွင်းဝန်နှင့် တာဝန်ရှိသူများ တက်ရောက် ခဲ့ပါသည်။


    ဒုတိယဝန်ကြီးကအဖွင့်အမှာစကားပြောကြားရာတွင် ယခုစုံညီစွာတက်ရောက်လာ ကြသည့် ပညာရှင်ကြီးများအနေဖြင့် ဝါကြီးထပ်၊

ဝါငယ်ထပ်ကိစ္စကို နိုင်ငံတော်၏ သာသနာ ရေးဆိုင်ရာ အမြင့်ဆုံးအဖွဲ့အစည်းဖြစ်သော သံဃမဟာနာယကအဖွဲ့၏ ဆုံးဖြတ်တော်မူသည့်

အချက်များနှင့်ကိုက်ညီစွာ ပြည်ထောင်စုမြန်မာနိုင်ငံတစ်ဝန်းရှိ နိုင်ငံသူ နိုင်ငံသားများအကျိုး ကို ရှေးရှု၍ ယခုအစည်းအဝေးတွင်

ဆုံးဖြတ်နိုင်ကြရန်၊ နိုင်ငံတော်နှင့် နိုင်ငံသားများအတွက် အကျိုးရှိရာရှိကြောင်း ဖြစ်စေမည့် ပြက္ခဒိန်ဆိုင်ရာ သိရှိဖွယ်ရာများကို

ဝိုင်းဝန်းဆွေးနွေး ပေးကြရန်ထည့်သွင်းပြောကြားခဲ့ပါသည်။ ပြက္ခဒိန်အကြံပေးအဖွဲ့၏ မျက်နှာစုံညီအစည်းအဝေး ကို ၂၀၁၉ ခုနှစ်၊

ဇန်နဝါရီလ ၁၀ ရက်နေ့မှ ၁၅ ရက်နေ့အထိ ဆက်လက်ကျင်းပသွားမည် ဖြစ်ကြောင်း သတင်းရရှိပါသည်။

 

အထူးသတင်း
  • အဂတိလိုက်စားမှု တိုက်ဖျက်ရေးကော်မရှင် ရန်ကုန်ရုံးခွဲ ဖွင့်လှစ်
  •           
  • ပြည်ထောင်စုဝန်ကြီး ဒေါက်တာမျိုးသိမ်းကြီး ပူတာအိုမြို့ရှိ အစိုးရစက်မှုလက်မှုသိပ္ပံနှင့် အစိုးရနည်းပညာ အထက်တန်းကျောင်းများမှ ကျောင်းအုပ်ကြီး၊ ဌာနမှူးများ၊ ဆရာ၊ ဆရာမများနှင့် တွေ့ဆုံ
  •           
  • စတုတ္ထအကြိမ် Animation Workshop သို့ လူငယ် ၅၀ ကျော် စိတ်ဝင်စားစွာတက်ရောက်ခဲ့
  •           
  • အရပ်ဘက်ပစ်မှတ်များကို ပစ်မှတ်ထားတိုက်ခိုက်ခြင်းဖြင့် အကြမ်းဖက်လုပ်ရပ်များ AA အဖွဲ့ လုပ်ဆောင်လာ
  •