ဆိုက်ဘာလုံခြုံရေး (Cyber Security) ဆိုင်ရာ အသိပညာပေးဟောပြော

ဆိုက်ဘာလုံခြုံရေး (Cyber Security) ဆိုင်ရာ အသိပညာပေးဟောပြော

နေပြည်တော် ဇွန် ၉

တိုင်းရင်းသား လူမျိုးများရေးရာဝန်ကြီးဌာန ဆိုက်ဘာလုံခြုံရေး (Cyber Security) ဆိုင်ရာ အသိပညာပေးဟောပြောပွဲကို ယနေ့မွန်းလွဲပိုင်းတွင် တိုင်းရင်းသားလူမျိုးများရေးရာဝန်ကြီးဌာန အစည်းအဝေးခန်းမ၌ကျင်းပရာ ပြည်ထောင်စုဝန်ကြီး ဦးသန်းမောင်၊ ဒုတိယဝန်ကြီး ဦးစိုင်းထွန်းညို၊ ဌာနဆိုင်ရာတာဝန်ရှိသူများ၊ သတင်းအချက်အလက်နည်းပညာနှင့် ဆိုက်ဘာလုံခြုံရေးဦးစီးဌာန ညွှန်ကြားရေးမှူးနှင့် တိုင်းရင်းသားလူမျိုးများရေးရာဝန်ကြီးဌာနမှ အရာထမ်း၊ အမှုထမ်းများ တက်ရောက်ကြသည်။

ဦးစွာ ပြည်ထောင်စုဝန်ကြီးက ဝန်ထမ်းများအနေဖြင့် ထုတ်ပြန်ထားရှိသည့် ဆိုက်ဘာလုံခြုံရေး ဥပဒေများ၊ မူဝါဒ၊ ညွှန်ကြားချက်များနှင့် အစီအမံများကို သိရှိလိုက်နာကျင့်သုံးဆောင်ရွက်ကြရန်နှင့် ဆိုက်ဘာလုံခြုံရေးယဉ်ကျေးမှုတစ်ရပ် ပိုမိုခိုင်မာလာစေပြီး လုံခြုံစိတ်ချရသော ဒီဂျစ်တယ်လူ့အဖွဲ့အစည်းဖြင့် Digital Government တည်ဆောက်ရာတွင် အားလုံးအတူတကွ ပူးပေါင်းပါဝင်ဆောင်ရွက်ကြရန် တိုက်တွန်းပြောကြားသည်။

ထို့နောက် သတင်းအချက်အလက်နည်းပညာနှင့် ဆိုက်ဘာလုံခြုံရေးဦးစီးဌာန ညွှန်ကြားရေးမှူးက ဆိုက်ဘာလုံခြုံရေး (Cyber Security) နှင့်စပ်လျဉ်း၍ ဆွေးနွေးပြောကြားရာ တက်ရောက်လာကြသူများက သိရှိလိုသည်များကို မေးမြန်းဆွေးနွေးခဲ့ကြောင်း သိရှိရသည်။

သတင်းစဉ်