တရုတ်ပြည်သူ့သမ္မတနိုင်ငံဆိုင်ရာ မြန်မာသံအမတ်ကြီး “ပထမအကြိမ် နိုင်ငံတကာ နယ်နိမိတ်ပူးပေါင်းဆောင်ရွက်ရေးဆိုင်ရာ ညီလာခံ” ဖွင့်ပွဲအခမ်းအနားသို့ တက်ရောက်

တရုတ်ပြည်သူ့သမ္မတနိုင်ငံဆိုင်ရာ မြန်မာသံအမတ်ကြီး “ပထမအကြိမ် နိုင်ငံတကာ နယ်နိမိတ်ပူးပေါင်းဆောင်ရွက်ရေးဆိုင်ရာ ညီလာခံ” ဖွင့်ပွဲအခမ်းအနားသို့ တက်ရောက်

(၂၉-၁၀-၂၀၁၉ ရက်၊ ပေကျင်းမြို့)

တရုတ်ပြည်သူ့သမ္မတနိုင်ငံဆိုင်ရာ မြန်မာသံအမတ်ကြီး ဦးမျိုးသန့်ဖေသည် ၂၉-၁၀-၂၀၁၉ ရက်၊ နံနက် ဝ၉၃၀ နာရီတွင် ပေကျင်းမြို့ရှိ Beijing Kuntai Royal Hotel ၌ ကျင်းပပြုလုပ်သည့် “ပထမအကြိမ် နိုင်ငံတကာ နယ်နိမိတ်ပူးပေါင်းဆောင်ရွက်ရေးဆိုင်ရာ ညီလာခံ” ဖွင့်ပွဲအခမ်းအနားသို့ တက်ရောက်၍ ညီလာခံသို့ တက်ရောက်လာသည့် နိုင်ငံတကာမှ ကိုယ်စားလှယ်အဖွဲ့ဝင်များကိုယ်စား အဖွင့်မိန့်ခွန်းပြောကြားခဲ့ပါသည်။

ညီလာခံဖွင့်ပွဲအခမ်းအနားမတိုင်မီ ကျင်းပသည့် တရုတ်ပြည်သူ့သမ္မတနိုင်ငံ၊ နိုင်ငံခြားရေးဝန်ကြီးဌာန၊ ဒုတိယဝန်ကြီး H.E. Mr. Luo Zhaohui နှင့် ညီလာခံသို့ တက်ရောက်လာသည့် နိုင်ငံတကာမှ ကိုယ်စားလှယ်အဖွဲ့ခေါင်းဆောင်များ၏ တွေ့ဆုံပွဲကိုလည်း မြန်မာသံအမတ်ကြီး ပါဝင်တက်ရောက်ခဲ့ကြောင်း သိရှိရပါသည်။