ဒုတိယဝန်ကြီး ဦးဝင်းရှိန် KMD Training Center တွင် IT ပိုင်းဆိုင်ရာ သင်တန်းများ ဖွင့်လှစ်ပို့ချနေမှု ကြည့်ရှုအားပေး၍ စက်ရုံများ ကြည့်ရှုစစ်ဆေး

ဒုတိယဝန်ကြီး ဦးဝင်းရှိန် KMD Training Center တွင် IT ပိုင်းဆိုင်ရာ သင်တန်းများ ဖွင့်လှစ်ပို့ချနေမှု ကြည့်ရှုအားပေး၍ စက်ရုံများ ကြည့်ရှုစစ်ဆေး

ရန်ကုန် ဩဂုတ် ၂၉

အလုပ်သမား ဝန်ကြီးဌာန ဒုတိယဝန်ကြီး ဦးဝင်းရှိန်သည် ယနေ့နံနက်ပိုင်းတွင် ရန်ကုန်တိုင်းဒေသကြီးရှိ အလုပ်သမားရေးရာ တာဝန်ရှိသူများနှင့်အတူ ရန်ကုန်တိုင်းဒေသကြီး စမ်းချောင်းမြို့နယ်ရှိ Knowledge Manage-ment and Dedication (KMD) Training Center တွင် IT ပိုင်း ဆိုင်ရာ နည်းပညာသင်တန်းများ ဖွင့်လှစ်သင်ကြားနေမှုကို ကြည့်ရှုအားပေးသည်။

ဦးစွာ ဒုတိယဝန်ကြီးက KMD Training Center တွင် သင်ကြားပို့ချပေးနေသော သင်တန်းများသည် ခေတ်နှင့်အညီ IT နည်းပညာ ပိုင်းဆိုင်ရာ သင်တန်းများဖြစ်ပြီး လူ့စွမ်းအား ဖွံ့ဖြိုးတိုးတက်ရေး အတွက် အထောက်အကူပြုသော သင်တန်းများဖြစ်ကြောင်း၊ ပြည်တွင်း/ ပြည်ပအလုပ်အကိုင်ရရှိစေရေး အထောက်အကူပြုသည့် သင်တန်းများဖြစ်သဖြင့် သင်တန်းသားများအတွက် အကျိုးရှိစေနိုင်ကြောင်းပြောကြားသည်။

မွန်းလွဲပိုင်းတွင် ရွှေပြည်သာမြို့နယ်ရှိ Rainbow Tex (Myanmar) Industrial Co.,Ltd. (အထည်ချုပ်)စက်ရုံ ၊ G & B Manu- facturing (Myanmar) Co.,Ltd. (အထည်ချုပ်)စက်ရုံနှင့် Ksheng (Myanmar) Apparel Co.,Ltd. (အထည်ချုပ်) စက်ရုံများကို ကြည့်ရှုစစ်ဆေးပြီး စက်ရုံအစည်း အဝေးခန်းမတွင် စက်ရုံတာဝန်ခံနှင့် မန်နေဂျာ၊ အလုပ်သမားအဖွဲ့ အစည်းဝင်များ၊ လုပ်ငန်းခွင်ညှိနှိုင်းရေး ကော်မတီဝင်များ၊ ကျန်းမာရေး တာဝန်ခံများနှင့်တွေ့ဆုံ၍ ဒုတိယဝန်ကြီးက စက်ရုံ၊ အလုပ်ရုံများအနဖြင့် တည်ဆဲအလုပ်သမားရေးရာ ဥပဒေများနှင့်အညီ အလုပ်ရှင်၊ အလုပ်သမားများက ဌာနဆိုင်ရာဝန်ထမ်းများနှင့် ဟန်ချက်ညီ ပူးပေါင်းဆောင်ရွက်ပေးရန်မှာကြားကာ စက်ရုံအတွင်း အေးချမ်းစွာလုပ်ကိုင်နေမှု အခြေအနေများကို ကြည့်ရှုအားပေးခဲ့ကြောင်း သိရသည်။

သတင်းစဉ်