ဒုတိယအကြိမ်ဓမ္မပူဇနိယ(တရားအလှူပွဲ) အခမ်းအနား ကျင်းပ
ဒုတိယအကြိမ်ဓမ္မပူဇနိယ(တရားအလှူပွဲ) အခမ်းအနား ကျင်းပ
Ministry of Information/ Naypyitaw / July 03, 2024
![image_latest](https://www.moi.gov.mm/sites/default/files/news-image/2024-07/Na.jpg)
ရန်ကုန် ဇူလိုင် ၂
ပြည်ထောင်စုသမ္မတမြန်မာနိုင်ငံတော် ဘာသာပေါင်းစုံချစ်ကြည်ညီညွတ်ရေးအဖွဲ့ဗဟိုကကြီးမှူး၍ ဒုတိယအကြိမ် ဓမ္မပူဇနိယ (တရားအလှူပွဲ) အခမ်းအနားကို ဇွန် ၃၀ ရက် ညနေပိုင်းက ရန်ကုန်မြို့ ရန်ကင်းမြို့နယ် မိုဃ်းကောင်းစေတီတော်မြတ်ကြီးဝင်းအတွင်းရှိ အရိယာဓမ္မာရုံတော်ကြီး၌ ကျင်းပရာ ပုသိမ်မြို့ သဲအင်းဂူဝိပဿနာရိပ်သာ (ရေစွမ်း) ဆရာတော် ဘဒ္ဒန္တသီဟ (ကမ္မဌာနာစရိယ) သက်တော်ရှည် ဆရာတော်ကြီးကြွရောက်၍ တပည့်ဒါယကာ ဒါယိကာမများအား တရားရေအေးအမြိုက်ဆေး တိုက်ကျွေးသည်။
စည်ကားသိုက်မြိုက်စွာကျင်းပ
တရားအလှူပွဲသို့ ဗဟိုဥက္ကဋ္ဌ ဦးဝဏ္ဏ၊ အထွေထွေအတွင်းရေးမှူး ဦးခင်ဝေနှင့် ဗဟိုအလုပ်အမှုဆောင် များ၊ ရန်ကုန်တိုင်းဒေသကြီး အထွေထွေအတွင်းရေးမှူး ဦးထွန်းထွန်းဦးနှင့် တိုင်းအလုပ်အမှုဆောင်များ၊ သင်္ဃန်းကျွန်းခရိုင်ဥက္ကဋ္ဌ ဦးကျော်စည်သူနှင့် ခရိုင်အလုပ်အမှုဆောင်များ၊ ခရိုင်ဥက္ကဋ္ဌများ၊ ရန်ကင်းမြို့နယ်ဥက္ကဋ္ဌ ဒေါ်မြတ်စုနှင့် မြို့နယ်အလုပ်အမှုဆောင်များ၊ အလှူရှင်များ၊ တရားနာပရိသတ်များဖြင့် စည်ကားသိုက်မြိုက်စွာ ဆင်ယင်ကျင်းပခဲ့ကြောင်း သိရသည်။
သတင်းစဉ်