ရန်ကုန်တိုင်းဒေသကြီး၊ မရမ်းကုန်းမြို့နယ်၊ အမှတ်(၂)ရပ်ကွက်၌ နေအိမ် မီးလောင်မှု 

ရန်ကုန်တိုင်းဒေသကြီး၊ မရမ်းကုန်းမြို့နယ်၊ အမှတ်(၂)ရပ်ကွက်၌ နေအိမ် မီးလောင်မှု 

      ၂၀၂၆ ခုနှစ်၊ ဖေဖော်ဝါရီ ၁၅ ရက် နံနက် ၃ နာရီ ၃၂ မိနစ်ခန့်က ရန်ကုန်တိုင်းဒေသကြီး၊ မရမ်းကုန်းမြို့နယ်၊ အမှတ်(၂)ရပ်ကွက်၌ ပိုင်ရှင် ဒေါ်မြင့်ရီ(၆၂)နှစ်၏  ၂၅ x ၂၅ ပေ၊ သွပ်မိုး၊ အုတ်ညှပ်၊ ပျဉ်ထောင် နှစ်ထပ် နေအိမ်တွင် အိပ်ယာအနီး ခြင်ဆေးခွေထွန်းထားရာမှ အနီးရှိ အဝတ်အစား များသို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် မရမ်းကုန်းမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် ကိုးစီးဖြင့် မီးငြှိမ်းသတ်ခဲ့ရာ နံနက် ၃ နာရီ ၅၃ မိနစ်တွင် မီးငြိမ်းခဲ့ပါသည်။

   အဆိုပါမီးလောင်မှုကြောင့် ၂၅ x ၂၅ ပေ၊ သွပ်မိုး၊ အုတ်ညှပ်၊ ပျဉ်ထောင် နှစ်ထပ် နေအိမ် တစ်လုံး၊ စက်ဘီးတာယာ ၂၀ ခု၊ အဝတ်ဘီဒို တစ်လုံး မီးလောင်ဆုံးရှုံးခဲ့ပြီး ပိုင်ရှင် ဒေါ်မြင့်ရီ (၆၂)နှစ်(သေဆုံး)၊ ပိုင်ရှင်၏ညီမဖြစ်သူ ဒေါ်တင်တင်ဝင်း(၆၀)နှစ်(သေဆုံး)ခဲ့ကြောင်းနှင့် ပိုင်ရှင် ဒေါ်မြင့်ရီ အား မရမ်းကုန်းမြို့နယ်၊ ဘုရင့်နောင်နယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။