ရှမ်းပြည်နယ်၊ တာချီလိတ်မြို့နယ်၌ ငွေကျပ် သိန်း ၄၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ

ရှမ်းပြည်နယ်၊ တာချီလိတ်မြို့နယ်၌ ငွေကျပ် သိန်း ၄၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ

     ၂၀၂၅ ခုနှစ်၊ စက်တင်ဘာ ၁၁ ရက် ညနေ ၅ နာရီ ၃၀ မိနစ်တွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ ရှမ်းပြည်နယ်၊ တာချီလိတ်မြို့နယ်၊ ဆန်ဆိုင်း(ခ)ရပ်ကွက်၊ ဝမ်မိုင်ကွက်သစ်၊ နော်ရှဲ(လားဟူ)လမ်း၌ တာချီလိတ်မြို့နယ်၊ ပါဆတ်ရပ်ကွက်နေ အားဆို(၁၉)နှစ် မောင်းနှင်ပြီး တာချီလိတ်မြို့နယ်၊ ပါဆတ်ရပ်ကွက်နေ အားချူ(ခ)ကျဂျူး(၁၈)နှစ် လိုက်ပါလာသော မော်တော်ဆိုင်ကယ်နှင့် တာချီလိတ်မြို့နယ်၊ ပါဆတ်ရပ်ကွက်နေ လော်ညီး(ခ) အားဂါ(၂၆)နှစ် မောင်းနှင်ပြီး ရှမ်းပြည်နယ်၊ တာချီလိတ်မြို့နယ်၊ ဖန်မင်ကျေးရွာအုပ်စု၊ ဟွေလုံကျေးရွာနေ အိုက်ခမ်းမွေ(၂၂)နှစ် လိုက်ပါလာသော မော်တော်ဆိုင်ကယ်တို့အား ရပ်တန့်စစ်ဆေးရှာဖွေခဲ့ရာ ၎င်းတို့ လေးဦးထံမှ စိတ်ကြွရူးသွပ်ဆေးပြား ၁၀၀,၀၀၀ ပြား (တစ်ပြားလျှင် ငွေကျပ် ၄၀၀ နှုန်းဖြင့် ဒေသကာလတန်ဖိုး ငွေကျပ် သိန်း ၄၀၀) ဖမ်းဆီးရမိသဖြင့် အားဆို၊ အားချူ(ခ)ကျဂျူး၊ လော်ညီး(ခ)အားဂါနှင့် အိုက်ခမ်းမွေတို့ လေးဦးအား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့်အရေးယူထားကြောင်း သတင်းရရှိပါသည်။