ဧရာဝတီတိုင်းဒေသကြီး၊ ပုသိမ်မြို့နယ်၌ စက်သုံးဆီများ တရားမဝင် ဖြန့်ဖြူးရောင်းချသူ အမျိုးသမီး တစ်ဦးအား ဖမ်းဆီးအရေးယူ

ဧရာဝတီတိုင်းဒေသကြီး၊ ပုသိမ်မြို့နယ်၌ စက်သုံးဆီများ တရားမဝင် ဖြန့်ဖြူးရောင်းချသူ အမျိုးသမီး တစ်ဦးအား ဖမ်းဆီးအရေးယူ

     ၂၀၂၆ ခုနှစ်၊ ဧပြီ ၁၉ ရက်က ဧရာဝတီတိုင်းဒေသကြီး၊ ပုသိမ်မြို့နယ်၌ စက်သုံးဆီများ တရားမဝင် ဖြန့်ဖြူးရောင်းချသူ အမျိုးသမီး တစ်ဦးအား ဖမ်းဆီးအရေးယူထားကြောင်း သိရသည်။

     ဖြစ်စဉ်မှာ ဧပြီ ၁၉ ရက် နံနက် ၈ နာရီ ၅ မိနစ်တွင် ဧရာဝတီတိုင်းဒေသကြီး၊ ပုသိမ်မြို့နယ်၊ အမှတ်(၁၃)ရပ်ကွက်၊ စံပြလမ်းဘေးရှိ ဆိုင်ခန်းအမှတ်(၇၀)၌ စက်သုံးဆီများ တရားမဝင် ဖြန့်ဖြူးရောင်းချနေကြောင်း သတင်းအရ ပုသိမ်မြို့မရဲစခန်းမှ တပ်ဖွဲ့ဝင်များက သက်သေများနှင့်အတူ သွားရောက်စစ်ဆေးခဲ့ရာ အဆိုပါရပ်ကွက်နေ မေဖြူငြိမ်း(ခ)မေဖြူ(၃၆)နှစ်အား ဓာတ်ဆီ ၇ ဂါလန်ခန့်ပါ ကော်ပုံး နှစ်ပုံးနှင့်အတူ တွေ့ရှိဖမ်းဆီးရမိခဲ့သဖြင့် မေဖြူငြိမ်း(ခ)မေဖြူ အား ပုသိမ်မြို့မရဲစခန်း (ပ)၅၂/၂၀၂၆၊ ရေနံနှင့်ရေနံထွက်ပစ္စည်းများဆိုင်ရာဥပဒေပုဒ်မ ၃၇ ဖြင့် အမှုဖွင့်အရေးယူထားကြောင်း သတင်းရရှိပါသည်။