တနင်္သာရီတိုင်းဒေသကြီးအထွေထွေအုပ်ချုပ်ရေး ဦးစီးဌာန၊ အစည်းအဝေးခန်းမ(၂)၌ ကျင်းပပြုလုပ်သော ၂၀၁၈-၂၀၁၉ ခု ဘဏ္ဍာရေးနှစ် တိုင်းဒေသကြီး အထွေထွေအုပ်ချုပ်ရေးဦးစီးဌာန ရုံးအဆင့်ဆင့်ငွေလုံးငွေရင်းရန်ပုံငွေဖြင့် ဆောင်ရွက်မည့် လုပ်ငန်းများဆိုင်ရာ တင်ဒါကော်မတီအစည်းအဝေး

တနင်္သာရီတိုင်းဒေသကြီးအထွေထွေအုပ်ချုပ်ရေး ဦးစီးဌာန၊ အစည်းအဝေးခန်းမ(၂)၌ ကျင်းပပြုလုပ်သော ၂၀၁၈-၂၀၁၉ ခု ဘဏ္ဍာရေးနှစ် တိုင်းဒေသကြီး အထွေထွေအုပ်ချုပ်ရေးဦးစီးဌာန ရုံးအဆင့်ဆင့်ငွေလုံးငွေရင်းရန်ပုံငွေဖြင့် ဆောင်ရွက်မည့် လုပ်ငန်းများဆိုင်ရာ တင်ဒါကော်မတီအစည်းအဝေး

ထားဝယ်  အောက်တိုဘာ  ၁၁
(၁၁.၁၀.၂၀၁၈)ရက်နေ့ (၁၀၃၀)နာရီအချိန်တွင် တနင်္သာရီတိုင်းဒေသကြီးအထွေထွေအုပ်ချုပ် ရေးဦးစီးဌာန၊ အစည်းအဝေးခန်းမ(၂)၌ ကျင်းပပြုလုပ်သော ၂၀၁၈-၂၀၁၉ ခု ဘဏ္ဍာရေးနှစ် တိုင်းဒေသကြီးအထွေထွေအုပ်ချုပ်ရေးဦးစီးဌာန ရုံးအဆင့်ဆင့်ငွေလုံးငွေရင်းရန်ပုံငွေဖြင့် ဆောင်ရွက်မည့် လုပ်ငန်းများဆိုင်ရာ တင်ဒါကော်မတီအစည်းအဝေးအခမ်းနားကျင်းပပြုလုပ်ခဲ့ရာ တင်ဒါကော်မတီဥက္ကဋ္ဌ ၊ တိုင်းဒေသကြီး အစိုးရအဖွဲ့ဝင် လျှပ်စစ်နှင့်စွမ်းအင်ဝန်ကြီး ဦးကြည်လှိုင်၊  တင်ဒါကော်မတီအတွင်းရေးမှူး၊ တိုင်းဒေသကြီးအထွေထွေအုပ်ချုပ်ရေးဦးစီးဌာန ညွှန်ကြားရေးမှူး၊ တိုင်းဒေသကြီးအစိုးရအဖွဲ့ရုံး ညွှန်ကြားရေးမှူး နှင့် တင်ဒါကော်မတီအဖွဲ့ဝင်များ တက်ရောက်ခဲ့ပါသည်။
အဆိုပါ တင်ဒါကော်မတီအစည်းအဝေးတွင် တင်ဒါကော်မတီဥက္ကဋ္ဌ၊ တိုင်းဒေသကြီးအစိုးရအဖွဲ့ဝင် လျှပ်စစ်နှင့်စွမ်းအင်ဝန်ကြီး ဦးကြည်လှိုင်က အဖွင့်အမှာစကားပြောကြားရာတွင် တင်ဒါလုပ်ငန်းများကို နိုင်ငံတော်သမ္မတရုံး၏ (၁/၂၀၁၇) ညွှန်ကြားချက်၊ လုပ်ထုံးလုပ်နည်းများနှင့်အညီ ပွင့်လင်းမြင်သာစွာ ဆောင်ရွက်သွားမည်ဖြစ်ကြောင်း၊  လုပ်ငန်းများဆောင်ရွက်ရာတွင် လုပ်ငန်းအမျိုးအစားအလိုက် ပစ္စည်း အရည်အသွေးများကောင်းမွန်စေရန် အလေးထားဆောင်ရွက်သွားမည်ဖြစ်ကြောင်း၊ တည်ဆောက်ရေး လုပ်ငန်းများဆောင်ရွက်ရာတွင် နှောက်နှေးကြန့်ကြာမှုများမရှိစေရေးအတွက် သက်ဆိုင်ရာခရိုင်/မြို့နယ် တည်ဆောက်ရေးလုပ်ငန်းစိစစ်ရေးအဖွဲ့များဖြင့် တစ်ပတ်လျှင်တစ်ကြိမ် သတ်မှတ်ရက်အတွင်း  လုပ်ငန်းပြီး စီးမှုများကို စစ်ဆေးဆောင်ရွက်သွားမည်ဖြစ်ကြောင်း ပြောကြားခဲ့ပါသည်။ ဆက်လက်၍ တင်ဒါ ကော်မတီအတွင်းရေးမှူး၊  တိုင်းဒေသကြီး အထွေထွေအုပ်ချုပ်ရေးဦးစီးဌာန  ညွှန်ကြားရေးမှူးမှ  ၂၀၁၈-၂၀၁၉ ခု ဘဏ္ဍာရေးနှစ် တိုင်းဒေသကြီးအထွေထွေအုပ်ချုပ်ရေးဦးစီးဌာန ရုံးအဆင့်ဆင့် ငွေလုံးငွေရင်း ရန်ပုံငွေဖြင့် ဆောင်ရွက်မည့် တင်ဒါလုပ်ငန်းတစ်ခုချင်းအလိုက် ရှင်းလင်းတင်ပြခဲ့မှုအပေါ် တက်ရောက် လာသော တင်ဒါကော်မတီအဖွဲ့များမှ  ပြန်လည်ဖြည့်စွက်ဆွေးနွေးခဲ့ကြပြီး  နိဂုံးချုပ်အနေဖြင့်  တင်ဒါ ကော်မတီဥက္ကဋ္ဌ၊ တိုင်းဒေသကြီးအစိုးရအဖွဲ့ဝင် လျှပ်စစ်နှင့်စွမ်းအင်ဝန်ကြီး ဦးကြည်လှိုင်က တင်ဒါလုပ်ငန် များနှင့် ပတ်သက်၍  ဝိုင်းဝန်းဆောင်ရွက်ပေးကြရန် နိဂုံးချုပ်အမှာစကားပြောကြားပြီးနောက် အစည်းအဝေးကို (၁၁၁၅)နာရီအချိန်တွင် ပြီးမြောက်ခဲ့ကြောင်း သတင်းရရှိပါသည်။