191 Report

Ministry of Home Affairs / June 21, 2022

ပြည်သူများအနေဖြင့် နေ့စဥ်ကြုံတွေ့နေရသည့် ဘေးဒုက္ခအန္တရာယ်များအား ခေတ်နှင့်အညီ IT နည်းပညာအသုံးပြု၍ မီးသတ်ဦးစီးဌာနသို့ အချိန်နှင့်တပြေးညီ သတင်းပေးပို့ အကူအညီတောင်းခံနိုင်ရန်၊ အကူအညီတောင်းခံလာသည့် သတင်းပေးပို့ချက်များအား မီးသတ်ဦးစီးဌာနမှ အချိန်နှင့်တပြေးညီ တုန့်ပြန်ဆောင်ရွက်နိုင်ရန်၊ မီးသတ်ဦးစီးဌာန၏ ပြည်သူ့ဝန်ဆောင်မှုလုပ်ငန်းများအား အားကိုးယုံကြည်မှုရရှိနိုင်စေရန်၊ နိုင်ငံတော်နှင့် ပြည်သူလူထု၏ အသက်အိုးအိမ်စည်းစိမ်များအား ကာကွယ်စောင့်ရှောက်ရာတွင် IT နည်းပညာဖြင့် အထောက်အကူဖြစ်စေရန်ရည်ရွယ်ရေးဆွဲထားသော 191 report app(beta version) အား အောက်ဖော်ပြပါ link တွင် download ရယူအသုံးပြုနိုင်ပါသည်။ 191 report app သည် လက်ရှိအချိန်တွင် Beta version အဖြစ် စမ်းသပ်ဆဲကာလဖြစ်ပါသဖြင့် အသုံးပြုရာတွင် အခက်အခဲများရှိပါက (သို့မဟုတ်) အကြံပြုလိုသည်များရှိပါက feedback ရေးသားပေးပါရန် မေတ္တာရပ်ခံအသိပေးအပ်ပါသည်။

*အသိပေးမေတ္တာရပ်ခံချက်*
မီးလောင်မှုနှင့် သဘာဝဘေးအန္တရာယ်များ၊ အခြားရုတ်တရက်ဖြစ်ပွားသည့် ဘေးအန္တရာယ်များကြုံတွေ့ရသည့်အခါ မီးသတ်ဦးစီးဌာနသို့ 191 report app အသုံးပြု၍ သတင်းပေးပို့ အကူအညီတောင်းခံရာတွင် အခင်းဖြစ်ပွားရာနေရာအနီးပတ်ဝန်းကျင်မှအသုံးပြုရန် ( မီးသတ်တပ်ဖွဲ့ဝင်များနှင့် မီးသတ်ယာဥ်များ အခင်းဖြစ်ပွားရာနေရာသို့ အနီးစပ်ဆုံးရောက်ရှိနိုင်စေရန်) အထူးမေတ္တာရပ်ခံအပ်ပါသည်။ အကယ်၍ အဝေးမှအသုံးပြုပေးပို့ပါက ပေးပို့သည့်နေရာသို့ မီးသတ်တပ်ဖွဲ့ဝင်များနှင့် မီးသတ်ယာဥ်များရောက်ရှိလာမည်ဖြစ်ပါသည်။ ( ဥပမာ- လှိုင်သာယာမြို့နယ်တွင် အခင်းဖြစ်ပွားခြင်းအား ရွှေပြည်သာမြို့နယ်ရှိ အထပ်မြင့်အဆောက်အဦတစ်ခုခုပေါ်မှ မြင်တွေ့ပြီး ပေးပို့ပါက မီးသတ်တပ်ဖွဲ့ဝင်များနှင့် မီးသတ်ယာဥ်များ ရွှေပြည်သာမြို့နယ်ရှိ ပေးပို့သည့်နေရာသို့ ရောက်ရှိသွားမည်ဖြစ်ပါသည်။)

*သတိပေးတားမြစ်ချက်*
မီးသတ်ဦးစီးဌာန၏ ပြည်သူ့ဝန်ဆောင်မှုလုပ်ငန်းများအား အနှောင့်အယှက်ဖြစ်စေရန် ရည်ရွယ်၍ 191 report app အသုံးပြုပြီး သတင်းအမှားများပေးပို့ပါက မီးသတ်တပ်ဖွဲ့၏ တည်ဆဲဥပဒေ၊ နည်းဥပဒေများအရ အရေးယူဆောင်ရွက်သွားမည်ဖြစ်ပါကြောင်း အသိပေးအပ်ပါသည်။

Download Here :

IOS Download

Play Store Download