ကျောက်ပန်းတောင်းမြို့နယ်၌ Mytel ဆက်သွယ်ရေးတာဝါတိုင်အား အကြမ်းဖက်သမားများက မိုင်းထောင်ဖောက်ခွဲဖျက်ဆီး

ကျောက်ပန်းတောင်းမြို့နယ်၌ Mytel ဆက်သွယ်ရေးတာဝါတိုင်အား အကြမ်းဖက်သမားများက မိုင်းထောင်ဖောက်ခွဲဖျက်ဆီး

     ပြည်သူများအကြား တယ်လီဖုန်းဆက်သွယ်မှုနှင့် သတင်းအချက်အလက် စီးဆင်းမှုများ လွယ်ကူလျင်မြန်ချောမွေ့စေရေး အထောက်အကူပြုနိုင်ရန်အတွက် တပ်ဆင်တည်ဆောက်ထားရှိ သည့် နိုင်ငံတော်ပိုင်နှင့် ပုဂ္ဂလိကပိုင် ဆက်သွယ်ရေးတာဝါတိုင်များအား နိုင်ငံအတွင်း ပြည်သူလူထု များ၏ လူမှုဘဝဖွံ့ဖြိုးတိုးတက်မှုနှင့် တည်ငြိမ်အေးချမ်းမှုကို မလိုလားသူ နိုင်ငံရေးအစွန်းရောက် အကြမ်းဖက်သူများက အဆိုပါ ဆက်သွယ်ရေးတာဝါတိုင်များအနက် အချို့အား မီးရှို့ဖျက်ဆီးခြင်း၊ မိုင်းထောင်ဖောက်ခွဲဖျက်ဆီးခြင်းများဖြင့် အကြမ်းဖက်မှုလုပ်ရပ်များအား လုပ်ဆောင်လျက်ရှိသည် ကိုတွေ့ရှိရပါသည်။
    ထိုသို့ ဖျက်ဆီးခြင်းများပြုလုပ်ခဲ့ရာ မတ်လ ၁၈ ရက်နေ့ နံနက် ၁၀ နာရီခွဲအချိန်တွင် မန္တလေးတိုင်းဒေသကြီး၊ ကျောက်ပန်းတောင်းမြို့နယ်၊ ဆူးတပ်ကျေးရွာအနီးရှိ Mytel တာဝါတိုင် အား PDF အမည်ခံ အကြမ်းဖက်အဖွဲ့ အင်အား(စိစစ်ဆဲ)က မိုင်းထောင်ဖောက်ခွဲဖျက်ဆီးသွားခဲ့ ကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ အခင်းဖြစ်နေရာတွင် အကြမ်းဖက်သမားများ၏ လက်လုပ်မိုင်းထောင်ဖောက်ခွဲဖျက်ဆီးမှုကြောင့် အဆိုပါတာဝါတိုင်ရှိ သွပ်အမိုးများ၊  System ပုံး၏အောက်ခြေရှိ အရှည် ၁၅ ပေခန့်ရှိ AC/DC ကြိုးကြီး ၂ ချောင်း၊ ဘက္ထီရီပုံး ၁ ပုံး၊ IPU Box ၁ လုံးနှင့် System Box ၁ လုံးတို့ ပျက်စီးသွားခဲ့ပြီး ဖုန်းဆက်သွယ်မှုလိုင်းများ ပြတ်တောက်လျှက်ရှိကြောင်း သိရသည်။
    အထက်ပါဖြစ်စဉ်မှ Mytel ဆက်သွယ်ရေးတာဝါတိုင်အား မိုင်းထောင်ဖောက်ခွဲဖျက်ဆီးခဲ့သည့် အကြမ်းဖက်သမားများအားဖော်ထုတ်ဖမ်းဆီး၍ ဥပဒေနှင့်အညီ အရေးယူနိုင်ရေး လုံခြုံရေး တပ်ဖွဲ့ဝင် များက ဆက်လက်ဆောင်ရွက်လျက်ရှိကြောင်း သတင်းရရှိသည်။