ဒုတိယဝန်ကြီး ဒေါက်တာအောင်ဇေယျ ကွန်ပျူတာတက္ကသိုလ်(ပြည်) ကြည့်ရှုစစ်ဆေး

ဒုတိယဝန်ကြီး ဒေါက်တာအောင်ဇေယျ ကွန်ပျူတာတက္ကသိုလ်(ပြည်) ကြည့်ရှုစစ်ဆေး

နေပြည်တော် စက်တင်ဘာ ၁၇

သိပ္ပံနှင့်နည်းပညာဝန်ကြီးဌာန ဒုတိယဝန်ကြီး ဒေါက်တာအောင်ဇေယျသည် စက်တင်ဘာ ၁၅ ရက် နံနက်ပိုင်းက ပဲခူးတိုင်းဒေသကြီး ကွန်ပျူတာတက္ကသိုလ်(ပြည်)သို့ သွားရောက်ကြည့်ရှု စစ်ဆေးခဲ့သည်။

ဦးစွာ တက္ကသိုလ်ပင်မဆောင်၌ ကျောင်းသား ကျောင်းသူများ ခင်းကျင်းပြသထားသော ပြည်မြို့လေးဆူဓာတ်ပျော် ရွှေဆံတော်စေတီတော်မြတ်ကြီးအပါအဝင် တန်ခိုးကြီးဘုရားများဆိုင်ရာ Pagoda Digital Directory Website ဆောင်ရွက်ပြီးစီးမှု၊ ကမ္ဘာ့အမွေအနှစ်ဒေသ သရေခေတ္တရာမြို့ဟောင်းနှင့် အခြားဒေသများကို Website နှင့် QR code များ ဆောင်ရွက်ပြီးစီးမှု၊ စိုက်ပျိုးမွေးမြူရေးလုပ်ငန်းများ၊ ဆိုလာစွမ်းအင်စနစ်တွက်ချက်မှုများ၊ လုံခြုံရေးစနစ်များ၌ AI နည်းပညာအသုံးပြု သုတေသနလုပ်ငန်းများမှ ရလဒ်များကို ကြည့်ရှုစစ်ဆေးပြီး သုတေသနဂုဏ်ပြုဆုများ၊ နည်းပညာ၊ သုတနှင့် ရသစာအုပ်များကို ပေးအပ်ချီးမြှင့်သည်။

ထို့နောက် အစိုးရနည်းပညာအထက်တန်းကျောင်း(ပြည်)၌ ကျောင်းအုပ်ကြီး၊ ဌာနမှူးများ၊ ဆရာ ဆရာမများ၊ တာဝန်ရှိသူများ၊ ကျောင်းသား ကျောင်းသူများနှင့် တွေ့ဆုံအမှာစကားပြောကြားပြီး ဂုဏ်ပြုဆုများ၊ သုတနှင့် ရသစာအုပ်များကို ပေးအပ်သည်။

ယင်းနောက် ပြည်နည်းပညာတက္ကသိုလ်ရှိ လျှပ်စစ်စွမ်းအား အင်ဂျင်နီယာဌာနက ဆောင်ရွက်ထားသော ဆိုလာထုတ်လုပ် စွမ်းရည်မြှင့်တင်ရေးဆိုင်ရာ ထိန်းချုပ်စနစ်၊ မြို့ပြအင်ဂျင်နီယာဌာန၊ စက်မှုအင်ဂျင်နီယာဌာန၊ စက်မှုအီလက်ထရောနစ်အင်ဂျင်နီယာဌာန၊ သုတနည်းပညာအင်ဂျင် နီယာဌာနတို့ရှိ ဆရာ ဆရာမများ၊ ကျောင်းသား ကျောင်းသူများ ခင်းကျင်းပြသထားသော သုတေသနလုပ်ငန်းများ၏ ရလဒ်များကို ကြည့်ရှုစစ်ဆေးပြီး တာဝန်ရှိသူများ၊ ကျောင်းသား ကျောင်းသူများကို သုတေသနဂုဏ်ပြုဆုများ ချီးမြှင့်ကာ နည်းပညာ၊ သုတနှင့် ရသစာအုပ်များကို ပေးအပ်ခဲ့ကြောင်း သိရသည်။

သတင်းစဉ်