ဒုတိယဝန်ကြီး ဦးထိန်လင်း အောင်ဆန်းအားကစားပြိုင်ဝင်း ကြည့်ရှုစစ်ဆေး

ဒုတိယဝန်ကြီး ဦးထိန်လင်း အောင်ဆန်းအားကစားပြိုင်ဝင်း ကြည့်ရှုစစ်ဆေး

ရန်ကုန် ဖေဖော်ဝါရီ ၂၁

အားကစားနှင့်လူငယ်ရေးရာဝန်ကြီးဌာန ဒုတိယဝန်ကြီး ဦးထိန်လင်းသည် အားကစားနှင့်ကာယပညာဦးစီးဌာန ဒုတိယညွှန်ကြားရေးမှူးချုပ်၊ တာဝန်ရှိသူများနှင့်အတူ ယနေ့နံနက်ပိုင်းတွင် ရန်ကုန်တိုင်းဒေသကြီး မင်္ဂလာတောင်ညွန့်မြို့နယ်ရှိ အောင်ဆန်းအားကစားပြိုင်ဝင်း အဆင့်မြှင့်တင်တည်ဆောက်နိုင်ရေးအခြေအနေများကို ကြည့်ရှုစစ်ဆေးသည်။

ဦးစွာ ဒုတိယဝန်ကြီးသည် အောင်ဆန်းအားကစားပြိုင်ဝင်းအတွင်း ပွဲကြည့်စင်များရှိ ပျက်စီးနေသော အဆောက်အအုံများ၏ လက်ရှိအခြေအနေ၊ ဘော်လီဘောအားကစားရုံ၊ တိုက်ကွမ်ဒို အားကစားရုံ၊ အလေးမအားကစားရုံ၊ စားရိပ်သာနှင့် အဆင့်မြှင့်တင်တည်ဆောက်နိုင်ရေး လုပ်ဆောင်ရမည့် လုပ်ငန်းစဉ်များ၊ လျာထားသတ်မှတ်ထားသည့် အပိုင်းလိုက် အဆောက်အအုံများကို ကြည့်ရှုစစ်ဆေးခဲ့ကြောင်း သိရသည်။

သတင်းစဉ်