နိုင်ငံ့ဝန်ထမ်းတက္ကသိုလ်(အောက်မြန်မာပြည်)၌ အရာထမ်းငယ်သင်တန်း အမှတ်စဉ်(၁၃၅) ဖွင့်လှစ်

နိုင်ငံ့ဝန်ထမ်းတက္ကသိုလ်(အောက်မြန်မာပြည်)၌ အရာထမ်းငယ်သင်တန်း အမှတ်စဉ်(၁၃၅) ဖွင့်လှစ်

ရန်ကုန်  အောက်တိုဘာ  ၂၁ 

အရာထမ်းငယ်သင်တန်း အမှတ် စဉ်(၁၃၅) သင်တန်းဖွင့်ပွဲကိုယနေ့ နံနက် ၇ နာရီခွဲတွင် နိုင်ငံ့ဝန်ထမ်း တက္ကသိုလ်(အောက်မြန်မာပြည်)ရှိ  ရတနာသိင်္ဃခန်းမ၌ကျင်းပရာ ပါမောက္ခချုပ် ဦးကျော်ထွေး၊ ဒုတိယပါမောက္ခချုပ်များ၊  ဌာနကြီးမှူးများ၊ ပညာဌာနများမှ ပါမောက္ခများ၊ ဆရာ ဆရာမများ၊ ဝန်ကြီးဌာနများနှင့်  အဖွဲ့အစည်းများမှ သင်တန်းသားသင်တန်းသူများ တက်ရောက်ကြသည်။

သင်တန်းတွင် ပါမောက္ခချုပ်က အဖွင့်အမှာစကားပြောကြားပြီး အဆိုပါသင်တန်းကို အောက်တိုဘာ ၂၁ ရက်မှ ဒီဇင်ဘာ ၁၂ ရက်အထိ ဖွင့်လှစ်သွားမည်ဖြစ်ကာ ဝန်ကြီးဌာနများနှင့်   အဖွဲ့အစည်းများမှ  သင်တန်းသား ၁၃၄ ဦး၊ သင်တန်း သူ ၁၈၁ ဦး စုစုပေါင်း ၃၁၅ ဦး တက်ရောက်ကြကြောင်း  သိရသည်။

သတင်းစဉ်