နှစ်(၈၀)ပြည့် မြန်မာနိုင်ငံမီးသတ်တပ်ဖွဲ့နေ့ကို ကြိုဆိုဂုဏ်ပြုသောအားဖြင့် ရန်ကုန်ပြည်သူ့ဆေးရုံကြီးတွင် စုပေါင်းသွေးလှူဒါန်းခြင်း အခမ်းအနား ကျင်းပခြင်းနှင့် စုပေါင်းသန့်ရှင်းရေး လုပ်အားပေး ဆောင်ရွက်ခြင်း

နှစ်(၈၀)ပြည့် မြန်မာနိုင်ငံမီးသတ်တပ်ဖွဲ့နေ့ကို ကြိုဆိုဂုဏ်ပြုသောအားဖြင့် ရန်ကုန်ပြည်သူ့ဆေးရုံကြီးတွင် စုပေါင်းသွေးလှူဒါန်းခြင်း အခမ်းအနား ကျင်းပခြင်းနှင့် စုပေါင်းသန့်ရှင်းရေး လုပ်အားပေး ဆောင်ရွက်ခြင်း

     ၂၀၂၆ ခုနှစ်၊ မေ ၅ ရက်တွင် ကျရောက်မည့် နှစ်(၈၀)ပြည့် မြန်မာနိုင်ငံမီးသတ်တပ်ဖွဲ့နေ့ကို ကြိုဆိုဂုဏ်ပြုသောအားဖြင့် မေ ၂ ရက် နံနက် ၈ နာရီခန့်က မြန်မာနိုင်ငံမီး သတ်တပ်ဖွဲ့ဌာနချုပ်နှင့် ရန်ကုန်တိုင်းဒေသကြီးမီးသတ်တပ်ဖွဲ့ဝင်များမှ စုပေါင်းသွေးလှူဒါန်းခြင်း အခမ်းအနား ကျင်းပခြင်းနှင့် စုပေါင်းသန့်ရှင်းရေး လုပ်အားပေးဆောင်ရွက်ခြင်းကို ရန်ကုန်ပြည်သူ့ဆေးရုံကြီး၌ ကျင်းပပြုလုပ်ခဲ့ရာ ပြည်ထဲရေးဝန်ကြီးဌာန၊ ပြည်ထောင်စုဝန်ကြီး ဒုတိယဗိုလ်ချုပ်ကြီး ညွန့်ဝင်းဆွေ၊ ကျန်းမာရေးဝန်ကြီးဌာန၊ ပြည်ထောင်စုဝန်ကြီး ဒေါက်တာ သက်ခိုင်ဝင်း၊ ရန်ကုန်ပြည်သူ့ဆေးရုံ ဆေးရုံအုပ်ကြီး ပါမောက္ခချုပ် ဒေါက်တာ ထွန်းမင်းနှင့် ဆရာဝန်ကြီးများ ရန်ကုန်တိုင်းဒေသကြီးမီးသတ်ဦးစီးမှူး ညွှန်ကြားရေးမှူး ဦးမင်းစမ်းအေးနှင့် အရာရှိကြီးများ တက်ရောက်ခဲ့ကြပြီး သွေးလှူဒါန်းသည့် သန္ဓေမီးသတ်တပ်ဖွဲ့ဝင်နှင့် အရန်မီးသတ်တပ်ဖွဲ့ဝင်၊ စုစုပေါင်း ၁၄၀ ဦးတို့အား လိုက်လံကြည်ရှု့အားပေးပြီး ခွန်အားဖြည့် အာဟာရအစားအစာများ ထောက်ပံ့ပေးအပ်ခဲ့ကြောင်း သိရှိရသည်။
     ထို့နောက် ရန်ကုန်ပြည်သူ့ဆေးရုံကြီး သန့်ရှင်းသပ်ရပ်ရေးအတွက် သန္ဓေ၊ အရန်မီးသတ်တပ်ဖွဲ့ဝင် ၅၅၀ ဦးဖြင့် ဆေးရုံဝင်းအတွင်း အမှိုက်များရှင်းလင်းခြင်း၊ သစ်ပင်ချုံနွယ်များ ခုတ်ထွင်ရှင်းလင်းခြင်းနှင့် ရေမြောင်းများ ရေစီးရေလာကောင်းမွန်စေရေး စုပေါင်းသန့်ရှင်းရေးဆောင်ရွက်ခဲ့ကြောင်း သတင်းရရှိပါသည်။