ပုဗ္ဗသီရိမြို့နယ်၊ ကျည်တောင်ကန်ကျေးရွာအုပ်စု၊ သာယာဝှမ်းကျေးရွာတွင် နေအိမ်များမီးလောင်မှု

ပုဗ္ဗသီရိမြို့နယ်၊ ကျည်တောင်ကန်ကျေးရွာအုပ်စု၊ သာယာဝှမ်းကျေးရွာတွင် နေအိမ်များမီးလောင်မှု

နေပြည်တော်၊ ဥတ္တရခရိုင်၊ ပုဗ္ဗသီရိမြို့နယ်၊ ကျည်တောင်ကန်ကျေးရွာအုပ်စု၊ သာယာဝှမ်းကျေးရွာတွင် ၂၀၂၂ ခုနှစ်၊ ဇန်နဝါရီလ ၂၄ ရက်နေ့၊ ၁၅၄၅ အချိန်ခန့်က ပိုင်ရှင် ဦးမင်းသူ၏ (၁၂x၁၂)ပေ သက်ကယ်မိုး၊ ထရံကာ၊ ဝါးခင်း(၁)ထပ် နေအိမ်၌ ထင်းမီးဖိုမီးကြွင်းမီးကျန်မှတစ်ဆင့် နေအိမ်အနီးရှိကြံဖက်ပုံသို့ မီးကူးစက်လောင်ကျွမ်းမှုဖြစ်ပွားကြောင်း ပုဗ္ဗသီရိမြို့နယ်မီးသတ်စခန်းမှ သတင်းရရှိသဖြင့် နေပြည်တော်မီးသတ်ဦးစီးမှူးရုံးမှ အုပ်ချုပ်မှုယာဉ် ၁ စီး၊ ဥတ္တရခရိုင်အတွင်းရှိ မီးသတ်စခန်းများမှ မီးသတ်ယာဉ် ၈ စီးတို့ဖြင့် သွားရောက်ငြှိမ်းသတ်ခဲ့ရာ ၁၆၅၀ အချိန်တွင် မီးငြိမ်း ခဲ့သည်။
အဆိုပါမီးလောင်မှုကြောင့် နေအိမ် ၅ လုံး၊ နွားတင်းကုတ် ၃ လုံးနှင့် ဆိုင်ကယ် ၁ စီး မီးလောင်ခဲ့ပြီး ပိုင်ရှင်ဦးမင်းသူအား ကျည်တောင်ကန်နယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိသည်။