ပဲခူးတိုင်းဒေသကြီး၊ ရှမ်းပြည်နယ်၊ ပြည်ထောင်စုနယ်မြေ၊ နေပြည်တော်နှင့် မွန်ပြည်နယ်တို့၌ လိုင်စင်မဲ့ မော်တော်ယာဉ်များ ဖမ်းဆီးရမိ

ပဲခူးတိုင်းဒေသကြီး၊ ရှမ်းပြည်နယ်၊ ပြည်ထောင်စုနယ်မြေ၊ နေပြည်တော်နှင့် မွန်ပြည်နယ်တို့၌ လိုင်စင်မဲ့ မော်တော်ယာဉ်များ ဖမ်းဆီးရမိ

     ၂၀၂၆ ခုနှစ်၊ ဇန်နဝါရီ ၂၈ ရက်နှင့် ၂၉ ရက်တို့တွင် ပဲခူးတိုင်းဒေသကြီး၊ တောင်ငူမြို့နယ်၊ ရှမ်းပြည်နယ်၊ တောင်ကြီးမြို့နယ်၊ ပြည်ထောင်စုနယ်မြေ၊ နေပြည်တော်၊ ပု ဗ္ဗသီရိမြို့နယ်၊ မွန်ပြည်နယ်၊ ဘီးလင်းမြို့နယ်နှင့် ကျိုက်ထိုမြို့နယ်တို့၌ လိုင်စင်မဲ့မော်တော်ယာဉ်များ ဖမ်းဆီးရမိခဲ့ကြောင်း သိရသည်။

     ဖြစ်စဉ်မှာ ဇန်နဝါရီ ၂၈ ရက် ညနေ ၄ နာရီတွင် ပဲခူးတိုင်းဒေသကြီး၊ တောင်ငူမြို့မရဲစခန်းမှ တပ်ဖွဲ့ဝင်များက တောင်ငူမြို့နယ်၊ အမှတ်(၂၂)ရပ်ကွက် ရန်ကုန်-မန္တလေးလမ်းဟောင်းပေါ်ရှိ ခပေါင်း တံတား၌ မော်တော်ယာဉ်စစ်ဆေးခြင်းများ ဆောင်ရွက်နေစဉ် တောင်ငူမှ အုတ်တွင်းသို့ ကျောက်တံခါးမြို့၊ ဂုဏ်တော်ရပ်ကွက်နေ ချစ်သဲမောင်စိုး(ခ)အာကြီး(၃၃)နှစ် မောင်းနှင်လာသည့် NPW-5 6P-XXXX HONDA INSIGHT မော်တော်ယာဉ်အား ရပ်တန့်စစ်ဆေးခဲ့ရာ အဆိုပါယာဉ်နှင့်ပတ်သက်၍ အ ထောက်အထား တစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် ချစ်သဲမောင်စိုး(ခ)အာကြီးအား တောင်ငူမြို့မရဲစ ခန်း (ပ)၁၈/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း။

     အလားတူ ညနေ ၄ နာရီ ၃၀ မိနစ်တွင် ရှမ်းပြည်နယ်၊ တောင်ကြီးမြို့နယ်အတွင်း လိုင်စင်မဲ့ မော်တော်ယာဉ်များအား Facebook လူမှုကွန်ရက်စာမျက်နှာပေါ်၌ ရောင်းချနေကြောင်း သတင်းအရ တောင်ကြီးမြို့မရဲစခန်းမှ တပ်ဖွဲ့ဝင်များက ချိတ်ဆက်စုံစမ်းဖော်ထုတ်ခဲ့ရာ တောင်ကြီးမြို့၊ ပြည်တော်သာ ရပ်ကွက်၊ အနော်ရထာလမ်းမပေါ်၌ ရတနာသီရိရပ်ကွက်နေ စိုးမင်းထိုက်(၃၁)နှစ်အား YGN-7 2L-XXXX TOYOTA BB လိုင်စင်မဲ့မော်တော်ယာဉ် တစ်စီးနှင့်အတူ ဖမ်းဆီးရမိခဲ့သဖြင့် စိုးမင်းထိုက် အား တောင်ကြီးမြို့မရဲစခန်း (ပ)၂၁/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း။

     အလားတူ ည ၆ နာရီ ၄၅ မိနစ်တွင် တောင်ကြီးမြို့နယ်အတွင်း လိုင်စင်မဲ့ မော်တော်ယာဉ် များအား Facebook လူမှုကွန်ရက်စာမျက်နှာပေါ်၌ ရောင်းချနေကြောင်း သတင်းအရ တောင်ကြီးနယ်မြေ ရဲစခန်းမှ တပ်ဖွဲ့ဝင်များက ချိတ်ဆက်စုံစမ်းဖော်ထုတ်ခဲ့ရာ တောင်ကြီးမြို့၊ ကျောင်းကြီးစုရပ်ကွက်၊ အနောက်မြို့ပတ်လမ်းပေါ်၌ အ ဆိုပါရပ်ကွက်နေ လေးချစ်ဆန်း(၄၀)နှစ်အား SHN-38 2P/XXXX TOYOTA WISH လိုင်စင်မဲ့မော်တော်ယာဉ် တစ်စီးနှင့်အတူ ဖမ်းဆီးရမိခဲ့သဖြင့် လေးချစ်ဆန်း အား တောင်ကြီးနယ်မြေရဲစခန်း (ပ)၁၆/၂၀၂၆၊ ပို့ကုန်သွင်းကုန်ဥပဒေ ပုဒ်မ ၈ ဖြင့် လည်းကောင်း။

     အလားတူ ဇန်နဝါရီ ၂၉ ရက် ညနေ ၃ နာရီ ၃၀ မိနစ်တွင် ပြည်ထောင်စုနယ်မြေ၊ နေပြည်တော်၊ ပုဗ္ဗသီရိမြို့နယ်၊ တပင်ရွှေထီးရပ်ကွက်နေ သက်နိုင်(၆၃)နှစ်၏ နေ အိမ်၌ လိုင်စင်မဲ့မော်တော်ယာဉ်များ ရောင်းချနေကြောင်း သတင်းအရ နေပြည်တော်ရဲတပ်ဖွဲ့မှူးရုံးမှ တပ်ဖွဲ့ဝင်များက သွားရောက် စစ်ဆေးခဲ့ရာ အဆိုပါခြံဝင်းအ တွင်း၌ သက်နိုင် အား YGN-8 2H-XXXX TOYOTA WISH လိုင်စင်မဲ့ မော်တော်ယာဉ် တစ်စီးနှင့်အတူ တွေ့ရှိဖမ်းဆီးရမိခဲ့သဖြင့် သက်နိုင် အား ထုံးဖိုမြို့မရဲစခန်း (ပ)၁၂ /၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း။

     အလားတူ မွန်းလွဲ ၁၂ နာရီ ၃၀ မိနစ်တွင် မွန်ပြည်နယ်၊ ဘီးလင်းမြို့မရဲစခန်းမှ တပ်ဖွဲ့ဝင်များနှင့် အမှတ်(၇၈)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များ ပူးပေါင်းအဖွဲ့က ဘီးလင်းမြို့၊ ဒေါက်ရပ်ကျေးရွာ၊ ရွှေသံလွင်တိုးဂိတ်ဟောင်း၌ ယာဉ်စစ်ဆေးခြင်းများ ဆောင်ရွက်နေစဉ် သထုံမှ ဘီးလင်းသို့ တာမွေမြို့နယ်၊ မေတ္တာညွန့်ရပ်ကွက်နေ လင်းအောင်(၃၄)နှစ် မောင်းနှင်လာသည့် YGN-41 2N-XXXX TOYOYA WISH မော်တော်ယာဉ်အား ရပ်တန့်စစ်ဆေးခဲ့ရာ အဆိုပါယာဉ်နှင့်ပတ်သက်သည့် အထောက်အ ထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် လင်းအောင် အား ဘီးလင်းမြို့မရဲစခန်း (ပ)၃၁/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း။

     အလားတူ မွန်းလွဲ ၂ နာရီ ၃၀ မိနစ်တွင် ကျိုက်ထိုခရိုင်ရဲတပ်ဖွဲ့မှူးရုံးမှ တပ်ဖွဲ့ဝင်များနှင့် အမှတ်(၇၈)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များ ပူးပေါင်းအဖွဲ့က ကျိုက်ထို မြို့နယ်၊ မုပ္ပလင်လမ်းဆုံ စစ်ဆေးရေးဂိတ်၌ ယာဉ်စစ်ဆေးခြင်းများ ဆောင်ရွက်နေစဉ် ကျိုက်ထိုမှ ပဲခူးသို့ မင်္ဂလာတောင်ညွန့် မြို့နယ်၊ ရေတွင်းကုန်းရပ်ကွက်နေ နေစိုးအောင်(၃၂)နှစ် မောင်းနှင်လာသည့် YGN-4 3I-XXXX HONDA FIT  မော်တော်ယာဉ်အား ရပ်တန့်စစ်ဆေးခဲ့ရာ အဆိုပါယာဉ်နှင့်ပတ်သက်သည့် အထောက်အထား တစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် နေစိုးအောင် အား သိမ်ဇရပ်နယ်မြေရဲစခန်း (ပ)၂၈/၂၀၂၆၊ ပို့ကုန်သွင်း ကုန်ဥပဒေပုဒ်မ ၈ ဖြင့် လည်းကောင်း အသီးသီး အမှုဖွင့်အရေးယူထားကြောင်း သတင်းရရှိပါသည်။