ပြည်ထောင်စုစာရင်းစစ်ချုပ်ရုံး ဝန်ထမ်းဆန္ဒထုတ်ဖော်ပွဲ (၆/၂၀၂၄) ကျင်းပခြင်း

ပြည်ထောင်စုစာရင်းစစ်ချုပ်ရုံး ဝန်ထမ်းဆန္ဒထုတ်ဖော်ပွဲ (၆/၂၀၂၄) ကျင်းပခြင်း

ပြည်ထောင်စုစာရင်းစစ်ချုပ်ရုံး ဝန်ထမ်းဆန္ဒထုတ်ဖော်ပွဲ (၆/၂၀၂၄) အခမ်းအနားကို အမြဲတမ်းအတွင်းဝန်၊ ညွှန်ကြားရေးမှူးချုပ်များနှင့် ဒုတိယညွှန်ကြားရေးမှူးချုပ်များက ကြီးမှူး၍ ၂၀၂၅ ခုနှစ်၊ ဇန်နဝါရီလ ၂ ရက်နေ့တွင် နေပြည်တော်ရှိ ပြည်ထောင်စုစာရင်းစစ်ချုပ်ရုံး၊ နဝရတ်ခန်းမ၌ ကျင်းပခဲ့ပါသည်။

နံနက်ပိုင်းတွင် စစ်ဆေးရေးဦးစီးဌာန ဝန်ထမ်းများ၏ ဆန္ဒထုတ်ဖော်ပွဲအားလည်းကောင်း၊ မွန်းလွဲပိုင်းတွင် ပြည်ထောင်စုစာရင်းစစ်ချုပ်ရုံးအဖွဲ့၊ စီမံရေးရာဦးစီးဌာန၊ နည်းပညာဖွံ့ဖြိုးရေးနှင့်လေ့ကျင့်ရေးဦးစီးဌာနတို့မှ ဝန်ထမ်းများ၏ ဆန္ဒထုတ်ဖော်ပွဲအားလည်းကောင်း ကျင်းပခဲ့ရာ ဌာနခွဲအလိုက် ညွှန်ကြားရေးမှူးများနှင့် ဝန်ထမ်းများက မိမိတို့လိုအပ်ချက်များကို အစီအစဉ်အတိုင်း အသီးသီးထုတ်ဖော်တင်ပြခဲ့ကြသည်။

ဆွေးနွေးတင်ပြချက်များအပေါ် အမြဲတမ်းအတွင်းဝန်၊ ညွှန်ကြားရေးမှူးချုပ်များနှင့် ဒုတိယညွှန်ကြားရေးမှူးချုပ်တို့က နှစ်သစ်တွင် ဝန်ထမ်းများအားလုံး မင်္ဂလာအပေါင်းနှင့် ပြည့်စုံပြီး စိတ်သစ်လူသစ်ဖြင့် လုပ်ငန်းတာဝန်များကို ပျော်ရွှင်စွာထမ်းဆောင်ကြစေလိုပါ ကြောင်း၊ ဝန်ထမ်းများ၏ တင်ပြချက်များနှင့်စပ်လျဉ်း၍လည်း ဆောင်ရွက်ပေးနိုင်မှုအခြေအနေနှင့် ဦးစားပေးရမည့်ကိစ္စရပ်များပေါ်မူတည်၍ ညှိနှိုင်းပေါင်းစပ်ဖြည့်ဆည်း ဆောင်ရွက်ပေးသွားမည်ဖြစ်ကြောင်း၊ ထို့အပြင် ဝန်ထမ်းများ သိသင့်သိထိုက်သည်များကို ရုံး၏ Website တွင်Upload ပြုလုပ်ပေးထားသည်ဖြစ်ရာ ဝင်ရောက်ကြည့်ရှု့လေ့လာနိုင်ပါကြောင်း၊ ဝန်ထမ်းများအချင်းချင်း အပြန်အလှန်လေးစားမှုဖြင့် နွေးထွေးစွာဆက်ဆံကြပြီး ကျင့်ဝတ်သိက္ခာစောင့်ထိန်း၍ စည်းကမ်းလိုက်နာသော ဝန်ထမ်းကောင်းများဖြစ်စေရေး ကြိုးစားကြစေလိုပါကြောင်း ပြောကြား၍ အခမ်းအနားကို ရုပ်သိမ်းခဲ့သည်။