ပြည်နယ်ဝန်ကြီးချုပ်ဦးစောမြင့်ဦး တိုင်းဒေသကြီးနှင့်ပြည်နယ် အသက်(၂၅)နှစ်အောက် အမျိုးသမီးဘောလုံးပြိုင်ပွဲ အုပ်စု(ခ)ဘားအံဇုန် ယှဉ်ပြိုင်မည့်အသင်းများအားတွေ့ဆုံအားပေး

ပြည်နယ်ဝန်ကြီးချုပ်ဦးစောမြင့်ဦး တိုင်းဒေသကြီးနှင့်ပြည်နယ် အသက်(၂၅)နှစ်အောက် အမျိုးသမီးဘောလုံးပြိုင်ပွဲ အုပ်စု(ခ)ဘားအံဇုန် ယှဉ်ပြိုင်မည့်အသင်းများအားတွေ့ဆုံအားပေး

ဘားအံ အောက်တိုဘာ ၁၀

၂၀၂၅ ခုနှစ်၊ တိုင်းဒေသကြီးနှင့်ပြည်နယ် အသက်(၂၅)နှစ်အောက် အမျိုးသမီးဘောလုံးပြိုင်ပွဲ အုပ်စု(ခ)ဘားအံဇုန်တွင် ဝင်ရောက်ယှဉ်ပြိုင်ကြမည့် တိုင်းဒေသကြီးနှင့်ပြည်နယ်ကိုယ်စားပြုအသင်းများအား ကြိုဆို မိတ်ဆက်သည့်အခမ်းအနားကို အောက်တိုဘာလ ၁၀ ရက်နေ့ နံနက်ပိုင်းက ဘားအံမြို့၊ ဇွဲကပင်ခန်းမ၌ ကျင်းပသည်။

ဦးစွာ ဘားအံဇုန်တွင် ဝင်ရောက်ယှဉ်ပြိုင်ကြမည့် ရန်ကုန်တိုင်းဒေသကြီး၊ နေပြည်တော်ကောင်စီအသင်းနှင့် ကရင်ပြည်နယ်အသင်းတို့မှ အားကစားသမား၊ နည်းပြ၊ အုပ်ချုပ်သူများက ပြည်နယ်ဝန်ကြီးချုပ်နှင့်အစိုးရအဖွဲ့ဝင်များ အား ဂါရဝပြုနှုတ်ဆက်ကြပြီး ပြည်နယ်ဝန်ကြီးချုပ်က ကရင်ပြည်နယ်အစိုးရအဖွဲ့အနေဖြင့် ပြိုင်ပွဲသို့လာရောက် ယှဉ်ပြိုင်သည့် ပြိုင်ပွဲဝင်အသင်းများ သွားလာနေထိုင်စားသောက်ရေးကိစ္စရပ်များအဆင်ပြေစေရန် လိုအပ်သည့်ကူညီ ဖြည့်ဆည်းမှုများကို စီမံဆောင်ရွက်ပေးထားပြီး အကောင်းဆုံးကြိုးစားယှဉ်ပြိုင်ကစား၍ အကောင်းဆုံးအသင်း အနိုင် ရရှိပါစေကြောင်း ကြိုဆိုနှုတ်ခွန်းဆက်စကားပြောကြားသည်။

ထို့နောက် ပြည်နယ်ဝန်ကြီးချုပ်က ရန်ကုန်တိုင်းဒေသကြီးနှင့်နေပြည်တော်အသင်းတို့အား အမှတ်တရ လက်ဆောင်များပေးအပ်ပြီး ပြိုင်ပွဲဝင်အားကစားအသင်းများနှင့် စုပေါင်းမှတ်တမ်းဓာတ်ပုံများရိုက်ကူးကာ အားကစား သမား၊ နည်းပြ၊ အုပ်ချုပ်သူများအား လက်ဖက်ရည်ပွဲဖြင့် တည်ခင်းဧည့်ခံ၍ တစ်ဦးချင်းရင်းနှီးနွေးထွေးစွာ လိုက်လံတွေ့ဆုံနှုတ်ဆက်ပြီး အားပေးစကားများပြောကြားခဲ့ပါသည်။