ဘားအံတက္ကသိုလ် ၂၀၂၄-၂၀၂၅ ပညာသင်နှစ် ဘာသာရပ်ပေါင်းစုံမိုးရာသီအားကစားပြိုင်ပွဲ ဆုချီးမြှင့်

ဘားအံတက္ကသိုလ် ၂၀၂၄-၂၀၂၅ ပညာသင်နှစ် ဘာသာရပ်ပေါင်းစုံမိုးရာသီအားကစားပြိုင်ပွဲ ဆုချီးမြှင့်

ဘားအံ ဇူလိုင် ၃၁

ဘားအံတက္ကသိုလ်၏ ၂၀၂၄-၂၀၂၅ ပညာသင်နှစ် ဘာသာရပ်ပေါင်းစုံဖူဆယ်ဘောလုံးပြိုင်ပွဲ ဗိုလ်လုပွဲစဉ်နှင့် မိုးရာသီအားကစားပြိုင်ပွဲများ ဆုချီးမြှင့်သည့်အခမ်းအနားကို ဇူလိုင်လ ၃၀ ရက်နေ့ မွန်းလွဲပိုင်းက ဘားအံတက္ကသိုလ် ဘွဲ့နှင်းသဘင်ခန်းမအနီးရှိ ပြည်နယ်ဖူဆယ်အားကစားခန်းမ၌ ကျင်းပသည်။

ဦးစွာ ဘားအံတက္ကသိုလ် ဘာသာရပ်ပေါင်းစုံဖူဆယ်ဘောလုံးအားကစားပြိုင်ပွဲ ဗိုလ်လုပွဲစဉ်အဖြစ် သမိုင်း အသင်းနှင့် မြန်မာစာအသင်းတို့ ယှဉ်ပြိုင်ကစားကြရာ ပြည်နယ်ဝန်ကြီးချုပ်ဦးစောမြင့်ဦး၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်အစိုးရအဖွဲ့ဝင်များ၊ ဘားအံတက္ကသိုလ်ပါမောက္ခချုပ်ဒေါက်တာစိုးစိုးအေး၊ ဒုတိယ ပါမောက္ခချုပ်၊ ပါမောက္ခ၊ ကထိက၊ ဌာနမှူးများ၊ နည်းပြ၊သရုပ်ပြဆရာ၊ဆရာမများ၊ ကျောင်းသား၊ကျောင်းသူများ တက်ရောက်ကြည့်ရှုအားပေးခဲ့ကြပြီး အဆိုပါပွဲစဉ်တွင် မြန်မာစာအသင်းက တစ်ဂိုး ဂိုးမရှိဖြင့် အနိုင်ရဗိုလ်စွဲခဲ့သည်။

ဗိုလ်လုပွဲစဉ်အပြီးတွင် မိုးရာသီအားကစားပြိုင်ပွဲများ ဆုချီးမြှင့်သည့်အခမ်းအနားကို ဆက်လက်ကျင်းပရာ ဘားအံတက္ကသိုလ်ပါမောက္ခချုပ်ဒေါက်တာစိုးစိုးအေးက စားပွဲတင်တင်းနစ် အမျိုးသမီးတစ်ဦးချင်းပြိုင်ပွဲတွင် ဆုရရှိ ကြသူများကိုလည်းကောင်း၊ ပြည်နယ်အစိုးရအဖွဲ့ဝင်များက စားပွဲတင်တင်းနစ်အမျိုးသားတစ်ဦးချင်းပြိုင်ပွဲတွင် ဆုရရှိ ကြသူများ၊ အသင်းလိုက်ပြိုင်ပွဲတွင် ဆုရရှိကြသူများ၊ စစ်တုရင်ပြိုင်ပွဲတွင် အသင်းလိုက်ဆုရရှိကြသူများ၊ ဇူဆယ်ပြိုင် ပွဲတွင် နေရာအလိုက်အကောင်းဆုံးအားကစားသမားဆုရရှိကြသူများ၊ ဖူဆယ်ပြိုင်ပွဲတွင် တတိယဆုရရှိသော အသင်း တို့ကို တစ်ဦးချင်းလည်ဆွဲဆုနှင့် ဆုဖလားများပေးအပ်ချီးမြှင့်ကြပြီး ပြည်နယ်တရားလွှတ်တော်တရားသူကြီးချုပ် ဦးညွန့်လင်းက ဖူဆယ်ပြိုင်ပွဲတွင် ဒုတိယဆုရရှိသော သမိုင်းအသင်းအား တစ်ဦးချင်းလည်ဆွဲဆု နှင့်ဆုဖလားတို့ကို ပေးအပ်ချီးမြှင့်ကာ ပြည်နယ်ဝန်ကြီးချုပ်ဦးစောမြင့်ဦးက ဖူဆယ်ပြိုင်ပွဲတွင် ပထမဆုရရှိသော မြန်မာစာအသင်းအား တစ်ဦးချင်းလည်ဆွဲဆုနှင့်ဆုဖလားတို့ကို ပေးအပ်ချီးမြှင့်ခဲ့ကြပါသည်။