ဘားအံပညာရေးဒီဂရီကောလိပ် ပထမနှစ်သင်တန်းသား၊သင်တန်းသူများအား မောင်မယ်သစ်လွင်ကြိုဆို

ဘားအံပညာရေးဒီဂရီကောလိပ် ပထမနှစ်သင်တန်းသား၊သင်တန်းသူများအား မောင်မယ်သစ်လွင်ကြိုဆို

ဘားအံ - ဒီဇင်ဘာ (၁၀)

ကရင်ပြည်နယ်၊ ဘားအံပညာရေးဒီဂရီကောလိပ်တွင် (၄)နှစ်သင်ပညာရေးဒီဂရီကောလိပ်(ပထမ)နှစ်သို့ တက်ရောက်ကြမည့် သင်တန်းသား၊သင်တန်းသူများအား မောင်မယ်သစ်လွင်ကြိုဆိုပွဲကို ဒီဇင်ဘာလ ၁၀ ရက်နေ့ နံနက် ၈ နာရီက အဆိုပါကောလိပ် သီရိခန်းမ၌ ကျင်းပသည်။

မောင်မယ်သစ်လွင်ကြိုဆိုပွဲတွင် ကရင်ပြည်နယ်ဝန်ကြီးချုပ်ဦးစောမြင့်ဦးက ဘားအံပညာရေးဒီဂရီကောလိပ် ကိုရွေးချယ်တက်ရောက်လာကြသည့် မောင်မယ်သစ်လွင်များကို လှိုက်လှဲစွာကြိုဆိုပါကြောင်း၊ ဆရာ့အတတ်ပညာရပ် များကိုဆည်းပူးလေ့လာသင်ယူ၍ လက်တွေ့ဘဝနှင့်ပေါင်းစပ်/ဆက်စပ်သင်ယူနိုင်သော စဉ်းစားတွေးခေါ်သင်ကြားပို့ချ ပေးနိုင်သော ဆရာ၊ဆရာမကောင်းများအဖြစ် မိမိကိုယ်မိမိပြုစုပျိုးထောင်ကြစေလိုကြောင်း ပြောကြားပြီး မောင်မယ် သစ်လွင်များအတွက် ငွေကျပ် ၉ သိန်းကို ကျောင်းအုပ်ဆရာမကြီးနှင့်သင်တန်းသား၊သင်တန်းသူများထံ ထောက်ပံ့ပေး အပ်ခဲ့သည်။

ထို့နောက် ဘားအံပညာရေးဒီဂရီကောလိပ် ကျောင်းအုပ်ဆရာမကြီးက သင်တန်းဆိုင်ရာများကို ရှင်းလင်း တင်ပြပြီး သင်တန်းသား၊သင်တန်းသူများက တိုင်းရင်းသားရိုးရာယဉ်ကျေးမှုအကအလှများဖြင့် သီဆိုကပြဖျော်ဖြေ ကြရာ ပြည်နယ်ဝန်ကြီးချုပ်၊ ပြည်နယ်အစိုးရအဖွဲ့ဝင်များနှင့် ပြည်နယ်အဆင့်ဌာနဆိုင်ရာတာဝန်ရှိသူများက ဂုဏ်ပြုဆုများပေးအပ်ချီးမြှင့်ကြသည်။

ဘားအံပညာရေးဒီဂရီကောလိပ်တွင် ပထမနှစ်မောင်မယ်သစ်လွင်ကျောင်းသား၊ကျောင်းသူ(၄၅)ဦး တက် ရောက်လျက်ရှိပြီး ဒုတိယနှစ်၊ တတိယနှစ်နှင့်စတုတ္ထနှစ်ကျောင်းသား၊ကျောင်းသူ စုစုပေါင်း ၅၇၃ ဦး အေးချမ်းပျော်ရွှင် စွာတက်ရောက်ပညာသင်ကြားလျက်ရှိကာ ပြည်နယ်ဝန်ကြီးချုပ်နှင့်တာဝန်ရှိသူများသည် မောင်မယ်သစ်လွင်များနှင့် ကျောင်းသား၊ကျောင်းသူများကို ရင်းနှီးနွေးထွေးစွာတွေ့ဆုံနှုတ်ဆက်၍ အားပေးစကားများပြောကြားခဲ့ပါသည်။