မန္တလေးတိုင်းဒေသကြီး၊ သာစည်မြို့နယ်၌ စိတ်ကြွရူးသွပ်ဆေးပြားများ ဖမ်းဆီးရမိ

မန္တလေးတိုင်းဒေသကြီး၊ သာစည်မြို့နယ်၌ စိတ်ကြွရူးသွပ်ဆေးပြားများ ဖမ်းဆီးရမိ

     ၂၀၂၅ ခုနှစ်၊ ဩဂုတ် ၁၉ ရက် မွန်းလွဲ ၂ နာရီ ၃၀ မိနစ်တွင် မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ မန္တလေးတိုင်းဒေသကြီး၊ သာစည်မြို့နယ်၊ ပြည်ညောင်ကျေးရွာအုပ်စု၊ ပြည်ညောင်ကျေးရွာအနီး မိတ္ထီလာ-တောင်ကြီးသွား ကားလမ်းဘေးရှိ အသုပ်ဆိုင်အတွင်း ဝိုင်းဖွဲ့ထိုင်နေကြသော သာစည်မြို့နယ်၊ ဒေသအခေါ် ပထမလွန်းထိုးကျေးရွာနေသူများဖြစ်ကြသည့်  ကြည်လွင်(၃၉)နှစ်၊ ဒေါ်မေစနိုး(ခ)မငယ်(၃၅)နှစ်၊ ‌ဒေါ်ဆန်းမြ(ခ)ဝတုတ်(၅၆)နှစ်နှင့် ဘိုလှ(၂၅)နှစ်တို့ လေးဦးအား ရှာဖွေစစ်ဆေးခဲ့ရာ ၎င်းတို့ လေးဦးထံမှ စိတ်ကြွရူးသွပ်ဆေးပြား ၂၀,၀၀၀ ပြား(ဒေသကာလတန်ဖိုး တစ်ပြားလျှင် ၂၀၀၀ ကျပ် နှုန်းဖြင့် စုစုပေါင်း ဒေသတန်ဖိုး ငွေကျပ် သိန်း ၄၀၀)အား ဖမ်းဆီးရမိသဖြင့် ကြည်လွင်၊ ဒေါ်မေစနိုး (ခ)မငယ်၊ ဒေါ်ဆန်းမြ(ခ)ဝတုတ်နှင့် ဘိုလှတို့ လေးဦးအား မူးယစ်ဆေးဝါးနှင့်စိတ်ကိုပြောင်းလဲ စေသောဆေးဝါးများဆိုင်ရာဥပဒေအရ အမှုဖွင့်အရေးယူထားကြောင်း သတင်းရရှိပါသည်။