မိုင်းဖြတ်မြို့နယ်၊ အိုက်ရီ(ပါခုံ) ကျေးရွာ အပိုင်း(၁) ကုန်ထုတ်လမ်း ဖောက်လုပ် ဆောင်ရွက်နေမှု ကွင်းဆင်း

မိုင်းဖြတ်မြို့နယ်၊ အိုက်ရီ(ပါခုံ) ကျေးရွာ အပိုင်း(၁) ကုန်ထုတ်လမ်း ဖောက်လုပ် ဆောင်ရွက်နေမှု ကွင်းဆင်း

မိုင်းဖြတ်မြို့နယ်၊ အိုက်ရီ(ပါခုံ) ကျေးရွာ အပိုင်း(၁) ကုန်ထုတ်လမ်း ဖောက်လုပ် ဆောင်ရွက်နေမှု ကွင်းဆင်း

မိုင်းဖြတ် ဇန်နဝါရီ ၂၃

          ရှမ်းပြည်နယ် (အရှေ့ပိုင်း)၊ တာချီလိတ်ခရိုင်၊ မိုင်းဖြတ် မြို့နယ် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနမှ စိုက်ပျိုးမွေးမြူရေး လုပ်ငန်းများ၏ ထုတ်ကုန်၊ ထွက်ကုန်များ ဈေးကွက်သို့ အချိန်မီတင်ပို့ရောင်းချနိုင်စေရန် ရည်ရွယ်၍၂၀၂၄-၂၀၂၅ခု ဘဏ္ဍာရေးနှစ်တွင်  အိုက်ရီ(ပါခုံ) ကျေးရွာ  အပိုင်း(၁) ကုန်ထုတ်လမ်း ဖောက်လုပ်ဆောင်ရွက်နေမှု အခြေအနေများကို   ဇန်နဝါရီလ ၂၂ ရက်နေ့ နေ့လည်ပိုင်းက တာဝန်ရှိသူများမှ ကွင်းဆင်းစစ်ဆေးခဲ့ကြောင်း သိရှိရသည်။

          ထိုသို့ ကွင်းဆင်းစစ်ဆေးရာတွင် မိုင်းဖြတ် မြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဒေါ်ခင်မေလွင် နှင့် မြို့နယ်တာဝန်ခံ အင်ဂျင်နီယာ များက အိုက်ရီ(ပါခုံ) အပိုင်း(၁) ၊ ကျေးရွာကုန်ထုတ်လမ်းဖောက်လုပ် ဆောင်ရွက်နေမှု အခြေ အနေများကို ကြည့်ရှု စစ်ဆေးပြီး မြို့နယ်ဦးစီးမှူး ဒေါ်ခင်မေလွင် က သတ်မှတ်စံချိန်စံညွှန်းနှင့်အညီ အရည်အသွေးပြည့်မီစေရေး အလေးထား ဆောင်ရွက်သွားရန် မှာကြားခဲ့ပါသည်။

          မိုင်းဖြတ် မြို့နယ်၊ အိုက်ရီ(ပါခုံ) ကျေးရွာ၌ အရှည် ၁ မိုင် ၊ အကျယ် ၁၂ ပေ၊ အမြင့် ၁ ပေ ၉ မြေသားလမ်းဖောက်လုပ်ခြင်း လုပ်ငန်းကို   ပြည်ထောင်စုခွင့်ပြုရန်ပုံငွေ ၂၃ ဒသမ ၄ သန်း ဖြင့် ရွှေကန်ညီအကို  ကုမ္ပဏီမှ ယခု နှစ် ဇွန် လ ၃၀ ရက်နေ့က တာဝန်ယူဆောင်ရွက်လျက်ရှိရာ ယခုအခါ လုပ်ငန်းဆောင်ရွက်မှုမှာ   ၉၀ ရာခိုင်နှုန်း  ဆောင်ရွက်ပြီးစီးပြီ ဖြစ်ပါကြောင်း  မိုင်းဖြတ်မြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီး ဌာနမှ မြို့နယ်ဦးစီးမှူး  ဒေါ်ခင်မေလွင်  ထံမှ သိရှိရသည်။

             ဇင်မာ