မဲခေါင်-လန်ချန်း စီမံကိန်း(၂၀၂၄)ဖြင့် နေပြည်တော်အတွင်း နွားမွေးမြူရေးဖွံ့ဖြိုးတိုးတက်ရေးဆိုင်ရာ အသိပညာမျှဝေဆွေးနွေးပွဲ ကျင်းပ

မဲခေါင်-လန်ချန်း စီမံကိန်း(၂၀၂၄)ဖြင့် နေပြည်တော်အတွင်း နွားမွေးမြူရေးဖွံ့ဖြိုးတိုးတက်ရေးဆိုင်ရာ အသိပညာမျှဝေဆွေးနွေးပွဲ ကျင်းပ

နေပြည်တော် စက်တင်ဘာ ၁၃

စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာနမှ မဲခေါင်-လန်ချန်း ပူးပေါင်းဆောင်ရွက်မှု အထူးရန်ပုံငွေ (၂၀၂၄) စီမံကိန်းအစီအစဉ်ဖြင့် နေပြည်တော် ဧရိယာအတွင်းရှိ နွားမွေးမြူရေးက ဖွံ့ဖြိုးတိုးတက်ရေးဆိုင်ရာ နည်းပညာနှင့် ဗဟုသုတမျှဝေခြင်းဆိုင်ရာ အလုပ်ရုံဆွေးနွေးပွဲကို ယနေ့တွင် နေပြည်တော်ဇေယျာသီရိမြို့နယ် ဆင်တဲကြီးကျေးရွာ၌ ကျင်းပသည်။

ဆွေးနွေးပွဲတွင် မဲခေါင်-လန်ချန်း (၂၀၂၄) နွားမွေးမြူရေးက ဖွံ့ဖြိုးတိုးတက်ရေး စီမံကိန်းတာဝန်ခံက မဲခေါင်-လန်ချန်းစီမံကိန်းဖြင့် နွားမွေးမြူရေး ဖွံ့ဖြိုးတိုးတက်ရေးအတွက် ဆောင်ရွက်နေသည့် လုပ်ငန်းစဉ်များအကြောင်း၊ မွေးမြူရေးဆိုင်ရာ ဆေးတက္ကသိုလ်မှ မျိုးပွားပညာရပ်ဆိုင်ရာ ကျွမ်းကျင်ပညာရှင် ပါမောက္ခ၊ တွဲဖက်ပါမောက္ခ ဆရာ ဆရာမများက နွားများကို အထွေထွေကျန်းမာရေး စောင့်ရှောက်ပေးရန် လိုအပ်ချက်များ၊ မျိုးအောင်ရန်ခက်ခဲသော မျိုးပွား အင်္ဂါဆိုင်ရာ ရောဂါလက္ခဏာများ၊ မျိုးပွားခြင်းနှင့်ပတ်သက်၍ ကြုံတွေ့နေရသော အခက်အခဲများ၊ မျိုးအောင်နှုန်းကောင်းစေရန်နှင့် မျိုးပွားအင်္ဂါ ပြုစုစောင့် ရှောက်ခြင်းဆိုင်ရာ လိုအပ်ချက်များ၊ မျိုးပွားခြင်းကို အဟန့်အတား ဖြစ်စေသည့် ကူးစက်ရောဂါများနှင့် ပြသသည့်လက္ခဏာများ၊ ဖြေရှင်းခြင်းဆိုင်ရာ နည်းလမ်းများ၊ ခေတ်မီနည်းပညာများအသုံးပြုခြင်းဖြင့် ရရှိလာမည့် အကျိုးကျေးဇူးများကို ရှင်းလင်းဟော ပြောကြသည်။ တက်ရောက်လာသူ နွားမွေးမြူတောင်သူများက ပြန်လည်ဆွေးနွေးမေးမြန်းကြရာ တာဝန်ရှိသူများက သိရှိလိုသည် များကို ပြန်လည်ရှင်းလင်းဖြေကြားခဲ့ကြောင်း သိရသည်။

သတင်းစဉ်