မြိတ်မြို့တွင် မိုးစပါးစိုက်ဧက(၁၄၆၀) အတွက် မြစိမ်းရောင် (သမဝါယမကဏ္ဍ)မှ (၁)ဧကလျှင် (၂)သိန်းနှုန်းနှင့်ညီမျှသော မတည်ငွေ(သွင်းအားစု/မျိုးစပါး) ပေးအပ်

မြိတ်မြို့တွင် မိုးစပါးစိုက်ဧက(၁၄၆၀) အတွက် မြစိမ်းရောင် (သမဝါယမကဏ္ဍ)မှ (၁)ဧကလျှင် (၂)သိန်းနှုန်းနှင့်ညီမျှသော မတည်ငွေ(သွင်းအားစု/မျိုးစပါး) ပေးအပ်

မြိတ်၊ စက်တင်ဘာ ၅

          တနင်္သာရီတိုင်းဒေသကြီး နိုင်ငံ့စီးပွားမြှင့်တင်ရေး ရန်ပုံငွေဖြင့် မိုးစပါးစိုက်ပျိုးရေးစီမံကိန်း မြစိမ်းရောင် (သမဝါယမကဏ္ဍ)မှ မြိတ်မြို့နယ်အတွင်းရှိ သမဝါယမအသင်းသား တောင်သူများအား မိုးစပါးစိုက်ဧက(၁၄၆၀)အတွက် မြို့နယ်သမဝါယမဦးစီးဌာနမှ (၁)ဧကလျှင်(၂)သိန်းနှုန်းနှင့် ညီမျှ သောမတည်ငွေ(သွင်းအားစု/မျိုးစပါး)ကို စက်တင်ဘာ(၄)ရက်နေ့လယ်ပိုင်းက မြို့နယ်သမဝါယမ အသင်းစုရုံးတွင် ပေးအပ်ခဲ့သည်။ လယ်ယာစိုက်ပျိုးရေးကဏ္ဍတွင် တောင်သူများ၏ စိုက်ပျိုး ထုတ်လုပ်မှုဖွံ့ဖြိုးတိုးတက်ပြီး တစ်ဦးချင်း ဝင်ငွေတိုးတက်စေရန်နှင့် (၁)ဧကအထွက်နှုန်းတိုးစေရန် အတွက် သမဝါယမဦးစီးဌာနမှ မြိတ်မြို့နယ်အတွင်းရှိ သမဝါယမအသင်းသားတောင်သူများ၏ စိုက်ဧက(၁၄၆၀)အတွက် မိုးစပါးစိုက်ပျိုးရေးစီမံကိန်းမြစိမ်းရောင်(သမဝါယမကဏ္ဍ)မှ ကျပ်(၂၉၂) သန်းနှင့် ညီမျှသောမျိုးစပါး၊ သွင်းအားစုများကို မြို့နယ်အတွင်းရှိ သမဝါယမအသင်းများသို့ ပေးအပ်ခြင်းဖြစ်သည်။

          ထိုသို့ပေးအပ်ရာတွင် မြို့နယ်မိုးစပါးစိုက်ပျိုးရေးစီမံကိန်း(မြစိမ်းရောင်) ကြီးကြပ်မှုကော်မတီ ဥက္ကဋ္ဌကိုယ်စား မြို့နယ်စီမံအုပ်ချုပ်ရေးအဖွဲ့ဝင်(၂) ဦးသောင်းအေးက အမှာစကားပြောကြားပြီး တိုင်းဒေသကြီးသမဝါယမဦးစီးဌာနမှ လက်ထောက်ညွှန်ကြားရေးမှူး ဦးဇော်မင်းဆွေက တိုင်းဒေသကြီးနိုင်ငံ့စီးပွားမြှင့်တင်ရေးရန်ပုံငွေဖြင့် မိုးစပါးစိုက်ပျိုးရေးစီမံကိန်း မြစိမ်းရောင် (သမဝါယမကဏ္ဍ)ဖြင့် တောင်သူများအတွက် ဆောင်ရွက်ပေးနေမှုများအား ရှင်းလင်း ပြောကြား၍ မြို့နယ်သမဝါယမဦးစီးဌာန ဦးစီးအရာရှိ ဒေါ်စမ်းစမ်းမိုးက အသင်းသားတောင်သူများအား ထောက်ပံ့ပေးအပ်ရသည့် ရည်ရွယ်ချက်များကို ရှင်းလင်းပြောကြားသည်။

          ထို့နောက် တိုင်းဒေသကြီး နိုင်ငံ့စီးပွားမြှင့်တင်ရေးရန်ပုံငွေဖြင့် မတည်ထောက်ပံ့မှုရရှိသော မြို့နယ်အတွင်းရှိ သမဝါယမအသင်း(၁၁)သင်းမှ အသင်းသားတောင်သူ(၂၇၅)ဦး၏ စိုက်ဧက (၁၄၆၀)အတွက် မိုးစပါး စိုက်ပျိုးရေးစီမံကိန်းမြစိမ်းရောင်(သမဝါယမကဏ္ဍ)မှ ကျပ်(၂၉၂)သန်းနှင့် ညီမျှသောမျိုးစပါး၊ သွင်းအားစုများကို ခရိုင်/မြို့နယ် မိုးစပါးစိုက်ပျိုးရေးစီမံကိန်း (မြစိမ်းရောင်) ကြီးကြပ်မှုကော်မတီဝင် ဌာနဆိုင်ရာတာဝန်ရှိသူများက ပေးအပ်ခဲ့ကြရာ အသင်းသားတောင်သူများ ကိုယ်စားတောင်သူတစ်ဦးက ကျေးဇူးတင်စကားပြန်လည်ပြောကြားသည်။ မြိတ်မြို့နယ်အတွင်းရှိ သမဝါယမအသင်းသားတောင်သူများ၏ လယ်ဧက(၃၀၀၀)ဧကအတွက် မြို့နယ်သမဝါယမဦးစီး ဌာနမှ စိုက်ဧက (၃၀၀၀)လျာထားဆောင်ရွက်ခဲ့ရာ နိုင်ငံ့စီးပွားမြှင့်တင်ရေးရန်ပုံငွေဖြင့် (၁၄၆၀)ဧက အတွက် သွင်းအားစုများကို ယနေ့တွင် မတည်ပေးအပ်နိုင်ခဲ့ပြီး ကျန်ရှိသော(၁၅၄၀)ဧကအတွက် ဆက်လက် ဆောင်ရွက်ပေးနိုင်ရေးအတွက် စီစဉ်ဆောင်ရွက်လျက်ရှိကြောင်း သိရသည်။

မော်လမြိုင်သတင်းဌာနခွဲ