မွန်ပြည်နယ်၊ ကျိုက်ထိုမြို့နယ်၌ မော်တော်ယာဉ်မှ မီးရထားအား ဝင်ရောက်တိုက်မိမှု
မွန်ပြည်နယ်၊ ကျိုက်ထိုမြို့နယ်၌ မော်တော်ယာဉ်မှ မီးရထားအား ဝင်ရောက်တိုက်မိမှု
Ministry of Home Affairs/ နေပြည်တော် / May 01, 2025
၂၀၂၅ ခုနှစ်၊ ဧပြီ ၂၉ ရက်က မွန်ပြည်နယ်၊ ကျိုက်ထိုမြို့နယ်၌ မော်တော်ယာဉ်မှ ရထားသံလမ်းအား ဖြတ်သန်းမောင်းနှင်စဉ် ရထားအား ဝင်ရောက်တိုက်မိခဲ့ကြောင်း သိရသည်။
ဖြစ်စဉ်မှာ ဧပြီ ၂၉ ရက် နံနက် ၁၀ နာရီ ၄၀ မိနစ်တွင် မွန်ပြည်နယ်၊ ကျိုက်ထိုမြို့နယ်၊ မုပ္ပလင်ကျေးရွာ၊ မုပ္ပလင်ဘူတာအနီး ရန်ကုန်-မော်လမြိုင်မီးရထားလမ်း မိုင်တိုင်အမှတ်(၈၄/၈-၉) အကြား၌ ပဲခူးတိုင်းဒေသကြီး၊ ဝေါမြို့၊ အောင်ချမ်းသာရပ်ကွက်နေ ဝင်းကို(၅၅)နှစ်သည် BGO-13/ 1K-XXXX FORLAND အဖြူရောင်မော်တော်ယာဉ်ဖြင့် ရထားသံလမ်းအား ဖြတ်သန်းမောင်းနှင်စဉ် ရန်ကုန်မြို့မှ မော်လမြိုင်မြို့သို့ မောင်းနှင်လာသည့် စက်ခေါင်းအမှတ်(DF-2089) အမှတ်(၈၁)အဆန် လူစီးရထားအား ဝင်ရောက်တိုက်မိခဲ့သဖြင့် ဝင်းကိုအား သိမ်ဇရပ်နယ်မြေရဲစခန်း (ပ)၁၉/၂၀၂၅၊ ရထား ပို့ဆောင်ရေးလုပ်ငန်းဥပဒေပုဒ်မ ၈၅ ဖြင့် အမှုဖွင့်အရေးယူထားကြောင်း သတင်းရရှိသည်။