မွန်ပြည်နယ်၊ ကျိုက်မရောမြို့နယ်၊ ဘီးလင်းမြို့နယ်နှင့် ပေါင်မြို့နယ်တို့၌ လိုင်စင်မဲ့ မော်တော်ဆိုင်ကယ် လက်ဝယ်ထားစီးနင်းသူများအား ဖမ်းဆီးအရေးယူ

မွန်ပြည်နယ်၊ ကျိုက်မရောမြို့နယ်၊ ဘီးလင်းမြို့နယ်နှင့် ပေါင်မြို့နယ်တို့၌ လိုင်စင်မဲ့ မော်တော်ဆိုင်ကယ် လက်ဝယ်ထားစီးနင်းသူများအား ဖမ်းဆီးအရေးယူ

    ၂၀၂၅ ခုနှစ်၊ ဇူလိုင် ၂၄ ရက်က မွန်ပြည်နယ်၊ ကျိုက်မရောမြို့နယ်၊ ဘီးလင်းမြို့နယ်နှင့် ပေါင်မြို့နယ်တို့၌ လိုင်စင်မဲ့ မော်တော်ဆိုင်ကယ် လက်ဝယ်ထားစီးနင်းသူများအား ဖမ်းဆီးအရေးယူထားကြောင်း သိရသည်။
    ဖြစ်စဉ်မှာ ဇူလိုင် ၂၄ ရက် ညနေ ၆ နာရီ ၅ မိနစ်တွင် ကျိုက်မရောမြို့၊ ကျိုက်မရောမြို့မရဲစခန်းမှ တပ်ဖွဲ့ဝင်များက အောင်သုခရပ်ကွက်၊ မြနန္ဒာလမ်းပေါ်တွင် ယာဉ်စစ်ဆေးခြင်းများ ဆောင်ရွက်နေစဉ် အတ္ထရံရပ်ကွက်နေ စိုးနိုင်(၅၆)နှစ်အား လိုင်စင်မဲ့ မော်တော်ဆိုင်ကယ် တစ်စီးဖြင့်လည်းကောင်း။
    အလားတူ နံနက် ၉ နာရီ ၄၅ မိနစ်တွင် ဘီးလင်းမြို့နယ်၊ ဘီးလင်းမြို့မရဲစခန်းမှ တပ်ဖွဲ့ဝင်များက ဘိုးလှကြီးရပ်ကွက်၊ ရန်ကုန်-မော်လမြိုင်ကားလမ်းမကြီး၊ PUMA POWER စက်သုံးဆီအရောင်းဆိုင်အနီး၌ ယာဉ်စစ်ဆေးခြင်းများ ဆောင်ရွက်နေစဉ် မုသင်ကျေးရွာနေ ရေချမ်း(၄၂)နှစ်အား လိုင်စင်မဲ့ဘေးတွဲ မော်တော်ဆိုင်ကယ်ဖြင့်လည်းကောင်း။
    အလားတူ နံနက် ၁၁ နာရီ ၃၀ မိနစ်တွင် ပေါင်မြို့နယ်၊ ဇင်းကျိုက်နယ်မြေရဲစခန်းမှ တပ်ဖွဲ့ဝင်များက ပေါင်မြို့နယ်၊ ပန်းကုန်းကျေးရွာ၊ ရန်ကုန်-မော်လမြိုင်ကားလမ်းတွင် ယာဉ်စစ်ဆေးခြင်းများ ဆောင်ရွက်နေစဉ် ဇင်းကျိုက်ရပ်ကွက်နေ ဝင်းအောင်(၅၅)နှစ်အား လိုင်စင်မဲ့ မော်တော်ဆိုင်ကယ် တစ်စီးဖြင့်လည်းကောင်း ဖမ်းဆီးရမိခဲ့သဖြင့် စိုးနိုင်ပါ သုံးဦးအား သက်ဆိုင်ရာရဲစခန်းများ၌ ပို့ကုန်သွင်းကုန်ဥပဒေ ပုဒ်မ ၈ ဖြင့် အသီးသီး အမှုဖွင့်အရေးယူထားကြောင်း သတင်းရရှိပါသည်။