မွန်ပြည်နယ်၊ သံဖြူဇရပ်မြို့နယ်၊ ကျောင်းပိုင်းရပ်ကွက်၊ ဗိုလ်နေဝင်းလမ်းတွင် ဆိုင်ခန်းမီးလောင်မှု

မွန်ပြည်နယ်၊ သံဖြူဇရပ်မြို့နယ်၊ ကျောင်းပိုင်းရပ်ကွက်၊ ဗိုလ်နေဝင်းလမ်းတွင် ဆိုင်ခန်းမီးလောင်မှု

     ၂၀၂၆ ခုနှစ်၊ မေ ၅ ရက် နံနက် ၅ နာရီ ၃၅ မိနစ်ခန့်က မွန်ပြည်နယ်၊ သံဖြူဇရပ်မြို့နယ်၊ ကျောင်းပိုင်းရပ်ကွက်၊ ဗိုလ်နေဝင်းလမ်း၊ သမဝါယမအသင်းပိုင်ဆိုင်ခန်းတွင် ငှားရမ်းလုပ်ကိုင်သူ ဦးကောင်းမြတ်သူ(၂၆)နှစ်၏ ၁၀ x ၆ ပေ၊ သွပ်မိုး၊ အုတ်ကာ၊ ကွန်ကရစ်ခင်းတစ်ထပ် “ကောင်းသူ” ဆိုင်ကယ်နှင့် ကားစတေကာလုပ်ငန်းဆိုင်ခန်းတွင် ပန်ကာဖွင့်ထားခဲ့ရာမှ အပူလွန်ကဲပြီး မီးစတင် လောင်ကျွမ်းမှု ဖြစ်ပွားကြောင်း သတင်းရရှိသဖြင့် သံဖြူဇရပ်မြို့နယ်မီးသတ်စခန်းမှ မီးသတ်တပ်ဖွဲ့ဝင် များသည် မီးငြှိမ်းသတ်ယာဉ် ၂ စီးဖြင့် သွားရောက်ငြှိမ်းသတ် ခဲ့ရာ နံနက် ၅ နာရီ ၄၅ မိနစ်တွင် မီးငြိမ်း ခဲ့ပါသည်။

     အဆိုပါမီးလောင်မှုကြောင့် ၁၀ x ၆ ပေ၊ သွပ်မိုး၊ အုတ်ကာ၊ ကွန်ကရစ်ခင်းတစ်ထပ် ဆိုင်ခန်း နှစ်ခန်း မီးလောင်ဆုံးရှုံးခဲ့ကြောင်းနှင့် ဦးကောင်းမြတ်သူအား သံဖြူဇရပ်မြို့မရဲစခန်းမှ အမှုဖွင့်အရေးယူ ထားကြောင်း သတင်းရရှိပါသည်။