ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်၌ မော်တော်ယာဉ် သုံးစီး ဆင့်တိုက်မှု

ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်၌ မော်တော်ယာဉ် သုံးစီး ဆင့်တိုက်မှု

     ၂၀၂၆ ခုနှစ်၊ ဖေဖော်ဝါရီ ၂၆ ရက်က ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း) မြို့နယ်၌ မော်တော်ယာဉ် သုံးစီး ဆင့်တိုက်မှု ဖြစ်ပွားခဲ့ကြောင်း သိရသည်။

     ဖြစ်စဉ်မှာ ဖေဖော်ဝါရီ ၂၆ ရက် ည ၇ နာရီ ၄၅ မိနစ်တွင် ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်၊ အမှတ်(၅)လမ်းပေါ်၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၉)ယာဉ်ထိန်းရဲဒုတပ်ဖွဲ့ခွဲမှ တပ်ဖွဲ့ဝင်များက သွားရောက်စစ်ဆေးခဲ့ရာ လှိုင်သာယာ (အနောက်ပိုင်း)မြို့နယ်နေ ဦးမင်းဇော်(၄၇)နှစ် မောင်းနှင်လာသည့် YGN-22/51-XXXX CANTER CAR CARRIER မော်တော်ယာဉ်သည် အမှတ်(၅)လမ်းအတိုင်း အနောက်မှ အရှေ့သို့ မောင်းနှင် လာစဉ် သမကုန်းမီးပွိုင့်အရောက်၌ အရှိန်မထိန်းနိုင်ဘဲ မီးပွိုင့်မီးနီ၍ ရပ်တန့်ထားသည့် YGN-22/ 71-XXXX KIA BOGNO III မော်တော်ယာဉ်အား ဝင်ရောက်တိုက်မိရာ ၎င်းယာဉ်မှ တစ်ဆင့် BGO-22/ 5I-XXXX HIGER BUS မော်တော်ယာဉ်အား ထပ်ဆင့်တိုက်မိခဲ့သဖြင့် မော်တော်ယာဉ် သုံးစီး ထိခိုက်ပျက်စီးခဲ့သောကြောင့် မင်းဇော် အား လှိုင်သာယာ(အနောက်ပိုင်း)မြို့နယ်မြို့မရဲစခန်းမှ ယာဉ်(ပ)၄/၂၀၂၆၊ ရာဇသတ်ကြီးပုဒ်မ ၃၃၈/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။