ရန်ကုန်တိုင်းဒေသကြီး၊ တောင်ဥက္ကလာပမြို့နယ်၊ သံသုမာ-ပါရမီလမ်းဆုံမီးပွိုင့်၌ မီးနီဖြတ်မောင်း၍ ယာဉ်တိုက်မှု ဖြစ်ပွား

ရန်ကုန်တိုင်းဒေသကြီး၊ တောင်ဥက္ကလာပမြို့နယ်၊ သံသုမာ-ပါရမီလမ်းဆုံမီးပွိုင့်၌ မီးနီဖြတ်မောင်း၍ ယာဉ်တိုက်မှု ဖြစ်ပွား

     ၂၀၂၆ ခုနှစ်၊ ဖေဖော်ဝါရီ ၂၆ ရက်က ရန်ကုန်တိုင်းဒေသကြီး၊ တောင်ဥက္ကလာပမြို့နယ်၌ သံသုမာ-ပါရမီလမ်းဆုံမီးပွိုင့်တွင် မီးနီဖြတ်မောင်း၍ ယာဉ်တိုက်မှု ဖြစ်ပွားခဲ့ကြောင်း သိရသည်။

     ဖြစ်စဉ်မှာ ဖေဖော်ဝါရီ ၂၆ ရက် မွန်းလွဲ ၁ နာရီတွင် ရန်ကုန်တိုင်းဒေသကြီး၊ တောင်ဥက္ကလာပမြို့နယ်၊ သံသုမာ-ပါရမီလမ်းဆုံမီးပွိုင့်၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၆)ယာဉ်ထိန်းရဲဒုတပ်ဖွဲ့ခွဲမှ တပ်ဖွဲ့ဝင်များက သွားရောက်စစ်ဆေးခဲ့ရာ ဒဂုံမြို့သစ် (မြောက်ပိုင်း)မြို့နယ်၊ အမှတ်(၄၃)ရပ်ကွက်နေ ဦးမျိုးကျော်(၅၂) နှစ် မောင်းနှင်လာသည့် YGN-13/ 9E-XXXX TOYOTA SUCCED မော်တော်ယာဉ်သည် သံသုမာလမ်းအတိုင်း မြောက်မှ တောင်သို့ မောင်းနှင်လာစဉ် သံသုမာ-ပါရမီလမ်း ဆုံမီးပွိုင့်အရောက်၌ မီးနီအားဖြတ်သန်း၍ ဝဲဘက်သို့ ချိုးကွေ့ မောင်းနှင်စဉ် မျက်နှာချင်းဆိုင်မှ တောင်ဥက္ကလာပမြို့နယ်၊ အမှတ်(၁၅)ရပ်ကွက်နေ ဟိန်းပြည့်ဖြိုးဇော် (၂၉)နှစ် မောင်းနှင်လာသည့် BGO-27/9S-XXXX JMEV EV3 မော်တော်ယာဉ်အား အရှိန်မထိန်းနိုင်ဘဲ ဝင်တိုက်မိခဲ့သဖြင့် မော်တော်ယာဉ် နှစ်စီး ထိခိုက်ပျက်စီးခဲ့သော ကြောင့် မျိုးကျော် အား တောင်ဥက္ကလာပမြို့မရဲစခန်း ယာဉ်(ပ)၈/၂၀၂၆၊ ရာဇသတ်ကြီးပုဒ်မ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။