ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ ကူးတို့ဆိပ်ရပ်ကွက်၌ နေအိမ် မီးလောင်မှု

ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ ကူးတို့ဆိပ်ရပ်ကွက်၌ နေအိမ် မီးလောင်မှု

     ၂၀၂၆ ခုနှစ်၊ မတ် ၉ ရက် နံနက် ၇ နာရီ ၅၈ မိနစ်ခန့်က ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ ကူးတို့ဆိပ်ရပ်ကွက်၌ ပိုင်ရှင် ဒေါ်ခင်ဝေ(၆၆)နှစ်၏ ၂၅ x ၇၀ ပေ၊ သွပ်မိုး၊ ပျဉ်ကာ၊ ပျဉ်ခင်း နှစ်ထပ်နေအိမ်ရှိ ၁၀ x ၁၀ ပေ မီးဖိုခန်းတွင် သွယ်တန်းထားသော မီးပလတ်ခုံ အပူလွန်ကဲပြီး မီးပွားထွက်ရာမှတစ်ဆင့် အောက်ရှိ ရေနံဆီဘူးပေါ်သို့ မီးပွားကျရာမှ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် ရန်ကုန်တိုင်းဒေသကြီးအတွင်းရှိ မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် ၂၆ စီးဖြင့် မီးငြှိမ်းသတ်ခဲ့ရာ နံနက် ၈ နာရီ ၂၅ မိနစ်တွင် မီးငြိမ်းခဲ့ပါသည်။ 

     အဆိုပါမီးလောင်မှုကြောင့် တစ်ထပ် နေအိမ် ခုနစ်လုံး၊ နှစ်ထပ် နေအိမ် ခြောက်လုံး၏ အပေါ်ထပ်များ မီးလောင်ဆုံးရှုံးခဲ့ကြောင်းနှင့် ဒေါ်ခင်ဝေ အား မင်္ဂလာတောင်ညွန့်မြို့မရဲစခန်းမှ အမှုဖွင့်အရေးယူ ထားကြောင်း သတင်းရရှိပါသည်။