ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ မင်္ဂလာဒုံစက်မှုဇုန်၌ MYANMAR ASIA OPTICAL INTERNATIONAL Co.,Ltd ပိုင် စက်ရုံ မီးလောင်မှု

Ministry of Home Affairs/ နေပြည်တော် / March 27, 2026

၂၀၂၆ ခုနှစ်၊ မတ် ၂၅ ရက် ည ၁၂ နာရီ ၁၀ မိနစ်ခန့်က ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ မင်္ဂလာဒုံစက်မှုဇုန်၊ အမှတ်(၃)လမ်းမဘေးရှိ ပိုင်ရှင် Mr. Asano Yuzo (ဂျပန်နိုင်ငံသား)(၇၈)နှစ်၏ MYANMAR ASIA OPTICAL INTERNATIONAL Co.,Ltd မှ ဖုန်းကင်မရာ၊ မှန်ဘီလူးနှင့် မျက်ကပ်မှန်များ ထုတ်လုပ်သော ၃၀၀ x ၁၅၀ ပေ၊ Streel Structure နှစ်ထပ် အဆောက်အအုံ၏ မြေညီထပ်တွင် ညဆိုင်းစက်ရုံလည်ပတ်နေစဉ် မီးပြတ်သွား၍ မီးစက်နှိုးချိန် UPS Battery များ ပေါက်ထွက်ကာ မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် ရန်ကုန်တိုင်းဒေသကြီးအတွင်းရှိ မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် ၇၁ စီးဖြင့် မီးငြှိမ်းသတ်ခဲ့ရာ နံနက် ၃ နာရီ ၃၃ မိနစ်တွင် မီးငြိမ်းခဲ့ပါသည်။
အဆိုပါ မီးလောင်မှုကြောင့် ၃၀၀ x ၁၅၀ ပေ၊ Streel Structure နှစ်ထပ် အဆောက်အအုံ၏ ၃၅ x ၁၅၀ ပေခန့်နှင့် အတွင်းပစ္စည်းများ၊ UPS Battery စင် ကိုးစင်၊ Air-Con လေးလုံး၊ မှန်ဘီလူးဆေးစက် နှစ်လုံး မီးလောင်ဆုံးရှုံးခဲ့ကြောင်းနှင့် စက်ရုံလျှပ်စစ်တာဝန်ခံ စိုးရန်နိုင်(၃၅)နှစ် အား မင်္ဂလာဒုံမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။