ရန်ကုန်တိုင်းဒေသကြီး၊ သန်လျင်မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး
ရန်ကုန်တိုင်းဒေသကြီး၊ သန်လျင်မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး
Ministry of Home Affairs/ နေပြည်တော် / April 19, 2026
၂၀၂၆ ခုနှစ်၊ ဧပြီ ၁၇ ရက်က ရန်ကုန်တိုင်းဒေသကြီး၊ သန်လျင်မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးသွားခဲ့ကြောင်း သိရသည်။
ဖြစ်စဉ်မှာ ဧပြီ ၁၇ ရက် ည ၁၂ နာရီ ၁၀ မိနစ်တွင် သန်လျင်မြို့နယ်၊ ကျိုက်ခေါက်ဘုရားလမ်းပေါ်၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၅၉)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များပါဝင်သော ပူးပေါင်းအဖွဲ့က သွားရောက်စစ်ဆေးခဲ့ရာ အဆိုပါလမ်းအတိုင်း မြောက်မှတောင်သို့ သန်လျင်မြို့နယ်၊ ဘုရားငါးဆူကျေးရွာနေ စောဆဲဒီဇိုင်းမောင်း(၃၆)နှစ် မောင်းနှင်လာသော YGN-39 4F/XXXX SUZUKI CARRY ယာဉ်သည် ကျိုက်ခေါက်ဘုရားရှေ့အရောက်၌ အရှိန်မထိန်းနိုင်ဘဲ လမ်းဘေးတွင်ရပ်နေသူ ဆားမလုံကျေးရွာနေ ဦးဆန်းဦး(၄၅)နှစ်နှင့် ရပ်တန့်ထားသော YGN-27 CC/XXXX DAIHATSU HIJET ယာဉ်တို့အား ဝင်ရောက်တိုက်မိခဲ့သဖြင့် ဦးဆန်းဦးတွင် ဒဏ်ရာများရရှိကာ သေဆုံးသွားခဲ့သောကြောင့် စောဆဲဒီဇိုင်းမောင်း အား သန်လျင်မြို့မရဲစခန်း ယာဉ်(ပ)၁၄/၂၀၂၆၊ ရာဇသတ်ကြီးပုဒ်မ ၃၀၄-က/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။